هلابكم كل ابوكم كلكم
الحر طب علينا فجأه طيب كيف نبعد الحر
طبعا الحل عند اخواني الصغار
يبون يسبحون لأن الصيف جاء والحين عادي يسبحون
فقررنا نروح لفندق مداريم كراون لأن سبق ورحنا له الصيف الماضي
وها المره اخذت لكم كم صوره للمسبح
في البدايه جهزنا المايوهات حقت اخواني
وقررنا نتغدى فيه قلنا نجرب المطعم حقهم
وصلنا للفندق واذا كنت تبي المسبح ادخل مع باب الفلل لاتدخلون مع مبنى الفندق كذ بيصير المسبح بعيد عليكم
واحنا ماشين مرينا على المطعم
هذي صورة بوابة المطعم
صوره من داخل المطعم
انا اشوف انه من جوى عادي جدا
بعدها اتجهنا للمسبح
وقلنا نبي سباحه لشخصين
الصغار = 50 ريال
الكبار = 100 ريال +جاكوزي او ساونا
عطونا المناشف ودلونا على مكان تغيير الملابس
وهذي صوره للمسبح الصغير
المسبح هذا مناسب للأطفال من عمر السنه الى ثلاث سنوات
لأن العمق فيه بسيط وهو أمن بأذن الله لاكن لازم تراقبون اكثر
اخواني قاعدين يسبحون في المسبح الكبير
وهذي صوره للمسبحين وزي ماتشوفون الفلل مطله على المسبح
بالنسبه للفله سعرها 1500 ريال
و الدور الارضي مطبخ صغير صاله كبيره وطاولة طعام 12 كرسي ودورة مياه
الدور الثاني 3 غرف نوم ودورتين مياه وصاله
حاولت اصور بس كل الفلل مليانه
وهذي معلومات قديمه عندي عن الفله
قلنا لهم نبي نتغدى على المسبح قالو ممنوع < غريبه
اذا تبون تعالو المطعم :112:
طبعا رفضنا كيف نخلي اخواني لحالهم
وبعدين جاء واحد يقولون انه المدير وشاوروه وقال لهم عادي
جيب لهم الاكل على المسبح
لما جاب المنيو واخترنا كل ماقلنا شي قال مافيه
بصراحه عصبنا قلنا للهندي وش فيه المنيو فاضي قال شوف انت ايش يبي
بصراحه متنا عليه من الضحك ماعنده سالفه
باالاخير صفت على 3مويه 2صحن بطاطس مقلي وبراد شاي
والخدمه بطيئه جدا تصدقون انتظرنا ساعه الا ربع عشان ها الطلب البسيط
وبا الأخير البطاطس جاء محترق :112:
بصراحه ما انصح ابد با الاكل عندهم
الفاتوره =65 ريال مع الخدمه السيئه
جلسنا الى صلاة المغرب وهذي صوره للمسبح في الليل
صراحه المكان حلو والجو كان
فيه شخص اسمه محمد الشيخ
على باله مدير وقح لدرجه غريبه
وكانك جاي فندق ابوه
احذركم من التعامل معه :112:
طبعا خطة الغدى في الفندق خربت
توجهنا الى شارع ثلاثين العليا
وقلنا نشوف لنا مطعم
وقع اختيارنا على مطعم
استقبالهم روعه والمكان حلو كتير