اهلين أختي
وتحية للزوج الكريم
وللأطفال الله يخليهم لكي
ماشاء الله الأماكن اللي مختارينه جدا حلوه
المسافات بينهم متباعدة بشكل لا يسمح للسيارة بالوصول لها
والقطار بيكون متعب بسبب وجود الأطفال
يبقى لكم خيار الطيران الإقتصادي داخل اوروبا وبين هذه المدن اللي اخترتوها
أهم شيء لفت نظري كلمة "حبكم للطبيعة"
والمسافة بين يوروب بارك و انترلاكن 3 ساعات تقريبا ومحتاجين 2-3 ليالي كأقل تقدير فيها
اهم من هذا كله واللي على اساسه راح نحدد الخطوط العريضة للرحلة
وش هي النية بالنسبة للرحلة من الكويت لأوروبا
لأنه مهم جدا نفكر بخط مريح وبنفس الوقت ما يكون غالي عليكم
بعد ما نحدد نقطة الوصول ممكن اساعدكم في ترتيب الرحلة
وهذا مثال بسيط
ميونخ
اوربا بارك
انترلاكن
زيورخ
سالزبورق
زيلامسي
لوقانو
كومو
نيس
باريس
دوفي
اكيد هذا ترتيب غير نهائي واكيد فيه اخطاء
لكن في ظل عدم وجود نقطة بداية ونهاية محددة
مخلي الأمور ملخبطة شوي
تحياتي
ثم
محتاجين 4 ايام زيلامسي
و اسبوع انترلاكن

aboaziz
أخي العزيز والكريم جدا aboaziz الله يخلي لك عزيز
وان شاء الله عزيزكم وعزيزنا يتعرفون على بعض في سويسرا لو صادف والتقينا
الله يجازيك كل خير على ردك السريع والله ما توقعت ماشالله عليك
صراحة راح تطمعنا في مساعدتك
اكثر بس عارفين انت كريم واحنا نستاهل
بالنسبة لنقطة البداية
فكرنا اول شي بزيورخ على الطيران الاماراتي ..
واخترت رحلة بحيث نوصل دبي الظهر
والاقلاع لزيورخ يكون يوم ثاني الساعة 8:40 دقيقة الصبح
علشان نوصل زيورخ الظهر على الساعة 1:30 تقريبا ..
توقيت جيد بالنسبة لل check in
لكن امس الوالد يقول وده يزور باريس
ويشوف برج ايفل مع انا مليت منه ومابي اروح
بس الوالد وخاطرة فيه ومابي اخلي شي بخاطره
( اهو ابو زوجي بس والد بالنسبة لي:106
والوالدة( ام زوجي ودها بدوفيل-بحر النورمندي)
انا و الهزبند رايحين لها بس ابي اروح لها مرة
ثانية وهم علشان خاطر الوالدة ..
علشان هالشي تخلبط التخطيط .. فقلت لزوجي شرايك
نطلع لفرنسا اول ونروح باريس ومنها ساعتين لدوفيل ..
وبعدين لجنيف ومن جنيف لباقي مناطق سويسرا
ونكمل للنمسا والعودة من فينا للكويت بمشيئة الله
فهالشي خلانا ندوخ سبع دوخات
درب طويل بس ودي انهم يستانسون
فشرايك ؟؟ وبالنسبة للمناطق اللي نبي نقيم فيها
افضل تكون مدة الاقامة طويلة
ولو بنروح منطقة اللي ماتستاهل اكثر من يومين او ثلاث
مانلم الشنط كلها ونكون خفاف
شرايك ب 10 ايام في انترلاكن ..؟ احس انها راح تعجبنا وايد ..
وبما ان سفرتنا راح تكون 41 يوم يعني عندنا 31 يوم نوزعهم توزيع مريح ..
نبي راحة واستجمام .. وارياف كلنا نموت بالارياف والطبيعة
مو مهم بالنسبة لنا المدن والاسواق ..
برايك 41 يوم حلوين ولا شوية ؟
تصدق قريت ترتيبك مرة ثانية حلو ..
بس ادري زوجي بيقول لي واايد وهو يبي تكون الاقامة اقل
يعني مثال زيلامسي نزور عن طريقها زالزبورغ
بدون ماا نقيم فيها مع انه انا اموت بسالزبورغ
بس مومشكلة اقدر اتنازل عنها لشي ثاني ..
ومشكور يابوعزيز وماراح انسى لك هالجميل ابداا
وليش لفت نظرك كلمة حبنا للطبيعة !!
دمت بحفظ الرحمن
أختك ام عزيزان

