بسم الله الرحمن الرحيم
السلام عليكم ورحمة الله وبركاته
هذا التقرير الاول لي بهذا المنتدى الاكثر من رائع واتمنى انه مايكون الاخير
لاحظت كثرة الاسئلة عن ولاية هاواي
وحدث اني رحت لها الصيف الي راح فحبيت افيدكم شوي وارد جمايل هالمنتدى
رحت لها في 15-8-2008 وحتى 20-8-2008 (خمس ايام وما احلاها من ايام)
اول شي قبل ما ابدا هاواي عبارة عن 6 جزر رئيسية
وجزيرة Oahu هي الي فيها العاصمة Honolulu وهي من اهم المدن
بعدها تجي جزيرة Maui وهذي يقصدها السياح ولكنها اكثر هدوء من Honolulu
^^ اتجاه القبلة
في اليوم الاول وكان الجمعة كان الاقلاع من مطار لوس انجلوس LAX الى مطار هاواي في مدينة هونولولو الساعة 8 على ما اذكر على خطوط هاواين ايرلاين Hawaiian Airlines
كانت سعر الرحلة تقريبا 2000ريال سعودي تم الحجز عن طريق اكسبيديا http://www.expedia.com/
الطيران هذا مثل ماهو واضح الطيران الرسمي لهاواي :8888:
لبس المضيفين مره غير يعني ستايل هاواي والمضيفات حاطين وردة على فوق اذانهم مره حلو
قدموا لنا في الطيارة وجبة غداء كانت إما مكرونة مع وايت صوص أو لحم وكانت المكرونة مره الذ:tongue:
وبعدها اخذنا لنا غفوة تنشطنا شوي وعرضوا فلم مدري برنامج ما اذكر والله
وانا في الطيارة سمعت الي قدامي توهم يتعرفون على بعض ووحده تقول لثانيه" الحمدلله اننا انقذنا هاواي من ايدي اليابانين"
يوم قربنا من هاواي صرنا نشوفها من الشباك تكلم الكابتن حق الطيارة وقام يقولنا التفتو يمين ويقول اسم الجزيرة الي على اليمين وبعدين يقول اسم الجزيرة الي على اليسار يعني كل مامرينا من جزيرة يقول اسمها ويتكلم عنها كلمتين مره كان فله وكل الي في الطيارة اعجبوا في حركة الكابتن وقاموا يصفقون له
وهذي الصور من الشباك
^^
هذا المنظر بالطبيعة احسن بمليوون مرره من الصورة "سبحان الله"
بعدها نزلنا لمطار هونولولو الدولي اخذنا الشنط بعدين مرينا على دورة المياة (اكرمكم الله)
بعدين طلعنا ناخذ تاكسي للفندق طبعا في لاين وشخص مسأول يسالك ايش الفندق وكم شخص وبعدين ينادي التاكسي المناسب لك وجاب لنا ليمو
اكتشفنا لاحقا ان التكاسي اغلبهم ليمو :8888:
وصلنا على ما اذكر 70$ او اقل مو متذكرة بالضبط
اكتفي بهذا القدر لليوم....
الجزء الثاني........
Hilton Hawaiian Village
P.sمره توهقت بالصور وحملتهم من موقع تحميل ثاني فما ادري اذا طلعوا ولا لا. وعذرا