الكويت..أغلى بلد على قلبي بعد المملكة..
فيها طفولة أبوي..وفيها القرايب والحبايب الأصدقاء :36_3_15:
بلد الماضي والحاضر..
الله يخليها ويخليلها هالشعب الطيب..
..
كانت روحتنا يومي الخميس والجمعة (14-15) أغسطس 2008
زرنا فيها أماكن كثير وصورت أشياء كثيرة..واستمتعنا < هذا أهم شي
وان شاء الله انتوا تستمتعون ويانا
..
قبل لا أبدأ بتفاصيل الرحلة..أبي أوضح لكم كيف تمت اتفاقية الرحلة
يوم الأربعاء الماضي..كنت قاعد أسوق كعادتي.. وجتني على بالي فكرة..!
تذكرت زميلي طلال اللي اتصل علي بداية الأسبوع, وقالي انه يبي يروح الكويت يبي يشوفها أول مره !!
اتصلت عليه...
أنا: طلال مو قلت بتروح الكويت؟
طلال: الا بس ما في أحد!!
أنا: انا قلت لك قدام..
طلال: طيب شلون؟؟
أنا: عندك سيارة..انا سيارتي ما تطلع..!
طلال: طيب بدبر الحين
أنا: خلاص أوكي
بعد دقيقتين تقريبا..
طلال:حصلت الباجيرو حقت أخوي
أنا: خلاص بكره انشالله

الموعد كان يوم الخميس بعد صلاة الفجر..
والانطلاقة..بالجزء الثاني