عزيزي ريمس انا سكنت بهالفندق اسبوع وبصراحه راقي جدا خصوصا من ناحية الموظفين وتعاملهم لكن اسعاره شوي مرتفعه خصوصا مع حجم الغرفه العاديه ولكن من ناحية النظافه والهدوء فكن مطمئن الفندق ميه ميه والمسافه بينه وبين حي العرب والمطاعم العربيه 10 دقايق مشي وموقعه في شارع 15 على قولتهم سوكومفيت(سب ها) وماكمل سنتين من افتتاحه باختصار الملاحظه الوحيده هي الحجم الصغير نوعا ما للغرفه العاديه وطبعا السويت اكيد بيكون مختلف ولكن كل شي بسعره يعني السويت يبدي من 55 دينار كويتي وطالع والغرفه العاديه من 36 الى 42 دينار ويحتوي ايضا على ادوار لغير المدخنين مع ملاحظه مهمه ان مافيه حمام سباحه للي يحب يطشطش والافطار اكثر من جيد وتقدر تاخذ اراء مختلفه من المنتدى في ارشيف بانكوك خصوصا وبالتوفيق اخي الكريم

السلام عليكم
شوف هذا الفندق يمكن أهو http://www.hoteltravel.com/thailand/bangkok/dream_details.htm
تحياتى

بسم الله الرحمن الرحيم
السلام عليكم ورحمة الله وبركاته
شكرا أخوي ناسي جوازه والله طمنتني
شكرا أخوي ثامر66 يقنتني ان اختيارنا زين
مشكورين وجزاكم الله خير...

اسكنى هذا الفندق وعلى مسئوليتى...
نظافه مالها مثيل...
تعامل الموظفين قمه فى الأخلاق...
اسعاره جدا معقوله...
انا وزوجتى سكنا فيه فى عام 2007 ب 2800 بات لليله فى غرفه ديلوكس... مع الفطور..
تلاقين هذا السعر فى المكاتب اللى فى منطقه نانا....
والفندق قريب جدا من نانا... وبجانب فندق jw marriot
وهذا صور الفندق....
http://www.asiarooms.com/thailand/bangkok/majestic_grande.html
وهنا صور اخرى للفندق من الضيوف الذين سكنوا فيه.....
http://www.tripadvisor.com/Hotel_Review-g293916-d580606-Reviews-Majestic_Grande_Hotel-Bangkok.html
ملاحظه...
0بات هذا سعر الغرفه العاديه (standard room ) بس انا يوم جيت الفندق
طلبت من موظفه الأستقبال مقابله رئيس النوبه .... وخافت شوى وسألتنى فيه مشكله
قلت لا بس احنا فى شهر العسل وابغاه يعطينى up grade يعنى ترفيع مستوى الغرفه...
وقالت مايهمك اعطتنى ديلوكس رووم.... طبعا الفنادق الأخرى يعطونى سويت... بس
اعتذرت المسكينه لعدم وجود سويت فاضى.... قبلت العرض...وكان فندق بصراحه روعه...
علما ان احنا متزوجين من 13 سنه.....!!!!!!!!
.
.