الف مبروك الله يوفقك
ومن حضك الجو راح يكون رومنسي ورايق
تفضل اخوي
https://artravelers.com/p/re/138048
احنا في الخدمه .....

1. كل يوم تغدى بمطعم شكل يعني,,,,


2. المطاعم::


3. الأماكن الترفيهيه****

السلام عليكم
حياك الله أخوي بالشرقيه وتنورنا ومبروك ع الزواج
شوف أخوي بعطيك بعض الأفكار والأماكن بما أنني أمووت ع الخبر وأعرف كل دهااريزهاا ههه
قبل كل شي أنصحك تجيب جوازك معك عشان تمر البحرين لأنها ماتبعد عن الخبر إلا نص ساعه فقط وإذا الجسر زحمه ساعه وحده وأنت بقلب البحرين
إذا تبي فندق وهذا المفروض لأنه زوجتك عروس لا تتعبها خلها تحس بالرفاهيه عندك موفنبيك اللي بالخبر مره حلو أنا جربته وقولهم هوني مون ترى بياخذون 700 ريال زياده مره وحده بس لكن بيسوون لك جو غريب مثلا ((ورود طبيعيه بالغرفه والبانيو وروود زائد شمووع تجنن))وحلويات عربيه وبالونات تحس انها عروسه وجيب معك سي ديات لأنه في دي في دي تقدر تشغل افلام تسهرون بكيفك
والصباح عندهم بوفيه فطور ولا أروع وخدمه عجيبه طبعا مجاني مع الغرفه حسابه
اما الغداء والعشاء أبعد عن الفندق لأنه مطاعمه غاليه مرره

كل يوم تغدى بمطعم شكل يعني,,,,

المطاعم::

• جاندولا مطعم إيطالي رااقي وأكله لذيذ جداا جانب كوفي شوب جوفريز عشان تتقهوى بعد الغداء بالكورنيش بس من ورا
• مطعم القريه الصيني بشارع الظهران هو تحت الأرض قبو مكانه حلييو لكن أكله يمي يمي لذيذ جدا وأسعاره رخيصه معقوله يعني وفيه أكل هندي وصيني تراا هذا المطعم مايعرفونه الا أهل الخبر الأصليين ههه لأنه قديم احنا نروح له من13 سنه وأكثر هو لازق بباسكن روبنز محل الأيس كريم يعني بعد الغدااء خذ لك كوب ايس كريم بالتوفي او ميلك تشيك كوكيز ام
• مطعم مكسيكي ((تشليز))لذيذ جداا بس تراا زحمه داائما يعني روح بدري وعطيهم أسمك ولف لفه وتلاقي جا دورك وأنصحك ((كساديا دجاج مع بطاطس مهروسه شوربة بروكلي او دجاج وأحلى شي الحلى مولتن كيك روعه لا تفوته عليك))
• مطعم لبناني((بيت الكباب))شارع الظهران عندهم كباب ولا أحلى وقبلات مشكله لذيذه وفيه مطعم أحلى منه بعد أسمه ((دار الكرم))حلوو ورخيص وعنده روبيان مقلي حلووبس في الكورنيش من وراا اخاف ما تدله هو وراا مجمع التركي اللي بالكورنيش
• مطعم لبناني أبو نواس بالكورنيش من وراا بعد حلو ولذيذ وأسعاره معقوله
• مطعم لاقونا بكورنيش الخبر الجديد ((جزيرة الدغيثر))أكثر من روعه وعالمي وفخم وقعداته على البحر بس غالي شوي مو رخيص
• مطعم للعشاء فندق كارلتون المعيبد روعه وبالذات في الويك اند بوفيه كامل وايام الأسبوع بوفيه سلطات وشاورما وفلافل وع المسبح والجو روعه بس ماكو بارتشنات يعني مفتوح
• مطاعم للعشاء ساندوتشات((شرنبي على كورنيش الخبر*رمانه جنب شرنبي*سمير اميس بشارع خالد عنده شاورما يمي يمي مكسيم بشارع خالد))

الأماكن الترفيهيه****

• مجمع الراشد موول عباره عن محلات تجاريه عالميه انصحك تزوره من وقت بدري لأنه كبير والساعه 9 يبدأ عرض النافوره الناريه حلووه والدور الثالث كله مطاعم سريعه ومقاهي طب وتنقى وأنصحك بمطعم أصفهاني عنده كباب روعه
• مجمع الظهران م موول محلات تجاريه حلوه وعالميه وملاهي حلوه فيها العاب للكبار ممكن تلعب مع زوجتك بعضها ومطاعم كثيره
• مجمع فنيسياا موول أنصحك لا تروحه لأنه المدام بتخسرك ههه أسعاره رخيصه وكله ملابس سهره وجلابيات حلوو وفيه مطاعم بعد
• منتزه الملك فهد بالدمام ملاهي حلووه على خبري من 8 سنوات مارحت ههه
• قرية العزيزيه فيها مطعم اوليه حلوو مره عباره عن كباين وفيها تلفزيونات وكذاا وممكن تأجر خيمه طوول اليوم خيمه مكيفه مع تلفزيون وناسه ترى وفيها العبا اطفال بس ومطاعم
• منتجع هوليدي أن على طريق شاطيء نصف القمر منتجع حلو وفيه العاب مائيه وجيتسكي وتأجر بووت مع زوجتك حلوو وراح تكون ذكرى حلوه ولا تنسى تاخذ كاميرا تصور وداخل المنتجع فيه بوفيه غداء او عشاء أو تقدر تطلع على المسبح كافتريا شاي وقهوه ووجبات خفيفه والمنظر روعه

