السوق الاسلامي وش فيه ؟؟
وفين مكانه ؟؟
فيه قرية التراث مدري هي نفسها قرية البوم والا لأ

اول شي مباركين و زواج سعيد مقدماً ..
ثاني شي ماله داعي الاقامه بالشارقه ..خلها بدبي في فندقين للتغير
و انصحك تقسمها بين المنزل و القصر ..
بالنسبه للجولات .. عندك المولات الكبيره .. سكي دبي .. مارينا ووك و جميره ووك ..
الباصات البرمائي انا بصراحه ما اشوفه يسوى ..
قرية البوم مو مره ترا .. الافضل تروح باتو دبي .. افخم و ارقى ..
شوي و ارجع

*لمعة ألماس*
مدري وش فيه
شفت احد اتقارير كاتب عنه وهو في الشارقة

mzoon
الله يبارك فيك
حبيت اقيم في الشارقة لزيارة القصباء وبحيرة خالد وعين الامارات وايضا تغيير شوي.....
باتوا الامارات يوجد بها فرقة موسيقية على ما اعتقد ,,,,,انا اعجبتني قرية البوم لان الرحلة كانت محافظة جدا والغالب فيها خليجين واللبس محتشم
انتظر عودتك وشكراً لك

سؤال فيه فرق بين الامارات مول ودبي مول ؟؟؟؟

1. أماكن سياحية:

بالبركة عليكم والله يسعدكم إن شاء الله.
أنا مع اختي مزون ... حلو تاخذون فندقين في دبي ، في مناطق مختلفة.

• الشارقة قريبة جداً على دبي... تقدر تزور القصباء + بحيرة خالد+ المتحف المائي

في يوم واحد .. لأنهم كلهم قريبيين من بعض.
تقدر تتغدى في صحارى مول(فالشارقة) .. الأقرب لدبي
العصر تروح بحيرة خالد
وبعده المتحف المائي(في منطة الخان)
ثم العشاء في قناة القصباء (عندهم مطعم عربي اسمه شبابيك) ... تركبون عين الإمارات ، وأيضاً جولة فالعبرة (القارب)
وترجعون دبي(مجرد رأي)
السوق الإسلامي أو يسمى السوق المركزي... إذا وصلت لبحيرة خالد تقدر تشوفة قريب جداً من البحيرة
سوق للملابس والأقمشة ، وفوق فيه تحف وشغلات شغلها هندي مثل المفارش وغيرة،
والقسم الآخر للذهب.
أنا انصحك تاخذ فندقين مختلفين
فندق The Address يطل على برج دبي ، يبعد خطوات عن دبي مول
وأيضاً سوق البحار تروحولة مشي ولجلسات المسائية حلوه عالبحيرة.
(الفندق ستايلة مودرن وراقي)
الفندق الآخر في جميرا فندق القصر
أيضاً فندق فخم لاكن ستايلة يختلف ، على الطراز القديم
وتتنقلون بالعبرة
https://artravelers.com/p/re/230078
أو إذا تحب تاخذ فلة بمسبح خاص، فندق ديزرت بالم (لمدة يوم) لأنه يبعد قليلاً عن وسط دبي
قريب جداً من السوق الصيني.
https://artravelers.com/p/re/256581

أماكن سياحية:

• قرية التراث ولغوص(يفضل أيام الخميس ولجمعة) عندهم جلسات حلوه عالخور
• مطاعم المرسى (المارينا)
• the walk جميرا بيتش ريزيدنس
• سوق جميرا
• الإمارات مول ، فيه سكي دبي (الحديقة الثلجية)

دبي مول ، فيه مركز الإستكشاف فالدور الثاني ، والأكويريم فالدور الأول.
عندهم مطعم روبي تيوزدي حلو ، في قسم سقفة متحرك مفتوح كله مطاعم.
غير عن قسم الفود كورت.
معلومات أكثر فالرابط:
https://artravelers.com/p/re/237670
.

ذا ووك ومارينا ووك حلوين بصراحه
مدينه جميرا

اشكرك اختي بنوتة الامارات
والله يوفقك وييسر امورك ويكتب لك الاجر
مشكور اخوي التاج وربي ويوفقك
وانتظر البقية

ننتظر باقي الاخوان
ليكون موضوع هام لجميع الاعضاء