السلام عليكم ورحمة الله
اخواني واخواتي مرحبا بكم ... اتمنى تساعدوني ...
راح اسافر الى الامارات ان شاء الله بعد ستة ايام ... وهذي رحلتي الاولى لها ...
وراح تكون على مرحلتين ...
الاولى سفرة عمل حيث اني مسافر الى الامارات بغرض شراء سلعة معينه مو متوفرة في السعودية
وقد سألت عنها وقالو راح تلاقيها في المنطقة الصناعية اعتقد اسمها الرس اذا ماكنت غلطان ..
وهي عبارة عن مكيف السيارة اللي يتركب في السقف مثل الباصات ولكن صغير ...
طبعا هذي الرحلة انا مقرر لها ثلاثة ايام وراح اكون لوحدي بدون العائلة ...
واحتاج نصيحتك من ناحية السكن ...
ابغي سكن رخيص جدا خاص للعزاب وتكون الخدمات قريبة منه مثل المطاعم .... الخ ..
سؤال مهم جدا جدا جدا ...
هل توجد في الامارات مكاتب لتأجير الدراجات النارية ؟ حيث اني افكر استأجر دراجة نارية بدل السيارة
لسهولة حركتها خصوصا الى امثالي ما اعرف الطرق والشوارع ... والدراجة راح تكون اسهل .
والمرحلة الثانية راح تكون سفرتي مع العائلة ...
بعد ما احصل المكيف ان شاء الله واخذ تفاصيل شغله وتركيبه ... الخ .
راح ارجع للسعودية واجلس يوم واحد فقط وبعدها ارجع اسافر مع العائلة ...
وهنا اطلب مساعدتكم العاجلة ...
طبعاً نسمع عن اماكن في دبي ما تصلح للعوائل ... من ناحية السكن ...
واقصد الفنادق اللي فيها الحاجات البطالة والعياذ بالله ... مثل المراقص والساقطات ( اعزكم الله ) .
احتاج مساعدتكم بتوجيهي للابتعاد قدر المستطاع عن تلك الاماكن ...
يا جماعة انا راح بزوجه وطفلتين الكبيرة عمرها 11 سنه والصغير 6 سنوات ...
والله خايف اروح فندق أو سوق ويشوفوا حاجات غير لائقة ومو متعودين يشوفوها ...
وحدة تمشي في السوق وبطنها طالع ووحدة داخلة فندق بلبس والعياذ بالله ومعاها صاحبها
ابغي نكون بعيدين عن هذه الاماكن ...
انا سألت شويه ونصحوني بالابتعاد عن منطقة اسمها حي نايف أو منطقة نايف أو سوق نايف
ولكن ما يمنع انكم تعلموني وين الاماكن اللي المفروض اتجنبها ...
اسف طولت عليكم ولكن مالي الا انتو بعد الله سبحانه وتعالى ...