بأذن الله يابو رسيل ما عندك اي مشاكل , كم اعماركم ؟
مادام موظف الخطوط ما طلب منك تراجع مكتب الخروج وسحب الكروت فأكيد عندهم تعليمات بذلك , وسبق لي ان سألت موظف الخروج عن هذة الحالة إن وقعت فما هي التبعات فأفادني بأنهم يسمحوا للشخص بالخروج من امريكا بدون تسجيل الخروج ( 3 سفرات ) الرابعة فنصاً قالي
say bye bye to america عن هذة الحالة . واخر مرتين لي عند مغادرة امريكا لم يطلب مني تسجيل الخروج ,
وسبق ان حصلت العديد من هذة الحالات بسبب الازدحام لدي مكتب الخروج ولقلة عدد الموظفين العاملين هناك ولجهل العديد من المسافرين بذلك الاجراء ,
بالايضافة لو كان تطلب منك الخروج لأبلغ الموظف المختص عند الدخول بذلك , والاهم بالموضوع ان موظف الخطوط سحب الكروت تطمئن اخوي ,
وان احببت التأكد اتصل على السفارة واسألهم وبلغهم انك غادرت ولم تكن تعلم بالاجراء ,
بالتوفيق , , ,

هل عملت تسجيل للدخول ؟
يعني غير انهم اخذوا نصف الكرت !! انهم اخذوك لغرفة او صالة وبعدها سئلوك كم سؤال وكذا ؟

لا تشيل هم وانا أخوك أنا راجع من أمريكا في شهر 7/2010 م
وصار معي نفس الشي , ولو كان في إشكالية كان رجعوك من بوابة الطيارة عشان تسجل خروج
إن شاء أمورنا في السليم .. لأن موظفة الخطوط السعودية في مطار نيويورك أكدت عليها السؤال أكثر من مرة
هل لازم أروح لمكتب سيفيس (تسجيل الخروج )
قالت : لا ما يحتاج .

مشكورين على الردود
يامشرفنا العزيز دخولي كان عادى جدا ولادخلونا غرفه ولاشي
بس انا برجع في اكتوبر ولاابغى ادخل في متاهات

الاخ ابو رسيل دام ما عندك مشكلة بالدخول وما دخلت غرفة تحقيق وقعدت يمكن بالساعات بالمكتب
فما عليك اي مشكلة ان شاء الله وتطمن
بدون مبالغة ان قلت دخلت لامريكا لاكثر من 20شوي وطريقتي نفس طريقك بالضبط
بالخروج مجرد يسحبون كرت الدخول اللى موجود بالجواز
وبعدها ياخذون الكروت ويدخلونها بجهاز وبعده يتعرف الجهاز على رقم الكرت ويعمل لك تسجيل خروج اتوماتيكي
وانتهت السالفة تطمن يا ابو اسيل

impact
نفس الشئ حصلي ... ولا أدري عن شئ إسمه تسجيل خروج... وضحوا الامر رجاءا
وأنا عني هذا اللي حصلي خذوني لغرفه وشغلة عشر دقايق وقالو لي الله معك وخرجت بكرت مكبوس بالجواز
يوم رديت نسيته

المفروض انكتسلمهم الكرت !!
مهي مشكلة هم يتغاضوا عن اول مرة او مرتين !!
اتمنى لك التوفيق

نفس الشئ صار لي
بس انا كانت عودتي للسعودية عن طريق الخطوط الألمانية (اللوفتهانزا), وقد قام الموظف بأخذ كعب الكرت الخاص بالخروج, وقد طلبت منه ان يعطيني إياه لكي أقوم بتسجيل الخروج, فقال لي انه يتم تسجيل الخروج عن طريق الخطوط الناقلة وليس عن طريق المسافر نفسه
فتطمن يا أخي

يا إمباكت أقولك وأنا خارج من التفتيش بنيويورك .... بالمطار... كل اللي أذكره ... الامريكانيه الي بعد بوابة التفتيش خذت الجواز ومسحته داخل الجهاز الإلكتروني... وتعرف كثر مالفيت مطارات نسيت كل الإجراءات ونسيت وين انا فيه..... خلاف إنك وقت الرجعه تكون محتاس حتى لو إنك طالع من بيت الوالد لبيتكم.... أمس بالليل كلمت واحد من الشباب استفسر منه وقالي المفروض تخليهم يسحبونه... ولما قلت له نسيت ... قال خلاص ماعاد يسمحون لك تدخل أمريكا أبد.... بالله هالكلام صحيح ....؟
ثم جوازي مابه ختم وإلا المسح الاإلكتروني كافي.....؟ دون ختم النسر الامريكي على الجواز...