بسم الله الرحمن الرحيم
ما يدعني على كتابه التقرير هذا الا بعض الاعضاء والذي يجبروني على احترامهم وتلبيه طلباتهم رغم انشغالي في دراستي والله يعلم بهذا .
هذا التقرير بما فيه من صور لجميع الاعضاء ولكن فيه عضو اهديه التقرير بالكامل ( ابو محمد )لانه لم يرافقني ولكن حبيت انه يرافقني من خلال رحلتي .:smile106:
للاسف لا املك مقومات الكتابه ولكن سوف اذكر جميع التفاصيل و المواقف باسلوبي الخاص فيني ( اسلوب مهستر) وتحملوني.
بدايه الرحله
كان هناك تخطيط بيني وبين اخوي ( هماك تبي المغرب ) من شهر فبراير اننا نروح مع بعض وكان ينتظر مني موعد السفر عشان يرتب اموره .
كان بسببي التاخير لاني ما كنت اعرف موعد اجازتي بالضبط خصوصا اني في بريطانيا وهو في الرياض .
ولما جا منتصف شهر مارس عطيته الوقت والحمد لله حدننا التواريخ وشفنا الاسعار وكل شي .
للاسف حصل ظرف مفاجئ وطارئ لاخوي ( هماك تبي المغرب ) يجبره على الغاء الرحله :112:, وانا كأن عزومي في السفر للمغرب بدت تخف واقول بيني وبين نفسي اسافر ولا ما اسافر .
وفجأه فتحت موقع شركه ايزي جت لاني استخدمتها مرتين خلال سفرياتي من لندن الى مراكش مباشره اشيك على اسعار وبالفعل اسعارهم حلووه ومغريه لي بحدود 200 جنيه استرليني (1200 ريال)
واحجز عليها بتاريخ 142009 يوم الاربعاء الافلاع الساعه 7:35 الصباح والعوده بتاريخ 942009 الساعه 11:00 الصباح بتوقيت مراكش .
لكن انا لست في لندن ولازم اخذ القطار الخاص للندن من المدينه اللي انا فيها
وادخل على موقع القطارات واحجز القطار من مدينتي الى مطار جاتويك في لندن والعوده كذلك .
وبدا موعد انتظار السفرر وكانت بصراحه نفسيتي شوي لكم عليها والاسباب كالتالي :
1- ابو محمد ما رايح يرافقني
2- البرد ذبحني في بريطانيا
3- كان الاكل في بريطانيا غير مفيد لانهم يعتمدون على الوجبات السريعه
4- نفسي اروح للرياض لكن رغبتي في مراكش كانت اقوى
5- ضغط الكورس اللي ادرس فيه متعبني شوي
هناك كثير من الرغبات في السياحه على حسب خبرتي المتواضعه وهي :
1- تغيير الجو والمكان
2- التعرف على اماكن جديده لم يزرها من قبل
3- زياره المتاحف والاثار والمعالم المهمه للدوله المقصود التوجه اليها
4- فيه سواح يرغبون بالسفر من اجل التسوق
رغبتي كانت مختلفه كليا وقد تكون غريبه عليكم نوعا وهي كانت البحث عن الاكل المغربي والراحه
لاني بصراحه ما كنت مرتاح خلال الفتره الاخيره قبيل سفرتي لان كان فيه ضغط اختبارات ولا كنت انام كويس
فكانت سفرتي كلها من اجل الراحه فقط لاغير والتمتع بالاكل المغربي واعيش وسط اجوائي الخاصه اللي كنت مفتقدها لفتره من الزمن وباقول لكم في اخر التقرير وش اللي صار لما رجعت من مراكش .
يوم الثلاثاء الموافق 3132009 كنت اتكلم بالماسنجر مع اخوي ماهر محمد عن المغرب وسوالف وحكاوي خاصه وفجأه الا يرن جوالي والقاه صديق لي الماني ( مواعدني انه بيوصلني للمطار )يقول لي انت جاهز ولا لا؟ طبعا كانت الساعه 5 العصر بتوقيت لندن وردييت عليه اني جاهز وودعني الاخ ماهر وتمنى لي رحله موفقه ( الله يجزاك خير )
كان حجزي الى مدينه لندن الساعه 8:50 دقيقه مساء وخلال اكثر من ثلاث ساعات جلسنا نتجول في مدينتي بسياره صديقي الالماني الى حين موعد القطار .
لحظه خروجي من المنزل
لحظه ركوب السياره
ونحن في الطريق رايحين للبحر
بعض صور المقتطفه خلال تمشيتنا في المارينا في مدينتي
جت الساعه 7 المساء
قالي صاحبي وش رايك نروح نشرب لنا قهوه في احد الكافيهات في وسط المدينه فرديت عليه قلت والله محتاج اشرب كوفي وبقووه نظرا لان وراي رحله طويله ويتطلب مني اني اكون صاحي
فدخلنا هذا الكوفي شوب
وجلسنا لحد الساعه 8:30 نظرا لانه قريب من محطه القطار وطول الوقت عيني على الساعه .
وصلنا محطه القطار وودعني صديقي بكل حراره
وكان القطار مستعد للانظلاق الى مدينه الضباب
خلوني اوقف هنا لان رحلتي من مدينتي الى مطار جاتويك مرهقه وابيكم ترافقووني فيها
اترككم في رعايه الله