انا مسجل في جامعة اللبنانبة تخصص(حقوق) ولا عارف شيء ممكن معلومات عنها بليز
ادراسة صعبة ...؟
مدة الاختبارت و وفترتها اي شهر...؟
هذا اميلي
ارجاء فيديوني بليز
يمنع وضع الايميل
الادارة
هذا اميلي وشكراا

الف شكر اخوي القاضي عالموضوع اللي وايد مهم ياريت تقولنا من البدايه لا نهايه لاني ناوي بسجل هاليومين وموعارف النظام عدل كل اللي عرفته انا لها خمس افرع متفرقه وهم قالولنا فرع حدث لاتقربلوه لانه وايد حساس من ناحية الطوائف والاحزاب ياريت بلاقي عندك المعلومات قبل لا سافر وشاكرلك مقدما ابوي وعساك ع القوه

1. حياك الله بوليد


2. واسأل الله لي ولك التوفيق فى دراستك


3. وطبعا انا شرحت اوضاع الدراسة للأخ خالد

السلام عليكم

حياك الله بوليد

واسأل الله لي ولك التوفيق فى دراستك

اما بخصوص الدراستك فى الجامعة اللبنانية الحكومية وهذي الجامعة تمتاز بنظام جيد من الناحية الدوام وسبب لا تلزم الجامعة الطلبة فى السنة الأولى الحضور الى الجامعة اما فى باقي السنوات تلزم الجامعة الحضور بنسبة70% الى المحاظرات
طبعا من ناحية الدراسة تحتاج الى تفصيل ويرجع الأمر لك يابووليد اذا انت من النوع الغير مشتهد وماعندك قابلية للدراسة ماانصحك بدارسة فى الجامعة
اما اذا كنت من النوع المشتهد المواضب ومتفرغ لدراسة الحقوق وحاب القانون وعندك هدف للشهادة ’’’’’’’ انا اقولك توكل على الله وكل شي سهل فى حب تعلم الشيء
بخصوص مدة الأختبارات مابين 22 يوم او 27 يوم على حسب الجدول بس اعمل حسابك فى شهر 6 الى نهاية7
وسبب طبعا عندك 9 مواد فى السنة الأولى
1-مدخل علم السياسة
2-منهجية
3-اقتصاد
4-دستوري
5-مدني
6-مؤسساات
7-تاريخ القانون
8-مدخل الى علم القانون بالأنجليزي
9-حقوق أنسان
حياك الله اخوي بوكندر
اذا بقولك من البداية للنهاية ماراح نخلص واخاف ادخل بسياحة وخرب عليك جو الدراسة
بختصار شديد اولا وين مكان جامعتك واذا تبي مكان جيد وممتاز انا انصحك فى الفرع الثااني طبعا لا يوجد الطوائف
ولا احزاب
وثانيا الأمور طيبة ولا تحاتي بس انت فكر ان عندك هدف ألى وهو الشهادة ولاتروح مني ولا مناك

وطبعا انا شرحت اوضاع الدراسة للأخ خالد

وانصحكم ان الجامعة ماهي مثل جامعات الأخرى يعني بالعربي اذا مادرست ماراح تنجح لو شت سوي
للعلم ان نسبة النجاح فى الجامعة ماتتعده15% وطبعا هذا شي مخيف ولكن للأسف الطلبة مايدرسون وهذا الشي ملموس ومتأكدين منه يعني لو كل يوم تفضي نفسك 3ساعات دراسة واذا صعب عليك شي لازم توفر حق نفسك مدرس يفهمك بعض الأمور المشوشة فى المادة وراح تنجح وتعدي المرحله المهمه سنة اولى
اخيرا اعقد النية وستخير وحط فى بالك ان دراسة الحقوق تحتاج الى تعمق فى الفهم والحفظ
ولا تحاتي الأوضاع علما ان الجامعة من اقوى الجامعات وتأصل طالب الحقوق تأصيل ممتاز
وتمنالك النجاح والأستمرار فى خدمة الوطن والمواطنين

