والله ياليت يفيدونا لاني الحين في لندن وابي اسويها بعد
ولا لازم نرسل الجوازات لقطر يسوونها هناك....؟

استنى الرد أنا بعد؟

السلام عليكم ////
فقط ان عندي سؤال للواخذ التاشيره من سويسرا لبريطانيا؟؟ هل تصلح لدخول باقي الدول الاوروبيه؟ وهل صحيح للي عنده اقامه في سوسيرا يقدر يدخل الدول الاوروبيه بدون تاشيره؟؟
ناطر رد الخبراء!!!! وبارك الله فيكم.................

1. طبعا يستحسن انك تقدم على سفارة الدوله اللي تدخلها اول مره!


2. لكن انا قدمت على السفاره الدنماركيه رغم انها اخر محطه لي


3. 0- ظرف بلاستيكي علشان يحطون مستنداتك فيه!!!!!

السلام عليكم
انا توني ماخذ الفيزا بقولك اشلون سويتها..واتوقع ان كل الدول طريقتها وحده
انا ناوي اروح فرنسا,بلجيكا,هولندا,المانيا.الدنمارك

طبعا يستحسن انك تقدم على سفارة الدوله اللي تدخلها اول مره!

لكن انا قدمت على السفاره الدنماركيه رغم انها اخر محطه لي

السبب انهم يطلبون حجز فندق وضمان مالي (اقل شي 50 باوند عن كل يوم ناوي تقعده), لكن اذا تعرف احد من جنسية الدوله يرسلك دعوه عن طريق البريد ويذكر فيها انك راح تزوره عدة مرات وتسكن عنده (علشان تكون الفيزا مدتها اطول ودخول متعدد multiple entry ) وتريحك من حجز الفندق ويكون الضمان المالي 30 باوند تقريبا عن كل يوم!
اصحابي هناك ارسلوها وماقصرو وريحوني من شي كثير واحس اجراءاتي مشت اسرع كثير!
طبعا الضمان المالي عباره عن Bank Statement لاخر شهر قبل التقديم من بنكك في بريطانيا او credit card statement توضح الحد الائتماني او شيكات سياحيه !..الحد مثل ماقلت يحسبوه باليوم بس اتوقع اذا كان الbalance حقك اكثر من 800 باوند خلال الشهر الاخير فوضعك اوكي

• اول خطوه تحجز موعد علشان تقدم اوراقك ,لو تروح للسفاره على طول مايقبلو اوراقك لازم موعد, الحجز عن طريق رقم تتصل عليه وفي الغالب يحسب عليك واحد باوند في الدقيقه وعن طريق التلفون تحدد الموعد (غالبا مو اقل من شهر), وتسجل اسمك بالصوت وعنوانك, والعنوان مهم لانهم يرسلون لك رساله بريديه تأكد موعدك ولازم تجيبها معك يوم التقديم!!!

(كل سفاره لها رقم وتحصله على موقعهم في النت)
المتطلبات:
1) رسوم التقديم 45-50 باوند لازم كاش
2) تعبي الفورم ( اعتقد كلها نفس الفورم لدول اوربا) وممكن تحملها من موقع السفاره ..فيه فورم اضافيه للمتزوجين بخصوص معلومات الزوجالزوجه والاطفال
3) صورة وحده حديثه بخلفيه بيضاء
4) حجز فندق او دعوه من صديق من نفس الدوله (مثل ماذكرت فوق)
5) جواز السفر ولازم في صلاحيته باقي اكثر من 6 شهور
6) اثبات عمل او طالب (statetment of student status).. من مكان العمل..المعهد او الجامعه
7) ضمان مالي بنكي (كشف حساب لاخر شهر)..يستحسن انه فوق ال800 باوند
8) تذكرة اياب مؤكده!
9) فيه تأمين صحي احيانا يطلبوه ..انا ماجبته ولاسئلوني عنه!

0- ظرف بلاستيكي علشان يحطون مستنداتك فيه!!!!!

في الغالب اذا امورك تمام استخراج الفيزا مايستغرق اكثر من اسبوعين... بالنسبه لي اخذت 3 ايام رغم ان اللي قدمت فيها سفارة الدنمارك اللي تعتبر اعقد سفاره بالنسبه لنا!
ارجع للنقطه الاولى وهي التقديم في نفس السفاره اللي تدخلها اول مره.. اذكر انهم سئلوني كيف ناوي تروح قلت لهم عن طريق اوربا (قلت ماابي اكذب) بدايه بفرنسا .. قالو لي ليش ماقدمت في فرنسا قلت على وقت حجز الموعد بالتليفون الشي المؤكد كان الدنمارك اني ناوي اروح زياره لااصحاب هناك ووقتها ماكان عندي اي فكره اني راح امر كذا دوله قبل فقدمت هنا !... هز راسه ومشت اموري... بس هذا يدل انهم احيانا ممكن يدققون
ارجو اني افدتكم
تحياتي

نقطه ثانيه..واجابه على سؤال الشخص اللي فوق
لازم الحضور الشخصي من كل البالغين اللي مقدمين (مثلا الزوج والزوجه)
يعني مكتب...انسى!.ماراح يقدرون يسوونها

الف شكر اخوى على التوضيح وما قصرت

جزاك الله خير على هالمعلومات ماقصرت يالغلا ..

جزاك الله خير مقصرت اخوي
واتمنى لك التوفيق