انتوا معكم اطفال !!
لهذا السبب اسبوع قليل على Orlando !!
وخاصتا انكم تحبون التسوف ...
الفعاليات فيها !!
اقل حد اذا معكم اطفال !!
4 ايام دزني
يومين يونيفيرسال
يوم سي وورلد
يوم دزني داون تاون
وهناك حدائق مائية 2 في دزني وواحدة في الانترناشونا درايف وت اند وايلد
كل وحدة منهم يوم
وهناك فعاليات كثير في شوارع وطرقات المدينة ... ترفيه ... مطاعم ... مقاهي
اما الاسواق
اقل شي 4 ايام على اقل حد !!
فلوريدا مول
اوتلت
ذا مول ات ملينا
وغير الاسواق الي في الداون تاون دزني واليونيفيرسال في الستي وولك
وشوارع اورلاندو تعج بالمحلات
انا اشوف اسبوعين جميلة لكم هناك وبعدها لمكان اخر !!
وهناك العديد من التقارير المصورة وفيها شرح وافي وكافي لاورلاندو ا
تجدونها في ساحة التقارير المصورة الامريكية !!
بالتوفيق !!

شكرا على المعلومات الوافية والتعامل الراقى لكل من يستفسر فى اى موضوع
وسوف نضع خطة للرحلة حسب الجدول الذى وضعتة

نعم بكفي اذا صرت شقردي
شقردي = تنام مبكر وتصحى قبل الفجر
وتلف الديرة لف

السلام عليكم
هل عندك علم بصيف في شهر سبعه شو الجو يكون هناك
شكر

1. منها الفاست باس في دزني والاكسبرس في يونيفرسال ستوديو ..


2. انا انصحكم تمدون اورلاندو عالاقل 10 ايام .. والبرنامج يكون كالتالي ..


3. قضو اليوم كامل في Magic Kingdom

حرام الواحد يقضي اسبوع بس في اورلاندو ..
الجو صج حر ورطوبه .. لكن مو نفس حرنا ورطوبتنا ..
وحتى الزحمه معقوله .. والزحمه مو فالشوارع بس فالثيم باركس .. او اهما عندهم وايد طرق لاختصار الزحمه

منها الفاست باس في دزني والاكسبرس في يونيفرسال ستوديو ..

انا انصحكم تمدون اورلاندو عالاقل 10 ايام .. والبرنامج يكون كالتالي ..

اول يوم ارتاحو الصبح .. روحو الظهر تغدو بMall at the Malenia في مطعم جاينيز روعه وفي Cheese Cake Factory او تمشوا بالمجمع .. المجمع اكثر اللي فيه ماركات .. يمكن تخلصونه عالساعه 5 على طول روحوا فلوريدا مول .. او هالمجمع اكبر او يبيله اكثر من يوم او في محلات لجميع المستويات .. بالليل تقدرون تروحون ديزني داون تاون ..
ديزني داون تاون الحياه فيه لي الساعه 12 او فيه محلات خياليه تبيع اغراض ديزني .. لاتشترون من اول يوم .. والسبب لازم تروحون قبل Wall*Mart لانه احيانا تلقون اشيا في وال مارت بربع السعر .. فلازم تروحون اهناك قبل تاخذون فكره او بعدين تبتدون تشترون من محلات الداون تاون ..
فالداون تاون .. محل بالقرب من Virgin mega store يبيع فراوله بالشوكولا .. فضيعه .. وفي مطاعم Macdonalds او Rainforest او Planet hollywood ..
اليوم الثاني .. تقعدون من الصبح تروحون وال مارت .. تشوفونها بس لازم تخلصون قبل الساعه 12 عشان تتوجهون ل Magic Kingdom .. الساعه 12 مناسبه لانه الشمس حاره واذا تأخرتو شوي .. بتلحقون على كل برنامج او بتكون عندكم شوي طاقه عشان تشوفون عرض الالعاب الناريه الرائع الساعه 12 بعد منتصف الليل ..
لازم ماتفوتون ال Show اللي يصير الظهر .. من تشوفون الناس بتدت تقعد على الارصفه .. قعدو عشان تحجزون مكان تقدرون تشوفون منه .. لاتقولون عرض يهال او مايسوي .. والله رائع ويسوى والاحلى العرض اللي بالليل ..
اول ماتدخلون الحديقه اخذو خريطه اختصارا للوقت .. وحددو مواقع الالعاب اللي تبونها او روحولها ... فيلعبة نفس الجندول نسيت اسمها روعه ماتتفوت والسبيس مونتن بعد او ال3 دي شو .. روعه او وايد العاب .. الشو مال ليتل ميرميد وايد حلو بعد .. او باقي الالعاب معظمها للاطفال بس وايد حلوه .. لاتفوتكم قرية ميكي تشوفون بيوتهم وايد بيستانسون اليهال ..
في مطاعم بوفيهات الظهر تقدرون تتغدون فيها وتييكم الشخصيات لي الطاوله عشان تصورون معاهم ..
اهم شي كاميرة الفيديو لاتنسونها .. صج انها عباله او شقله بس والله بعد ماترجعون بتشكروني ..

قضو اليوم كامل في Magic Kingdom

ثاني يوم .. روحوا Animal Kingdom هالحديقه حاره او رطبه شوي لانه كلها زرع .. بس لي طق مطر يصير الجو حلو .. اول شي شوفو عرض نيمو .. طبعا العرض مسكر او مكيف او بعدين روحو السفاري .. اخذو الجوله .. صوروا عند الشجره الكبيره اللي بنص الحديقه او روحو رولر كوستر افرست .. او بتشوفون شخصيات تقدرون تصورون وياها .. هالحديقه الطبيعه فيها ساحره خيال والله .. بس تخلص بسرعه .. تقدرون تتغدون في رين فورست وتطلعون ..
روحو الفندق شور سريع او بعدين انطلقوا بسرعه عالاوت ليت .. عندك بريميم اوت ليت او اي اوت لت ثاني .. او بعد المغرب تقدرون تروحون شارع نسيت اسمه ..
اتمنى احد يذكرني فيه .. في البيت المقلوب او البيت المعوي .. ومطاعم وايد ..
واذا خلصتو منه من وقت تقدرون تروحون السينما فالداون تاون .. ينزلون احدث الافلام اللي ماتنزل عندنا الا بعد شهر .. وترجعون تنامون استعدادا لليوم الثالث في MGM studio
يتبع

اختي Ozyeee
يعطيكي الف عافية في مساعدة الاعضاء ..
وياريت تفتحي الخاص لديكي !!

انا بختصر في هذا الرد وبحاول اني ارد رد مطول ان شاء الله
الجواب باختصار طول العمر ما اكفي لحبيتبي اورلاندو حتى لو تطق 200 سنه وانت لحالك ولا معك بزران بعد اضرب 200 في عدد الاطفال يطلع لك كم سنه تكفيك
هذي اورلاندو حبيبي
انت بامريكا
منتب في لندن - بريطانيا
او مانشستر او مدري وين يمين ولا يسار
احسب حساب دخولك امريكا قد يضطرك الى نشقيق جوازك وعدم العودة (((((((( الين تحن لاميمتك وابييك وتروح تطلع بدل فاقد )))))))))
بس والله ديره ما تنمل ابد وكل يوم تقول ابي اجلس يوم زيادة
وعندك لوس انجلس حلوه مره