هلا بج أختي ...
أقدر أفيدج عن جاك ديسانج ... خدمتهم لا يعلى عليها .... وهذا رقمهم 0097317713999 .. والحجز إجباري ...
موقع الصالون في المنامة .. مقابل قصر القضيبية .. وقريب جدا لفندق رامادا وفندق الخليج ...
وان شاء الله باقي الاخوات يفيدونج بأماكن ثانية ...

هلا بيج عزيزتي...
للأسف باتشي اي لوتشي ما عنده حاليا قسم للمتحجبات.....
في صالون اسمه هيد تو توز في منطقة الزنج عنهم حلاقة اسمها كريس وهي استرالية تقص وايد حلو بس ما تسشور الشعر، احد ثاني يسشور عنها...صبغهم بعد حلو و عندها افكار حلوة. الصالون موجود على نفس شارع مطعم لاميزون و بيتزا هت المؤدي الى تقاطع الخريطة تلفين اول لفة يمين بعد لا ميزون.
في صالون في شارع السهلة اسمه ايفا هي لبنانية كانت تشتغل في الريجنسي و طلعت سوت لها حلاق بروحها.....يمدحون صبغها و قصها....و اسعارها وايد ارخص من الريجنسي. شارع السهلة بالقرب من حدائق باقر اول لفة يسار عند الاشارة الضوئية وبعدين اول لفة يمين بتلاقينه يمين الحديقة العامة.
بالتوفيق

اختي انه من شهر وشوي كنت مكلمه باتشي لوشي عشان اقص شعري عندهم وسالتهم عن بارتشن حق المتحجبات قالو في عندنا ....
بس صارت لي ظروف وماقدرت اروح لهم..

الغالية
شكرا أختي على سرعة الرد ...الحجز إجباري تقصدين إني لازم أحجز قبل لاأروح صح؟
حابه أسئل إنتي شايفه شغلهم أو لا؟؟ وهل في وحده معينه تنصحين فيها

غلا المنامة
تسلمين عزيزتي على هالمعلومات ما قصرتي ....لكن تصدقي أخاف أضيع ما أعرف ولامكان من إلي قلتي بهم ...يعني منطقة الزنج وين موقعها من السيف ..أحس إن وصفج عدل مره لكن المشكله إن ها لأماكن ما مرت علينا من قبل
حابه أسئلج هالصالونين عندهم منتجات لوريال وكريستاس للشعر وهل يستخدمو أصباغ لوريال ؟؟لإن هالشي مهم جدا عندي

مزون البحرين
عزيزتي مزون....
لا تجازفين و تروحين المحل وايد صغير و قسم المغاسل عشان تغسلين شعرج لو شنو يحطون بعد يكشف، همه في البداية اول ما فتحو كان عندهم مجال حق قص و سشوار حق المتحجبات لأن الغرفة الي يستعملونها كان فيها بس مالت المكياج بس الحين وصل خبير التجميل عيسى (مكياجه وايد حلو) ف صار يشاركها الغرفة ف أعتذرو عن قسم المتحجبات.......بس ان شاء الله في أمل انهم يفتحون قسم خاص.

askbaik
هلا بج أختي ...
نعم .. صح اللي قصدته انك لازم لازم تحجزين ...
انا دايما أروح لهم أختي ...
بديعة ... مديرة الصالون ... هي اللي اتعامل معها .. بس لازم تتصلين قبل وهم اللي يحددون لج الموعد حسب اللي يناسبج ..
عندهم بعد .. كاثرين زينة وشغلها حلو ...
وحياج الله ..

askbaik
عزيزتي..
اذا انتي طالعة من السيف رايحة لدوار اللؤلؤة تاخذين الشارع الي بيوديج على القفول و تمشين سيده بتشوفين محلات الحواج على يميينج لا توقفين في التريفيك الي يمة لفي عليه يمين...بيصير مستشفى الطب النفسي على يسارج و بيصير في ويهج اشارتين ضوئيتين، الي سيدة توديج شارع الخميس لا تاخذينها روحي الثانية الي ع اليسار بتوديج شارع الزنج و بعدين كملي من وصفي الأولي.
هيد تو تو يستعملون لوريال حق الصبغ اكيد، والي تصبغ يا كريس او وحدة فلبينية اسمها جوي بعد وايد زينه..واذا كنت تخافين على شعرج من كثرة الصبغ عندهم فيجي كولور (خضروات طبيعية) يعطي نفس النتيجة ويدوم 4 اساببيع يعني على طولة الشعر.....وانا بصراحة بعد مثلج ما حب الا لوريال، الريجنسي يستعمل فدج ما حبيته وايد، يخشن الشعر.
بالتوفيق عزيزتي