وأنصحك تروح البحرين يوم من الأيام تروح مجمع السيف تحظر سينما مع زوجتك تشوف فيلم وتتعشى في احد مطاعم البحرين الحلوه عاد حدث ولا حرج وش كثرهم
وآسفه إذا نسيت شي هذا اللي أذكره الحين وأتمنى لكم أطيب وأمتع اللحظات في الشرقيه

صراحه معندي خبره في الامكان الموجوده غي الدمام لاكن لا يوفتك فندق موفنبيك الجديد احس انه مره حلو
والله يوفقكم ويرزكم باالذريه الصالحه وتصير احلى ايام

أختي بينك روز ..
مشكورة على الوصلات وقريتمهم كلهم ..
أختي حلاوة بالتوت ...
والله ما قصرتي وإن شاء الله راح أحجز في الموفنبيك ، والهويليدي إن .. وممكن ترشيحن فندق ثاني حلو .. ويعطيك الف عافية ..
أختي شذا ...
مشكورة وتكفينا الدعوة الحلوة هذي ..
س/ وش رايكم كم يوم يكفي للشرقية ؟؟

وعليكم السلام ورحمة الله وبركاته
بالتوفيق لك يا غالي وزواج مبارك إن شاء الله
أتمنى تفيدك هذه المواضيع
https://artravelers.com/p/re/228569
..

أسبوع حلو للشرقية وممكن توزع الإقامة بين الخبر والدمام وضمنها السكن في شاليه لمدة يومين

اولا الف مبروك الزواج
اخوي بالنسبه للشرقيه الجو فيها هالايام اكثر من رائع عند خيارات كثيره طبعا بما انكم عرسان راح اقولك اغلب الاماكن الراقيه والرومانسيه طبعا اخت حلاوه بالتوت ماقصرت عطتك اللي عندها وانا بظيف اللي عندي
نبدا بالفنادق
موفنبيك
مريديان
جولدن توليب
الانتركونتينتال الخبر
هوليدي ان
كورال انترناشيونال
رمادا الخبر
توليب ان
شرفه الخليج
طبعا كل الفنادق هذي بالخبر
فنادق الدمام
الشيراتون
رمادا الدمام
هالفندقين افضل شي من وجهه نظري
المطاعم كثيره
نبداها بالرايقه والرومانسيه
1مطاعم جزيره الدغيثر كلها حلوه السنبوك ولاقونا ايسترن وبراشا البرازيلي وفي بعد مطعم ايطالي اظن اسمه دون كرليون
2مطعم الاصدقاء
3مطعم جندولا
4مطعم غابه الزيتون
5مطعم الراووق
6مطاعم الفنادق كلها حلوه وراقيه
7طبعا وعلى امتداد شارع كورنيش الخبر فيه مطاعم سندويشات ووجبات سريعه ومقاهي متنوعه ومطاعم امريكه تشيليز فرايديز ابل بييز
8في بمجمع الراشد والظهران موول مقاهي كثيره ورائعه
9فيه مجمع الافنيو بالخبر عندهم مطاعم حلوه واسعارها حلوه طبعا المجمع مخصص للمطاعم بس مافيه محلات وجنبه فؤاد سنتر
10ستيك هاوس
في مطاعم اكلها لذيذ جدا واسعارها مناسبه بالخبر
1البانوش بحري
2دارين بحري
3بيت التنور صيني وايراني وهندي متنوع وله فرعيين
4القريه الصينيه
5التنور الصيني
مطاعم الدمام
1مطاعم فندق الشيراتون روعه
2مطعم شيزان الهندي
3مطعم دارين البحري
4ستيك هاوس
5بيت الروبيان
اماكن التمشيه كثيره في الوجهه البحريه بالخبر والدمام وفيه شاطئ نصف القمر حلو وتقدر تاخذلك شاليه من هناك بااحد المنتجعات منها هوليدي ان والخليج والنخيل
بالدمام فيه شاليهات النادي البحري تقدر تشوف هالتقرير وتستفيد منه
https://artravelers.com/p/re/93301
نصيحه اخوي اذا زرت الخبر زور البحرين لانها قريبه جدا وتقدر تروح هناك يومين في اماكن حلوه تقدر تروح مجمعات وتدخل سينما ومطاعم هناك اكثر من رائعه تقد تتطلع على بوابه البحرين عشان تستفيد

مبروك ياعريس
وش رايك تسير علينا بالجبيل الصناعيه

هلا أخوي يسعدني انك استفدت وارشح لك رمادا اللي في الكورنيش وفيه مطعم ومقهى بنفس الفندق اسمه الدور التاسع
او شرفة الخليج جنب المرديان وفيه مطعم يطل ع الكورنيش مفتوح والهواا عجيب بس عشاء اما الغدا يكون دور آخر
يعني أجلس يومين الموفنبيك يومين رمادا او الشرفه ويومين هوليد ان ويمومين البحرين يكون
بس نصيحه لا تغير عن موفنبيك ماكو أفخم منه والبااقي كلهم بعده
ولا تنسى هوليدي ان عشان تركب بووت ولا تنسى جوازاتك عشان تحظر فيلم بالبحرين
بالنسبه للمطعم الأيطالي الاخت فارسهاللي بجزيرة الدغيثر أسمه ((دون كلاريون))إيطالي بس غاالي جدا وأكله على ماسمعت مو لهناك انا ما جربته أنا كتبت بس اللي جربتهم
واحنا حاظرين اخوي وحياك الله