فى مركز بلياردو أعتقد أنه كويس ..
شوف ياغالى ، لو جاى من شارع الستين باتجاه الشمال وقبل ما توصل لشارع فلسطين لاتطلع الكوبرى خليك أسفل ، بتحصل على يمينك محل بلياردو أعتقد اسمه بلياردو 2000 شكله صغير بس أعتقد إنه كويس ..
أما بالنسبة لمحل البولينج فى واحد بالدور الأرضى من مركز برنتان العمودى (الشرق الوسط سابقاً) قريب جداً من مركز البلياردو ..

جبتها عالجرح أخوي... والله لي زمان ...
شوف أخوي...
عند دوار الدراجه في محل اسمه المضرب الذهبي جدا جدا طاولاته نظيفه وسريعه (عند مركز الفاو سابقا)
وفيه محل آخر ايضا اسمه D jam في حي الزهراء عند خلف سوبرماركت النخيل في شارع الأمير سلطان.
هذولي أفضل محلات بلياردو وانظفهم في جده
بالنسبه للبولينج في واحد في مركز سكاي ديفينج (ماني متأكد من اسم المركز بس المهم اللي فيه قدوره وابو شقره و شامي اللي في طريق المدينه تقريبا مقابل سوق حراء الدولي و قاعه ملكة الليل) المهم في الدور اللي تحت الارض فيه محل بولينج..
تحياتي لك

في صالة بولينغ أيضاً في الدور الثالث في الآيس لاند على ميدان درع الجزيرة.

عن نفسي أفضل مركز البولينغ الموجود في أسواق المساعدية ..

شاعرى
الله يسعدك ياشاعري..
ماقصرت اخوي وصف دقيق ان شاء الله أمر عليهم..

rayno
هلا اخوي rayno
المضرب الذهبي سمعت عنه وماكنت عارف وصفه..
والبولينج الي في مركز سكاي دايفنج اول مره أعرف انه فيه بولينج هناك من زمان دخلته كم مره كان عباره عن مجمع مطاعم والعاب للاطفال..
الله يعطيك العافيه واشكرك من اعماق قلبي..

@amn@
هلا اخوي @amn@
مشكلة الآيس لاند زحمه وانواع الصجه..
وأعتقد انه لازم الدخول كعائله يعني شباب مافي أمل..
أشكرك على المشاركه ويعطيك العافية..

temurun
هلا اخوي Temurun
المركز الموجود في المساعدية جداً طيب للبولينج..
بس بلياردو مأنصح فيه لانه الطاولات عندهم مره تعبانه..
أشكرك على ردك والله يعطيك العافيه..