sullmish
شوفي من قبل ما أقرأ بقية ردك اقترح ما يلي
أكيد مبدأيا
تتركين الهزبند والعالئلة و"تهجين" لوحدك
ما شاء الله كل واحد له طلباته
نرجع للجد
من الكويت او الأمارات الى
باريس - Paris خمسة ايام
دوفيل - daiuville مدري ممكن 4 ايام او اقل (باريس دوفيل 200كم)
ستراسبورق (رست) اللي هي اوروبا بارك 3 ايام
وهنا المشكلة 600 كم ؟؟
انترلاكن 10 ايام ومن اللحين جالس احط لكم المخطط اليومي (240كم)
ديفون 7 ايام (200كم) ومنها جنيف وانيسي وشامونيه وباقي المدن القريبة
لوقانو 5 ايام (400كم) ومنها كومو وميلانو والأشياء القريبة
سالزبورق (500كم) ايضا تعتبر مسافة طويلة شوي 5 او 7 ايام
بالنسبة للمسافة من دوفيل واللي جاية فعلا بعيدة جدا عن سنتر الرحلة بشكل عام
فكت لكم في التوقف في اي مدينة جميلة بين دوفيل واوروبا بارك او ستراسبورق الفرنسية
لأن اوروبا بارك هي أقرب مدينة في مجال مخططكم
الا اذا طرتوا من دوفيل الى زيورخ
وقتها راح يختلف الموضوع
اخيرا بالنسبة للعودة للوطن
هل فينا مناسبة او ماهو تخطيطكم
لأن هذا المخطط ينتهي في سالزبورق النمساوية
ودك تكملون لفينا او ميونخ او ترجعون لزيورخ؟لفت نظري هذه الكلمة لأني قبل لحظات كنت في نقاش حميم
وطلعت في الأخير انسان كئيب بسبب حبي لديفون والطبيعة والهدوء
فيا سبحان الله
جائت كلمتك في وقت مناسب
تحياتي

