بسم الله الرحمن الرحيم
انا الصراحه في بداية موضوعي حاب اتوجه بالشكر لعدة اشخاص لهم الفضل على خصوصا بموضوع السفر الي لا كان على البال ولا الخاطر وهم:
الاخ العزيز((الحساس))الصراحه بعد ما قريت موضوعه قلت لازم انا كمان اعمل متلو اوسوي حاجة افيد الناس فيها..والشخص التاني هو جاري وصديقي الغالي مرادكو الذي كان له الفضل الكبير في تشجيعي على السفر
وطبعا اهلي الي كان قلبهم يتقطع على اونا في الغربة...اعتقد كدة كفاية شكر وحزن قلبتها دراما...
بارح ابدا في الموضع من البداية الاوهي((حلوة الي وهي دي))كان لي صديق في الصيف دائما يسافر في الصيف يدرس لغة كنت دائما اتكلم معاه عن السفر والحياة في الخارج وكان هو من الناس الي عندهم هوس بالحياة في الخارج وانا كنت اسمع كلامو ويعجبني خصوصا لمن يتكلم على النظام والحرية ولانفتاح بس عمري مافكرت اني اسافر للخارج لاني شخص اتكالي رقم واحد يعني ممكن اكون جيعان لكن ما اقوم اعمل لنفسي اكل ودائما اعتمد على غيري بكل حاجة((ممكن لاني اخر العنقود(سكر معقود)ههه))وكنت متاكد انو اهلي ما راح يوافقو ابدا ابد لاني لمن كنت اتاخر عن البيت يقلقو علي فكيف دحين سفر وطيارة وحياة لحالي.
وصح ممكن وقتها عشان كانت عمري مرة صغير كنت دوبي مخلص 14سنة وداخل في 15..
وبس والله مرة من المرات كنت جالس اتلكم مع اخوي ابوعبدالله عن الدراسة في الخارج فقلي اش رايك تسافر انتا وتدرس برا؟؟؟؟؟
وقتها اول مرة احد يقلي ده الكلام مرة استغربت وقلت لالالالالا وقلت ادا انا اسافر واسي مكة لحالها....((الي يسمع يقول مرة احد داري عني ههه))في البداية قلت لا مو معقول والله بعدين بدات افكر في الموضوع بشكل جدي والله لغاية ما اقتنعت وقلت خليني اسل الي حليني اشوف اش ردودهم...
والله الناس كانو منقصمين ناس يقولو فكرة مرة حلوة وراح تنفعك في حياتك وناس يقولو لي اش تبغا ابلغربة والسفر ادرس هنا احسلك...:112:
والله انا وقتها قلت خلاص انا قرارت اهم قرار في حياتي وبدات الموسيقى تعزف وكل الانظار تتجه حولي((مصدق نفيس على بالي رافت الهجان))وقلت لازم اسافر عشان تتغير حياتي وتفكيري وتكون بداية حلوة لي المهم وعاد هنا ابتداء الصراع المرير الذي استمر لمدة عامين من دون كلل او ملل عن طريق القصف المدفعي والطائرات المقوامة للصورايخ وكل انواع الاسلحة...
والله ورتبت الافكار في بالي وانطلقت للوالده الله يحفظها مسكينة دائما في وجه المدفع..
قلتلتها امي قالت نعم قلتلها ابغا اسافر قالتلي لسة بدري على الصيف قلتلها لا انا ابغا اسافر لحالي ادرس ادرس طالعت فيني وقالتلي وضحكت قالتلي ماتبطل مزح انتا((مسكينة مهي قادرة تصدق اني راح افارقها وتصحا الصباح وما تشوفني ههه:109)
وجلست تقلي بس بلا كلام فاضي ومهي مصدقة لغاية ما شافتني اتكلم من جد قالتلي على راحتك بس انتا دحين شد حيلك في دراستك واذا جه وقت السفر يصير خير ان شاء الله((على بالها زي دائما اقلهم اشياء وبعد فترة انساها))والله وقتها صرت مسخرة البيت كلهم جالسين يقولوي تبغا تسافر والي يقلي لو جه واحد وضربك اش بتسوي..والي يقلي مين راح ياكلك ومين راح يشربك عشان معروف عني اني اتكالي ومين راح يصاحيك من النوم وكل الاشياء دي..المهم السنة ديك كانت سنة الوناسة على حسي.
وبعد كم شهر كدة قربت الاختبارت وجه وقت السفر وقلت لامي يلا جه وقت لاسفر ابغا افتح الموضوع مع ابوية قالتلي انا لسة ما نسيت قلتلها لا المرة دي ان شاء الله ام في نسيان قالتلي شوف ابوك قدامك روح كلمو قلتلها لا موضع زي كدة يبغالو وحدة واصلة زيك المهم قالت انا مالي صلاح انتا كلمو وقلت لو سالني راح اقلو لاتوافق قلتلها الله دحين ابغاكي تصيري عون صرتي فرعون..وكان الشى الوحيد الي مصبرني انو ابوية يحب الدراسة وستعد يعمل اي حاجة عشان نتعلم فا بس بعد صراع طويل واصرا امي فتحت الموضع مع ابوية ونا كنت جالس اتسمع عند الباب مستني اسمع صوت صحون واشايء تتطير من الغرفة بس الحمدلله الوالد طلع كما هو معروف عنو وبس الوالد ما كذب خبر الويم الي بعدو وقلي متى تبغا نروح المكتب حق السياحه عشان نشوف موضوع السفر..... وقتها قلت لا مو معقول مني مصدق ارقص ازغرط اغني اش اسوي مدري..
واشوف امي زعلانه طيب وقتها فرحتي ماكملت رحت اتكلم معها وقلتلها اش فيكي قالت مدري ولدي الصغير يبغا يسافر ويروح عند ناس يكروهوه ودهم يدبحونه((متتاترة بالاخبار على بالها اي احد ياسفر بره يوده على جوانتانامو))وقتها جيت وقلتها مهما السفر كان غالي ما راح يكون اغلى منك وكانت اختي وقتها واقفه عند راسي وتسوي انها تعزي كمان الا شوي تشوف رفسة من امي وتنطرد من الغرفة شر طرده((وقتها قالتلي خايفة عليك مين راح ياكلك ويشربك قلتلها لا تخافي ولدك صار رجال ويقدر يعتمد على نفسو قالتلي لو يصير عمرك100 راح تظل طفل في عيني))وقتها اخذت الموافقة على السفر من الوالدة قالتلي روح يا ولدي الله يوافقك وانا ربنا يصبرني..
وقتها الصراحه حسيت ان هم وانزاح عني بموافقة الغالية ماما وكدة نكون انتهينا من معاناه عمرها سنتين ..
وفي الحلقة لاقادمة راح نبدا في تفاصي السفر من اول ما رحت مكتب السياحه لغاية ماصارت المفاجاة الكبره الي خلت امي تفرح فرح شديد....
ملاحظة:لو حسيتو اني طولت في حكاية اقناع اهلي انا اسف جدا بس انا حاب انو موضوعي يكون شامل وكامل عشان اعوض عن فترة التاخير في كتابته وكمان لانو والله اي تفاصيل لو حتى جدا صغيره وتافه بس والله تفيد وسالوني انا قد ايش استفدت من التفاصيل الصغيرة الي دكروها الاخوان في مواضيعهم السابقة..
وعلى فكرة ترى انا كتبت الموضوع وانا لسة ما انتهيت من كتابته في الدفتر الخارجي تبعي عشان اشوف الردود لو شجعتني راح اكمل