قواك الله ابوي وجد بيض الله ويهك ع المعلومات اللي وايد مهمه وبالنسبه حق موضوع اليامعه اي عدل انا سمعت جذي انها وايد صعبه بس ماعليه بتهون ان شاء الله وبالنسبه للفروع ماعندي اي خلفيه عن الفرع الثاني انا بسجل بفرع زحله وايد يمدحونه ومنطقه هاديه واللي فيها زقرت بس جد صدمتني (((8-مدخل الى علم القانون بالأنجليزي) يعني هم فيها انجليش انزين هالماده يعني صعبه لاني ميح بالانجليش وبالنسبه حق المواد الثانيه تساهيل ان شاء الله لانهم بالعربي بس هم عندي استفسار يعني عادي اتم بالبنان واحظر المحاظرات لاني اجوفها وايد صعبه اذا اييلهم وقت الامتحانات سوري وايد قرقت وشاكرلك ابوي على سعة صدرك

هلا فيك
تصدق ياخوي انت محظوظ ماشاءالله عليك
شوف بسرعه برد عليك ولا مرات تنطر دهر عشان يوصلك الرد فى بعض الأحيان
المهم انت تبي تدخل على ماعتقد بالفرع الثالث فيه اجابيات وسلبيات طبعا ولكن انا من ناحيتي شفت ان الجامعه بالفرع االثاني افضل وسبب موقعه القريب من بيروت والمنطقة اكثر سكانها مسيحيين
اما على موضوع الأنجليزي ماعتقد انك ماتقدر عليه مثل الثانوية يعني سهاله بس لازم تدرس يابوكندر لا تخلي
بخصوص الحضور انا معاك الأفضل انك تحضر المحاظرات + بعض المرات تحتاج مدرس يفهمك اما تقولي والله باخذ الكتب وبدرس بديرة هذا شي صعب الا اذا انت افلاطون شي ثاني ههه
انصحك اهم شي المراجعه.... دراسة الحقوق تحتاج مجابل
بس لا تنسى الأوضاع فى لبنان تشجع للدراسة جوا وناس ومطاعم وسهرات بالويكند يعني ماراح تحس انك فى غربة
الغربة بس راح تذكر طباخ البيت المجبوس وادوااته النووية والقوزي وادواته العنقودية بس هذا الفرق ههه بين الديرة ولبنان

تسلم على هذا الطرح .
موضوع جدا جميل لك من الدعاء .
تحياتي @

اي عاد انا والحظ حبايب ههه الف شكر ابوي وعساك ع القوه وانا كنت بسئل عن الفرع اللي انته تقصده بس خفت اييلي الرد بعد دهر ع قولتك ههه بس اللي عرفته انته تقصد صيدا عدل بس هم زحله قريبه ع بيروت 45 دقيقه وانا بستقر ان شاء الله فيها لاني بكون عند عائله لبنانيه زقرت والله اييب اللي فيه الخير ان شاء الله

واياك المملكه شكرا جزيلا
بوكندر اقول وين صيدا عن بيروت انا فى منطقة جل الديب يالذيب
المهم الله يوفقك بس ملاحظه مهمه جدا انت تبي تسكن عند عايله وهذا اكبر غلط والأسباب وايد انت فكر شنو الموانع اللي ماتخليك مرتاح وراح تطلعلك الف شغله وشغله
اذا تبي تدرس حاول تستقر فى مملكتك عشان ترتاح من الأحراجات
وثاني شي الله يهديك بوكندر انت مورايح دوله اجنبية عشان تقعد عند عايله شنو يعني راح تتعلم شلون تسوي تبولة
المهم انت وظروفك بس اذا حصلك سكن بروحك او مع احد من ربعك يكون افضل عشان تقدر تدرس وتركز تيبلك مدرس يدرسك بساعات سنة الأولى اهي الأهم
واذا تبي تسأل لا تردد لك وللأخوان فى المنتدى

ههه جد ضحكتني اخوي بتعليقاتك الله يطول بعمرك اتصدق توني عرفت انا في فرع بجل الديب اذا جذي بتكون حدها قريبه اقل من 10 كيلو وبالفعل هالمنطقه هاديه وبالنسبه للسكن ههه الله يهداك تقولي تبوله عالاقل قول كبه نيي لا والله موجذي العايله وحده ختياره بروحها اصرت عالوالده ايي عندها وبتكون لي خصوصيتي دري بروحي وكل شي اوكي وبالنسبه حق هالفرع ماقدر اغيره لانو ابنا لهل ختياره محامي كبير ومعرفه بدكاترة هاليامعه يعني بكون في ايادي امينه وبالتوفيج اجمعين ان شاء الله