1. للاشخاص الاقتصاديين او المتورطين ماديا او اللي يبحثون عن افضل الاسعار


2. ياحبيبي وين القى صراف خاص ببنك سعودي في لندن !!!!

للاشخاص الاقتصاديين او المتورطين ماديا او اللي يبحثون عن افضل الاسعار

الحكاية انا توي واصل لندن من اسبانيا بعدما كنت في فرنسا واسبانيا وكان عندي بطاقتين صراف الاولى صرفتها في الايام اللي فاتت وباقي شويه وخليت الثقيلة للندن عشان مصاريفها غالية !!
يوم وصلت لندن وجيت اسحب من البنك لقيت حسابي غير منشط بسبب اني ما حدثت رقم الجوال ولما استخدمت خدمة الانترنت لحسابي عادي دخلت وجيت احول لخوي الفلوس عشان يحول في حسابي الثاني لكن برضه لقيت كل عملياتي موقفة ويوم اتصلت على البنك قالولي لازم تحدث جوالك من صراف خاص بالبنك ..

ياحبيبي وين القى صراف خاص ببنك سعودي في لندن !!!!

الهم اخذت شنطتي وقعدت ادور فندق رخيص والله شفت كذا فندق لكن اللي سكنت فيه فندق اسمه باسفيك مقابل مركز صلاح الدين الاسلامي اخذته بعد المفاوضات ب 35 باوند يعني 210 ريال ارخص من جدة والرياض طبعا هو يصلح لشخص واحد وكمان عندهم حق شخصين
الغرفة ضيقة لكن لابأس بها والحمام وسيع ونظيف وعندهم خدمة واير لس مجانا والمسجد قدامك في نفس مركز صلاح الدين وفيه مواظي نظيفة ودورة مياه بنظام عربي ومطعم المندي جنبك والكوفي والشيشه جنبك وشارع الاجور رود والهايد بارك صراحة الموقع مرة حلو للعرب واقتصادي يعني للي يجي ينام ويتمشى ويبغى يوفر احسن له يسكن في هذا الفندق طبعا فيه فنادق كثير جنبه ولقيت واحد كمان ارخص منه سعره 25 باوند لكن تعبان مررة .
وحتى لقيت شخص عراقي دايم في المسجد اسمه ابو محمد اللي يروح مركز صلاح الدين الاسلامي يسأله . وكمان يقول اذا انت بتجلس اسبوع فيه شقق نظيفة ايجارها بالاسبوع وسعرها 250 باوند لمدة اسبوع نظيفة ووسيعة وحلوة لكن المشكلة انا بجلس 4 ايام راح يوم منها قبل ما اقابل هذا الشخص لكن حبيت اطرح هذا الموضوع لمن تواجهه ظروف او يريد التوفير
وشكرا