أحد الأصدقاء قبل أن يصل الى مطار نيويورك دخل حمام الطائرة وحلق شنبه ((( زي بعض الشباب المهايطي الي يسونها الآن في أمريكا )) المهم الولد نعم لحيته وشنبه ولبس القميص الهاواي والصندل ودق الطيب وينزل شايف نفسه أنه أوسم ماخلق ربي وأنه توم كروز على غفلة وهو ماله سبع ساعات موقف الددسن غمارتين تحت السدرة حقت جارهم لين بيتهم أخوانه الكبار موقفين تحتها ولايقدر يواجههم.
أبو الشباب جا عند حق الهوم لاند سيكيورتي ((( خال متعافي ))) طاق النظارة الكارتير ويعطيه الجواز بكل ثقة ويناظرة الخال من طرف خشمه قال أفصخ النظارة يابابا يوم تلخبط خوينا شوي الهرجة فيها ريحة نفخة والله ويعتدل ابو الشباب,,,,,,,,,,,,, ابروح أتغدى مع السلامة أكمل بعدين

الله ينور عليك يا اخ CAIROHOUSE توني عرفت بان الهوم لاند سيكورتي هم وراء مشكلتي ومعاناتي في امريكا بسنه 2005 حسبي الله عليهم ......
هل لبسهم اسود كالعادة ويكونون خلف الجوازات وخلف اخذك للشنط يعني قبل خروجك من الباب الرئيسي بشوي ؟؟
صحيح ام انا غلطان ..
وللحديث بقية
ترقبوا معاناتي بسجن بوسطن ( سجن حقيقي مثل سجن فلم prison break ) ولا ابالغ والله .
الله اكبر الله اكبر ..
اذن لصلاة العشاء حسب التوقيت المحلى لمدينة دبي .
7.57 مساء

تشويق للاخر في انتظاركم.....

cairohouse
الحمد لله الذي أطعمني ورزقني من غير حول مني ولا قوة
تغديت وحبست بآتاي مغربي منعنع مسويته لي المدام ومتسلطن على الآخر
وين وصلنا...... خل أشوف
ايه ذكرت يوم الخال ينفخ على رفيقي
قال الخال من هذا جوازه وخوي الي مسوي فيها أبوشنب سابقا أكل تبن ماعرف يرد عليه قال جوازي الله يسلمك قال وي يش جواز مين خويي جاه انهيار عصبي وقولون واسهال حاد في المخ وشرقه نفس ,,,,, الخ معد عرف يرد على الخال يناظر الا الصورة الي في الجواز صورة سواق قلابي بس له شنب والي عند حق الهوم لاند سيكورتي حقت مدرس مصري لغة عربية توه متعين في متوسطة أم الحمام الأبتدائية للبنات القسم العلمي !!!!!!!!!!!
مالكم بالطويله,,,,,,,,,,,,,,,,,,,,,,,,,, آآآآآآآآآآآآآآآآآآآآآآآآآآآآآآه جاني النوم بتوقيت الرياض أبكمل بعدين

يا ريت نعرف شنو الاسباب الي تخليهم يردونك من المطار ؟
وهل الاجراءات المتشدده الي بمطار نيويورك مثل باقي الولايات ؟
وشنو يصير اذا حققوا معاك وانت ما تعرف لغه ؟
يا ريت القى الاجابه لان في نية سفر لأمريكا والفيزا موجوده

الهاجري
ياناس والله انتم مكبرين السالفة زيادة عن اللزوم
حاطين امريكا كانها شبح والا جني يخوف العالم
كانكم اول مرة تسافرون ؟؟
ترا الوضع عادي جدا دولة لها اجراءاتها الامنية مثلها مثل اي دولة بالدنيا
الحرص واجب لكن الخوف الهستيري الغير مبرر ترا ماله داعي ابدا
يحققون معاك ؟؟ وش انت مسوي ارهابي والا وشو ؟؟
وضعك سليم ليش خايف !
تحياتي

1. السلام عليكم ورحمه الله


2. بعد التاخر والرجوع اليكم احبتي الكرام …...

السلام عليكم ورحمه الله

بعد التاخر والرجوع اليكم احبتي الكرام …...

اخى الكريم نحن لا نضخم الموضوع ولاكن الحق احق ان يقال … نحن لا نختلف معاك بخصوص الانظمة بالدول .. وكل دولة لها حريتها الخاصة بالتعامل مع المسافرين , ولاكن بالتحقيق والسجن وكانة مجرم فهذا الخطأ بعينة ….
المهم بسنة 2005 وما ادراك ما سنة 2005
بدات رحلة المشاغب (( اللى هو انا )) الى الديار اللي لها القلب يرتاح … ما دريت ان القلب لها يرتاح ,, لو خليتها لوجهه ثانية احسن بدل البهدلة والتعب و ..
حزمت حقائبي المغلوب على امرها وكان بها متفجرات عظيمة تهز كل الولايات المتحده الامريكية .. وجهزت حالى ونفسي الى خضوع الصعاب والمغامرات الشيقة التي كنت من خلالها افكر ان اعيش الوناسة بشتى انواعها ….
تم وضع الشامبو بو كحل ههه وصابون التايد على جنب ولا ننسى الفوودة بلغة اهل الامارات والفوطة بلغات مختلفه بو وردة على جنب الشنطة …. و الجاكيت اللي ما له ذنب تم دعسة بالشنطة وانا جالس فوقها احاول اسكر الجرار ولاكن بعد عناء وتعب ….
وانا بالصباح الباكر..... وبعد صلاة الفجر …. ودعت الوالد والوالدة وقالولي وين : قلت لهم ذاهب الى البلاد اللي لها القلب يرتاح …... الوالد : وين ؟؟؟ انا : امريكا ؟؟؟ وكانها غريبة على والدي اطال الله في عمره كلمة امريكا وهو يقول لي باستغراب واندهاش : امريكا مرة وحدة ؟؟؟؟ ههه وانا اقول هي امريكا … والوالدة تقول وتدعي الله يحفظك يا ولدي .. وانا اقول امين امين .. ولاكن وين في امريكا ؟ .. في بوسطن ( ما دروا عن بوسطن وما ادراك ما بوسطن والهوم لاند سيكورتي من المتاعب ) بناخذ جولة سياحية مع الربع في انحاء امريكا …
الوالد كانه يقول في قلبه ولدي بيصير عالم في امريكا والوالدة تدعى وتقول الله يوفقه ( طبعا انا رايح لزيارة الاصدقاء والتجوال في امريكا ) …..
تم وداعهم بالخير والمحبة والتوجه الى مطار دبي الدولي وتحديا بطيران الامارات الى لندن هيثرو .. والشنط دايركت الى مطار بوسطن لانني اخذت بطاقه صعود الطيارة من لندن الى بوسطن من دبي ( لا اتذكر اي خطوط بالضبط ) وبعد ساعات تم اقلاع الطيارة الى مطار لندن هيثرو ووصولي بالساعه 11 صباحا بتوقيت لندن .....
ان شاء الله التكملة فيما بعد ....
لا تسيرون بعيد .....
اتريونا

يا اخوي الخيال شوقتني اسمع قصتك
في انتظار التكمله
بس لا اطول وايد في اخذ البريكات