الصور ما تطلع ....

روعه عزيزتي الله يعطيج العافيه
للمعلومه هذي المنطقة منطقه استثماريه والعقار فيها جدا رخيص
منطقه هاديه وجميله تنفع للراحه والاستجمام

آآآآآآآآآآآآآآه ثم أأأأأأأأأأأأأأأأأأأأه على الجو ..
الغالي ولد الغالي ..
ياليت اتبلغنا كيف انزورها وعن طريق اي محطه واي قطار ..
يعني خلك سلس في المعلومات أشوي وبحبحها أشوي
تسلم الغالي وماقصرت
يعطيك الف الف عافيه

القطري
اخوي الغالي القطري بما اني احب اساعد بقدر المستطاع انا راح اقولك كيف توصل لمدينة مليتون كينز
1- اتجه لمحطه الهيوستن
2- خذ قطار الفيرجن السريع المتجه لميلتون كينز 35 دقيقه وانت في المدينة واكثر شي ان القطار يوقف مرتين قبل المدينة ولكن 35 دقيقه بالقطار ولا شي
وتقبل تحياتي
اخوك
عبدالله

Abdullah_uk
بوعابد ..
جعل والديك الجنه وبيض الله وجهك ..
ماقصرت جعل عمرك طويل ..
وان شاءالله بأذن الله جايها ..
عزيزي شاين ..ياليت اتزود الصور بس تذكر ترا فيه ناس تعبانه على الجو

القطري
اخوي القطري ترى شقتي تبعد عن الهيوستن 10 دقايق مشي ولي الشرف اني اقابلك واتعرف عليك
وتقبل تحياتي
اخوك
عبدالله

السلام عليكم
اهلا بكم اخواني واخواتي
اخوي القطري مثل ماقالك الاخ عبدالله انك تقدر توصل المنطقه هذه من محطة يوستن(Euston) وتاخذ القطار فيرجن ترين وهو سريع واول محطه له بتكون ميلتون كينز او قطار السلفر لنك (وهذا انصح فيه) لانه يتوقف بعدة محطات ويمشي شوي شوي بحيث تقدر تشوف الطبيعه حولك. عند الوصول الى ميلتون كينز طبعا البحيره بتكون على بعد 10 دقايق بالسياره من المحطه. اللنك هذا للبحيرات اللي بميلتون كينز http://www.mkweb.co.uk/parks/home.asp. على فكره المدينه فيها مجمع تجاري كبير فيه تقريبا 250 محل لجميع الشركات المشهوره وكذلك مطاعم الوجبات السريعه. يعني تقدر تتفسح وتتسوق بنفس الوقت.
من ناحية الصور ابشر بسعدك انا باخذ الكاميرا معي بكرى وبصور لك كل شي بما فيها بقية البحيرات والجداول والمتنزهات. ادري انك ودك تطير وتجي بس الصب زين واترك عنك العجله والجو مستمر بحلاوته ان شاء الله.
على فكره انا كل يوم اروح لميلتون كينز اذا وصلت لندن بالسلامه وودك تزور ميلتون كينز باخذك يوم معي اذا ودك. والدعوه مفتوحه للجميع.
لاي معلومات اضافيه ارجو ان لاتترددو تطلبوها من اخوكم.

السلام عليكم
وهذه مزيد من الصور ارجو ان تعجبكم



جلسه على هذا الكرسي مقابل البحيره تنسيك مشقة العمل