أشواق_دبي
17-08-2022 - 07:55 pm
السلام عليكم
اشحالكم
ان شاء الله مسافره فرنساا يوم السبت ومن هناك حبيت اروح جنيف وما اعرف كيف اروح يعني من اي محطه اركب و وين انزل فياريت حد يوضحلي واذا ممكن بعد ازور مكان برع فرنسا ياليت تساعدوني وتشرحوولي ..
انتظر الرد والشرح ^^
ورحلة سعيدة ان شاء الله
احجزي اول ماتروحين بالقطار من محطة Gare de lyon stations لاتعتمدين على حجز الفندق لك روحوا المحطة واسالوا عن العروض المتوفرة في اسعار التذاكر ...الدرجة الاولى او الثانية
وانتبهي ترى القطار مايقدمون اكل يبيعون اكل حالته حالة فاخذوا معاكم من المحطة
وطبعا الرحلة مدتها ساعتين وشوي ... والمناظر حلوة ...واهم شيء تحجزين على اول رحلة عشان توصلون جنيف
بالنهار ....
وانصحك بفندق برستول اللي عند البحيرة ...
ومن باريس انصحك تزورين دوفيل بالسيارة ساعتين تقريبا وفي طبعا قطار ممكن تساالين الكونسيرج حق الفندق عنه
وشوفي انصحك بفندق دوفيل رويال اذا بتسكنون لمدة يوم في دوفيل او ترجعون نفس اليوم حسب رغبتكم
طبعا عندهم دوفيل سكوير فيه كل الماركات الكشخة طبعا نفس اللي في باريس بس ميزة دوفيل الهدوء وتحسون فعلا بالراحة والاستجمام ....
وعلى فكرة بروكسل قريبة بعد مرة من باريس يعني ساعة وربع بالقطار
انصحك تطلعون بالقطار
افضل جدا واوفر ....يعني تطلع من باريس بمحطة قارد نورد طبعا قريبة جدا المحطة
ومنها ساعة وربع تقريبا على قطار شركة تاليز الى محطة ميدي في بروكسل