شوفي من قبل ما أقرأ بقية ردك اقترح ما يلي
أكيد مبدأيا
تتركين الهزبند والعالئلة و"تهجين" لوحدك
لا مو لوحدي مع عيالي على الأقل
ما شاء الله كل واحد له طلباته
لأن اول مرة بيروحون وسط اوروبا .. متعوديين على لندن
نرجع للجد
من الكويت او الأمارات الى
باريس - Paris خمسة ايام
لا وايد عليها انا فكرت ان مانقيم فيها اصلا ..
دوفيل - daiuville مدري ممكن 4 ايام او اقل (باريس دوفيل 200كم)
حلوين ..
ستراسبورق (رست) اللي هي اوروبا بارك 3 ايام
وهنا المشكلة 600 كم ؟؟
لا قوية بيطقوني لو يدرون .. شكل التخطيط بيتغير ..
انترلاكن 10 ايام ومن اللحين جالس احط لكم المخطط اليومي (240كم)
نزود هني ولا شرايك؟
ديفون 7 ايام (200كم) ومنها جنيف وانيسي وشامونيه وباقي المدن القريبة
ايي عاد ديرة بوعزيز اكيد حلوة وتستاهل .. شورتك وهداية الله ..
لوقانو 5 ايام (400كم) ومنها كومو وميلانو والأشياء القريبة
تمام ..
سالزبورق (500كم) ايضا تعتبر مسافة طويلة شوي 5 او 7 ايام
تمام .. بس شرايك نتوقف في سيفيلد او انسبرك.. ؟ مو تكون اقرب ؟؟
بالنسبة للمسافة من دوفيل واللي جاية فعلا بعيدة جدا عن سنتر الرحلة بشكل عام
فكت لكم في التوقف في اي مدينة جميلة بين دوفيل واوروبا بارك او ستراسبورق الفرنسية
م... شرايك مانروح دوفيل ونخطط لها برحلة ثانية على الخريف او الربيع .. بيكون افضل ..
لأن اوروبا بارك هي أقرب مدينة في مجال مخططكم
الا اذا طرتوا من دوفيل الى زيورخ
وقتها راح يختلف الموضوع
بس شلون مافي مطار بدوفيل او تقصد من باريس ل زيورخ ..؟
اخيرا بالنسبة للعودة للوطن
هل فينا مناسبة او ماهو تخطيطكم
لأن هذا المخطط ينتهي في سالزبورق النمساوية
ودك تكملون لفينا او ميونخ او ترجعون لزيورخ؟
فيينا مناسبة وحابين نرجع منها للوطن .. وميونخ راح نزورها زيارة فقط ..لفت نظري هذه الكلمة لأني قبل لحظات كنت في نقاش حميم
وطلعت في الأخير انسان كئيب بسبب حبي لديفون والطبيعة والهدوء
فيا سبحان الله
جائت كلمتك في وقت مناسب
تحياتي
سبحان الله انساان كئيب !!!!!!
حرام عليك الطبيعة ولا احلا منها ..
هالشي اللي فاقدينا عندنا
وكافي انك تشوف ابداع الخالق وتتفكر ويزيد ايمانك ..
والطبيعة وريحة الزرع والماي والجو الصحي
شي مايتقدر بثمن ..
والمنظر الله على المنظر لما تلتفت حواليك
وتشوف خضار في خضار وبحيرات وشلالات
الله والله اني قاعدة اوصف وشتقت كثيير للطبيعة ..
شكلي بسافر باجر
.. .. ..
المهم .. خلونا بالرحلة ..
شرايك يا بوعزيز ..
نلغي باريس ودوفيل وتكون نقطة البداية زيورخ .. ؟
ونقطة النهاية مثل ماقلت لك فيينا ..
اضن الحين اريح .. وطبعا بنستأجر سيارة اللي تكون 7راكب ..
نستلمها من مطار زيورخ ونسلمها بمطار فيينا ..
وافضل تكون الاقامة مو اكثر من 4 الى 5 اماكن
ومو اقل من اسبوع في المكان ولا شرايك .. ؟؟
يعني من اسبوع الى 10 ايام وممكن اسبوعين في مكان واحد
ومن هالمكان نطلع للمناطق المجاورة له ..افضل راح يكون ..
ولا شرايك ؟
ترى احنا معتمدين على الله ثم عليك ..
عسى الله مايحرمنا من نصايحك ..

ياهلا بام عزيزان ---> والا انا غلطانه
والله انه كن انا الي بسافر ضاق صدري كيف بيترتب البرنامج
بس فيهه اقتراح مبدأي انه تحذفين النمسا مدامك شايفتها قبل !!! وخليها السنه الجايه مع المانيا باذن الله
وش رايك ؟؟؟؟؟
انا شايفتك متصله بانتظر رايك واخش معاكم بالجدول ...

sullmish
أقول هذا الكلام السنع
كذا ريحتيني كثير وعطيتيني فرصة اكبر للتفكير والتخطيط
شوفي
والحمدلله
الله يديم المحبة الأخوة
ابيكي اذا كان فيه غير مفهوم او مبهم توقفين سردي
وتسألين
اهم تتحمليني هذولي اليومين لأني والله ماعندي نت في المنزل
معطل صار له 10 ايام
ودخولي على النت محدود جدامحطة الوصول زيورخ
تستلمون الفان 7 راكب
والله الله بموضوع الحقائب الفان مافيه شنطة بالخلف
لذا فكروا بموضوع الشنط
موضوعها كبير جدا
وحله ممكن يكون بإستأجار السيارة الأكبر
شوفيها

ومن الداخل

او اي سيارة مشابهة اهم شيء تكون 9 اشخاص
من المطار تتجهون رأسا الى انترلاكن في طريق ماودكم يخلص
وساعتين ماراح تحسون فيها بإذن الله
الوصول لإنترلاكن والأقامة في احد فنادقها (اختيار الفنادق نتركه للمرحلة التالية)
الأقامة في انترلاكن 7 الى 10 ايام
اضمن لكم فيها متعة كاملة من الخضار والأستمتاع بالطبيعة
وطبعا اكيد بجدول مرتب ومنسق مثل هذا
http://www.334433.net/aboaziz/Swiss/Intrlaken/6-Days-Program.pdf
اضيف لكم له 4 ايام على ذوقي تشمل
لوزيرن وقمة ريقي
زيورخ ورابسويل
تتلس
بلاتيوس
ممكن نتوقف هنا
وراح اكمل لك الباقي
وممكن خلالها تبحثين موضوع السكن
وش اللي يناسبكم
اي فئة من الفنادق
تحياتي

