ابن الهدى
03-11-2022 - 07:09 am
بسم الله الرحمن الرحيم
سلام الله عليكم جميعا أحبتي وإخواني
والله حاب أزور قطر زيارة سريعة
يوم الخميس العصر والعودة السبت ليلا أو فجر الأحد
الهدف الأساسي مشاهدة مباراة البرازيل
أريد معلومات سريعة ومفيدة منكم
( للمعلومة بعدها بسبوع بتكون عندي سفره ثانيه مع الأهل والميزانية بتروح كلها عليها ,, فأريد تكون هالسفره عابره ماديا لإني ما حاب تكلفني كثير )
يوم الجمعه حاب أروح تمارين البرازيل
( استاد ثاني بن جاسم بنادي الغرافة الرياضي يوم 12 نوفمبر ولمدة ساعتين من الخامسة الى السابعة مساء بتوقيت الدوحة )
السبت بتكون المبارة
( تبدأ في الثامنة مساء بتوقيت الدوحة على استاد خليفة الدولي )
فأريد سكن يقول سعره رخيص يعني مقبول 100 إلى 150 ريال قطري معقول
ويكون قريب لملعب التمرين وملعب المباراة
وهم أريد تنصحوني أروح أي مجمع وشنو مميز في قطر لازم أروحه خلال هالفتره القصيره
ماشالله زيارتك جدا سريعه
بس بنعطيك الزبده وبتوفيق أن شاء الله
اول شي الغالي ماعندنا فندق بل اسعار هاذي اقل فندق راح اتحصله ب 300 الي 400 في اليله
وبنسبه الي اقرب فندق من على ستاد خليفه ورخيص هو فندق لي بارك وهاذا سعره على موقع بوكنق
ويذا مالقيت التذاكر عبر الموقع اكيد بتلاقيها في ستاد خليفه ايذا وصلت ب السلامه أن شاء الله
واي خدمه احنا حاضرين