اولا حياج الله اختي الكريمه معانا .. وتشرفنا فيج وان شاء الله ما نقصر ..
ثانيا ما شاء الله العدد كبير .. لهذا ممكن السكن بشقق كبيره مثل الي علقتي بها بفينا عدلت الخطأ هناك .. لكن كم اعمار الاطفال ..
ثانيا زيلامسي ممكن يكون بيت او شقتين ..
لكن اول شيئ انشوف المخطط هل يناسبكم .. فينا 4 ايام زيلامسي 7 ايام وميونخ 3 ايام للتسوق وممكن انضيف سالزبورخ .. لكن المشكله بالسكن فيها ..
الميزانيه نحكم بعد خصم التذاكر والسكن والفيزا .. واعتقد راح تحتاجون الى سياره اريح لكم ..
الخطوط المصريه مناسبه لكم خصوصا السعر ..
رايي الخاص بما انكم عائله كبيره جدا انصحكم بالمخطط الي فوق اذا كانت البدايه فينا او العكس ميونخ مع تقليل التنقل اختيار 3 مدن كافيه .. مع امكانية زيارة اماكن كثيره من زيلامسي بالسياره
انا بالانتظار حتى اشوف تعليقج على ما ذكرت

أعمار الأطفال ( 8 سنوات ) ( 5 سنوات )
المخطط مناسب .. فينا 4 ايام زيلامسي 7 ايام وميونخ 3 ايام ..
والسكن مثل ماذكرت أفضل الشقق في فيننا أعجبتني Duschel Apartments
لكن فيه مشكلة كل ما أعمل حجز يقول لي إن مافيه غرف موجودة في التواريخ الي أضفتها
كم السعر المتوقع للشقق ؟
وإذا ممكن ترشح لي أسماء شقق أو بيوت في زيلامسي وميونخ ..
والتنقل مثل ماذكرت أفضل السيارة لكن القيادة في النمسا سهلة
وممكن نلقى سيارة كبيرة وبسعر مناسب ؟
الله يعطيك العافية ..

حاضر ومن عيوني كل شيئ متوفر
راجع مع التفاصيل

الله يجزاك خير ..
شاكره لك تعاونك ,,
بانتظار عودتك

انزين اختي .. انتي متى سفرتكم بالظبط بتاريخ ميلادي اختي افضل ..
ثانيا حاولي تغيرين الايام يعني ناقص يوم وزايد يوم .. بالنسبه الى شقة فينا
اما بخصوص السياره صعب جدا تحصلون سياره بهذا الحجم لكن بنحاول .. اختي انتي من وين في المملكه .. والسياره تحتاجونه فقط بزيلامسي لان بالمدن افضل الوسائل الاخرى انتي شرايج
السكن بزيلامسي بشوفلج بيت كبير يبعد عن زيلامسي 3 كيلو فقط وبمكان نظيف او شقق بزيلامسي بس لازم شقتين اختاري وانا حاضر ..
شقق بميونخ .. مستواها جيد لكن بموقع خيالي 400 متر فقط عن شارع التسوق والمارينا بلاتز تستقبل 8 اشخاص وطفلكم الصغير الي عمره 5 سنوات ببلاش بدون سرير .. شوفي الصور واراء النزلاء وخبريني
https://www.booking.com/hotel/de/medicon-downtown-suites.html?aid=1300939
نكمل بعدها زيلامسي بعد ما انشوف اختيارج

انزين اختي .. انتي متى سفرتكم بالظبط بتاريخ ميلادي اختي افضل ..
ثانيا حاولي تغيرين الايام يعني ناقص يوم وزايد يوم ..
اما بخصوص السياره صعب جدا تحصلون سياره بهذا الحجم لكن بنحاول .. اختي انتي من وين في المملكه .. والسياره تحتاجونه فقط بزيلامسي لان بالمدن افضل الوسائل الاخرى انتي شرايج
السكن بزيلامسي بشوفلج بيت كبير يبعد عن زيلامسي 3 كيلو فقط وبمكان نظيف او شقق بزيلامسي بس لازم شقتين اختاري وانا حاضر ..
شقق بميونخ .. مستواها جيد لكن بموقع خيالي 400 متر فقط عن شارع التسوق والمارينا بلاتز تستقبل 8 اشخاص وطفلكم الصغير الي عمره 5 سنوات ببلاش بدون سرير .. شوفي الصور واراء النزلاء وخبريني
https://www.booking.com/hotel/de/medicon-downtown-suites.html?aid=1300939
نكمل بعدها زيلامسي بعد ما انشوف اختيارج

موعد السفر في 22 يوليو
أنا من الرياض
السيارة مثل ماذكرت بزيلامسي
أما في فيننا وميونخ نستخدم الأندر قراوند
والسكن بزيلامسي اختار البيت أفضل
وشقق ميونخ ممتازة بالمره ..
( بخصوص الفيزا حبيت استفسر عن التشنجن وكيف استخدامها ورسوم استخراجها )

حياج الله اختي .. قبل لاابدا انتي ذكرتي بالاول ان المبلغ شامل التذاكر ..ممكن لا يكون كافي المبلغ خصوصا ان التذاكر راح تأخذ الكثير من الميزانيه .. لكن خلينا انشوف كم يطلع السكن مع التذاكر والفيزا والسياره .. مع هذا بشكل مبدئي لا تكفي ..
يوجد فرع يوربا كار بالرياض ممكن مراجعتهم افضل حتى تبحثون عن السياره المناسبه لكم او سيارتين
هذا موقع اليوربا كار
منتدى العرب المسافرون https://artravelers.com
اما بخصوص الفيزا ممكن استخراجها من مكتب فيفا .. طبعا الفيزا شنكن او من السفاره النمساويه في بلدكم
اما بخصوص المنزل هو بمنطقة Schuttdorf تبعد عن زيلامسي 3 كيلو من جهة اليمين منطقه نظيفه وجميله وفيها خدمات كثيره .. المنزل فخم وفي 3 غرف نوم وحمامين ومطبخ وصاله وبلكونه كبيره وموقف سيارات وفيها جميع الاحتياجات المهمه .. سعره بالاسبروع 792 يورو ويأخذون 100 يورو تنظيف بعد ما تخرجون . وفي ضريبه يورو وربع لكل شخص باليوم حسب ماهم موضحين بالموقع ..
هذي صور المنزل .. طبعا المنزل كله رخام ويسع ل 10 اشخاص

وهنا للحجز
http://www.holidaylettings.co.uk/rentals/zell-am-see/97811
شوفي كل شيئ مكتوب بالصفحه الي وضعته لج وبالاخير الحجز ..
اذا ما اعجبتكم قوليلي ترى في غيرها
ولج تحياتي

ممكن نغير السكن في زيلامسي أبغى أشوف الخيارات الثانية
وبالنسبة للسيارة اليوربا كار يوفرون سيارة بسائق لأن الوالد متخوف من السواقه هناك ..
والميزانية إن شاء الله خلال هاليومين بعد مانحدد السكن راح أجمع سعر التذاكر والسكن والفيزا ونشوف ..
والتنقل من مدينة لمدينة مثلاً من فيننا لزيلامسي ومن زيلامسي لميونخ يكون بالقطار !!
كم المسافة بينهم !! وطريقة الحجز وأسعار القطار !!
والله يعطيك العافية ..