اختي الكريمة ..
اتمنى انك تاخذي الاوراق الي عندك وتروحي للسفارة في الرياض ..
ومو لازم توقفي في السرا الي برا لانه مخصص لمواعيد الفيز انتي روحي للشباك على طول وقوليلهم انك مولودة بامريكا وودك تاخذي جواز امريكي !!
وان شاء الله بيمشي وضعك .. وعلى الاقل انك جربتي معاهم بدل ما تخسري وقت ..
اتمنى لكي التوفيق وياريت تعطينا ايش الي جرى معك علشان الاعضاء يستفيدوا

Impact
يامال العافية .... وابشر أخوي ... راح اطلعكم على اللي يصير معاي أول بأول .... شكرا ً جزيلا ً

الموضوع جدا بسيط مره مره
أنا طلع لي الجواز قبل شهر بس وكل الأوراق اللي طلبوها أصل شهادة الميلاد وصور وتعبئة الابلكيشن واثبات سعودي بأنك مولودة في أمريكا بطاقة الأحوال أو بطاقة العائلة والجواز السعودي وتروحين لسفارة بعد الساعة وحده الظهر وتدخلين على طول لقسم الرعايا الامريكين وتأخذين رقم وإذا جاء دورك بتاخذ الموظفة أوراقك وتشيك عليها وتعطيك ورقة تدفعين في نفس صالة الانتظار وتنتظرين مقابلة القنصل اللي راح تقول لك تقسمين على صحة المعلومات اللي كتبتيها في الابلكيشن وتقول لك تعالي استلمي الجواز بعد 3 أسابيع الموضوع كله ما اخذ مني ربع ساعة.
إذا كان عمرك اقل من 18 يجب حضور الوالدين

رذاذ الشلال
الف شكر رذاذ الشلال ريحتيني أو ريحتني الله يريحك دنيا وآخره .... بس عندي أستفسارات اذا ممكن مع انك ماقصرت/ي ....
أي ابلكيشن اللي لازم أعبيه ؟ وهل هو اللي موجود على النت بالرمز ds11 ؟>>> عليميه معليش :upset:
وهل اذا كان هو اللي بالنت اسحب منه صورة او يكتفون بالبيانات اللي كتبتها بالموقع؟؟
وكم مقاس الصور وعددها ؟؟؟ وشكرا جزيلا لسعة صدرك ...ادري والله كثرت أسئلة عليك بس ماودي اروح الا وانا جاهزة من جميع النواحي

حياك الله اختي وعقبال ما نشوف معك الازرقاني
اية الابلكيشن ds11 تعبينة وتطبعينة وتاخذينه معك او تروحين السفارة وتعبينه عندهم بس تاكدي من المعلومات وانها تكون مطابقة لشهادة الميلاد والصور صورتين 5×5 خلفية بيضاء اي محل تصوير قولي له السفارة الامريكية ويعرفها.
واي استفسار انا بالخدمة وترى الموضوع بسيط اسهل من استخراج الجواز السعودي بدون مبالغة.
نسيت اقولك انك الان تحملين الجنسية الامريكية بمجرد انك انولدتي هناك وكل اللي راح تسوينة انك تستخرجين جواز سفر بس.

رذاذ الشلال
لله يسعدك ويوفقك وييسر أمورك كلها وينولك اللي في بالك آآآآآآمين ..
سؤال أخير بليز .... ولو اني مو عارفه كيف أسأله !!
أروح السفارة منقبةعادي والا لأ ؟؟؟ أخاف يحسبوني من (إياهم)!! أو يكون شكلي غريب شوي!!
وهل ممكن يدخل معي أحد كمرافق... أختي أو أخوي مثلا ً ؟ بصراحه أخاف لوحدي؟؟
مره ثانية ... ألف ألف شكر لتجاوبك معاي ... والله يجزاك عني كل خير

في السفارة بيطلبوا التحقق من الصورة الي في الجواز ومطابقتها ...
والقاء القسم !!
بالنسبة للمرافقين ممكن تكلميهم في البوابة انهم يدخلونهم لاكن الاناث اسهل !!
بالتوفيق

تراك مكبره الموضوع وهو سهل اسهل من استخراج الفيزا (انا كنت مثلك قبل ما اروح اقدم) اقدر اشبهة لك بفتح حساب في البنك, وقاعده تسالين عن امور ما راح يدققون فيها البسي اللي تبين راح يطلبون منك كشف الوجة لمطابقة الصور وعلى فكره اغلب المراجعين في قسم الرعايا الامريكين سعوديين مولودين بامريكا يعني عبايات وشمغ ومافي شي يخوف وتقدرين تاخذين معك اي احد ما اتوقع انهم يقولون شي.
اتمنى ان ردك الجاي تعلمينا متى قالوا لك بيطلع الجواز

تراك مكبره الموضوع وهو سهل اسهل من استخراج الفيزا (انا كنت مثلك قبل ما اروح اقدم) اقدر اشبهة لك بفتح حساب في البنك, وقاعده تسالين عن امور ما راح يدققون فيها البسي اللي تبين راح يطلبون منك كشف الوجة لمطابقة الصور وعلى فكره اغلب المراجعين في قسم الرعايا الامريكين سعوديين مولودين بامريكا يعني عبايات وشمغ ومافي شي يخوف وتقدرين تاخذين معك اي احد ما اتوقع انهم يقولون شي.
اتمنى ان ردك الجاي تعلمينا متى قالوا لك بيطلع الجواز
لا والله مع الأسف أخوي رذاذ ... خليني أقولك السالفه وتكفى ولا يهون أخوي Impact قولوا لي وش أسوي ...
رحت اليوم للسفارة ودخت لين وصلت المهم ,, بعد ماوصلت وهذا الكلام كان 9 الصباح ردوني وقالوا تعالي بعد وحده الظهر >>> قالها رذاذ بس بعض الحرص شين
المهم ,,, رجعت بعد وحده ومستانسه وأشوف الدنيا زرقاء من الوناسه >>> جت الحزينه تفرح مالقتلها مطرح
دخلت ,, عبيت الأبلكيشن .. وأخذ مني نص ساعه نظرا ً للحرص الشديد مني والأستفسار عن كل شيء قبل ما أقدمه ,,, المهم خلصت وكتيت بياناتي ورحت للكاونتر عشان اقدم وياليتني مارحت !!!
طلب مني الموظف الشهادة والأثبات والصور ... وهنا كانت الصدمه !!!!!!!!!!
الي معاي كانت .... كانت ...... تبليغ ولادة مو شهادة
أعطاني ورقه تحتوي على مجموعة عناوين لمؤسسات صحيه على ماأعتقد وسألني أنا مولوده وين قلت له بميتشجن ووضح لي عنوانهم وقال راسليهم وادفعي لهم 20$ ويرسلونها لك خلال اسبوعين أو ثلاثه ...
المشكله أني من هول الصدمه ماسألت وش أرسل بالضبط وكيف أرسل وكيف أحول المبلغ ولمين ؟؟؟
وأنا الآن حايسه وحزينه ومدري وش أسوي
الله يسامحك (يبه ) أقوله شكلها مو شهاده ,, شكله تبليغ ,, يقول لأ ان شاء الله انها شهادة ...
وش أسوي ... بليز ساعدوني وقد ماتقدرون بالتفصيل ... أدري ثقلت عليكم ... بس الله يجعله في ميزان حسناتكم ..... شكرا ً مقدما ً