sullmish
أختى عساالله يوفقكم برحلة ممتعة تسعدكم جميعا أنا لا أضيف على حبيبنا أخونا ( أبو عزيز ) وأختنا( لوى فيتون )الا نقطة واحدة وهى السكن صحيح أن الفنادق كثيرة بشارع الهو هيفيج لكن أفضل الشقق الفندقية أريح للبال لأن قصة نوعية الأكل تقلقنى فى سويسرا ( هذا حلال وهذا حرام ) فالشقق الفندقية يا أختى بها المطبخ الخاص بكم ممكن تشترون المواد الغذائية وتطبخونها :222:بمعرفتكم بعيدا عن الشبهات لأن حتى الماكدونالدز تعتقد ذبحه أسلامى طبعا لا واللى ما يحب السمك ( غيرى طبعا لأنى من هواة الحداق والمأكولات البحرية ) ماذا يفعل هذا رأى والأمر لكم وموفقين خير أن شاء الله

أبو عزيز
مشكور أخوي على المداخلة واسمح لي بعرض رأيي في موضوع الشقق
الشقق في انترلاكن ليس السهل الحصول عليها كما هو الحال في ديفون وفرنيه على الأراضي الفرنسية القريبة من جنيف
آخر شيء ممكن اتخيله هو اني اطلب من زوجتي في الإجازة السنوية تشيل معها مونتها وتطبخ لي
في نظري ان الأكل وتنوعه جزء من متعة السفر
واخيرا مكدانولدز اذا كان مكتوب وبالعربي "حلال"
فالذي يمنع من أكله
فقط سؤال ليس مضطر لأجابته
وكل الحب والتقدير لأبوعزيز "النسخة العربية"
تحياتي

فعلا أختي الكريمة تحتاجين سيارة لا تسع 7 راكب أولا لأنكم ما شاء الله 8 و الأطفال محسوبين وهذا غير الشنط فإما 8 راكب أو 9 راكب أما 7 لا تصلح لانهم يدققون على السيارة مناسبة لعدد الركاب لذا يجب أخذ قوانينهم بعين الاعتبار وفي هذا العام قمنا بتأجير السيارة التي وضع صورتها الأخ بوعزيز وساعدنا في رحلة صيف 2007 مشكورا جزاه الله خيرا لكن واجهتنا صعوبة في بعض مواقف السيارات المغلقة او سراديب مواقف السيارات حيث كان سقف السيارة مرتفع والواقف سقفها هابط وغير مرتفع ولكننا أرجعنا السيارة للشركة واستبدلناها بأخرى أصغر أيضا ممكن تبدين من فيينا وبعدين زل أم سي ومنها ميونخ أوربا بارك انترلاكن وديفون تزورين منها آنسي وجنيف وإيفيان وسوق تواريه ولوزان ومونترو أما مدن فرنسا الأخرى وإيطاليا لا أعرفهم في صيف 2007 بدأنا من ميونخ وزرنا زل ام سي وبعض المناطق ومنها انجلشتد فيلج أسواق الماركات المخفضة أو الآوت لت ومن ميونخ إلى لوزان بالسيارة حولي سبع ساعات لكن ممتعة جدا على الرغم من وجود الأطفال ولا تنسين dvd لهم وعندي ملاحظة بالنسبة للتنقلات إذا كانت في أيام ويك إند ممكن تصادفكم زحمة فالطريق اللي بثلاث ساعات ممكن يزيد بساعة وهذا ما حصل معنا من ميونخ إلى لوزان صادفتنا زحمة فبدل ست ساعات صارت سبع وهذا في بعض الأحيان وبالنسبة للطيران إذا كان الاماراتية فرحلة الفجر من الكويت مناسبة الساعة 3:45 توصلين دبي ترانزيت ساعتين وعلى طول فيينا أو باريس أو زيورخ خلي تعب الطيران يوم واحد خاصة معك اطفال ترانزيت ليلة في دبي وشيك إن وشيك اوت مع اطفال تعب هذه وجهة نظري و هذا ماافعله كل سنة رحلة الفجر ومواصلة الرحلة مع الأطفال والقرار لكي أختي الفاضلة معلومات و مشاركة بسيطة والاخوة والاخوات يفيدونكي أكثر وبالتوفيق