1. أدوات المطبخ :


2. 3- بالنسبة للملابس:


3. 6- سجادة صلاه ووقاية + مصحف صغير + أدعيه .


4. 7- ا للي يستأجرون سياره :


5. 9- شنطة الأدوية : :36_1_40:

إ ذا كنت تنوي السفر إلي أوروبا ، أقدم لكم بعض المقترحات التي ستفيدكم إنشاء الله :
1- أوروبا كما تعلمون بضائعها غالية وأقصد أغراض السوبر ماركت والمطاعم لذلك يفضل للعوائل السكن في شقق لكي يتسنى لهم الطبخ.
2- أدوات المطبخ والأطعمة المقترحة للسفر: :1076: (تحدد الكميه حسب حجم العائلة )
عيش (أرز) + صلصه(معجون الطماطم) + مكعبات ماجي + بهارات متنوعة (( ملح وفلفل أسود وكركم بودر وبزار ...الخ )) + معكرونه + بلاليط ( شعيريه ) + نودل + زيت حجم صغير للأيام الأولى + زيت زيتون للسلطه + معلبات متنوعة مثل (( الفول والتونة واللوبيا الحمراء والبازيلا والهوت دوج وفول سوداني للسندوتشات وشوكولا نوتلا والمشروم وجبن كرافت ومجموعه متنوعة من الاجبان + كيس عدس + لومي يابس + حليبكم المفضل + جاشع وسمن ذوابه (هذا لأهل الإمارات) + ربيان مجفف + زعفران وهال + جام + عسل + تمر + زيتون + تباسكو + شاي + قهوة نسكافيه + قهوه عربيه .

أدوات المطبخ :

أخذ ملعقة خشب + سكينه واحده + مفك العلب + مشخله الأرز (المصفاة ) ليفة الأواني + فيري لغسل الصحون + علبة صابون بودر صغيره (( لأن بعض أصحاب السكن هم يوفرون صابون الثياب إما مجانا أو برسوم والأهم أن الصابون اللي يوفرونه يناسب غسالاتهم )) مفارش نايلون للأكل + حرارة للأكل ( يفضل تكون قديمه أو رخيصة ليتم التخلص منها ) + ورق المنيوم صغير( فويل ) + دلة للقهوه وممكن للحليب ويفضل قديمه أو رخيصة للتخلص منها + صحون ميلامين على عدد أفراد الأسره للرحلات (نوعيه رخيصه ) للتخلص منها .

3- بالنسبة للملابس:

جميع الملابس الداخلية للاسره والبيجامات خذوا القديم اللي عندكم (( يعني اللي بيتفنش)) للكبار والصغار عشان تتخلصون منها هناك ممكن تتبرعون فيها وهذا بيساعدكم أنكم بتفضون الشنط وبتقدرون تحطون مشترياتكم الجديده.(صدقوني بتدعولي )
4- وايد مهم تاخذون معاكم أحذيه رياضيه . وممكن بعض الاحذيه المستهلكه تأخذونها عشان تتخلصون منها وتتركون واحد جديد .:36_1_24:
5- كاميرا الفيديو + كاميرا ديجتل + موبايل :36_13_1: + الشاحن للجميع + كوايه خفيفة الوزن .

6- سجادة صلاه ووقاية + مصحف صغير + أدعيه .

7- ا للي يستأجرون سياره :

يجب وضع بصوره دايمه في السياره عربانة أطفال + شنطة فيها غيارات للأطفال + جاكيتات للجميع + قفازات وكلوتي للرأس(غطاء للرأس) وهذا بينفعكم لما تصعدون الجبال عند قمم الثلوج :11ld: + سجاده خفيفه للرحلات ورخيصه لتتخلصوا منها في نهاية الرحلة + مظلات للمطر:rain: .
8- لحمام الشقه (أعزكم الله ):
ديتول علبه صغيره + شامبو + صابون الجسم واليد + كلينكس رول + كلاس بلاستيك (مثل الأبريق)وهذا مهم جدا + معجون أسنان وفراشي:36_1_43: + مطهر للفم + أدوات الحلاقه:36_2_66: .

9- شنطة الأدوية : :36_1_40:

بندول + خافض للحرارة للأطفال + دواء للكحة والزكام للكبار والصغار + ترمومتر للحرارة + لزقه جروح + دواء أحمر للجروح ( مكركروم ) وحطوا داخله قطعه صغيره من الخيله (بتحصلونها عند العطارين وهي ريحتها خايسه بس مفعولها عجيب في معالجة الجروح) واتركوها داخل وهي بذوب + كريم لقرص الحشرات + فيكس + اسبري للأنف للزكام + وإضافة أي أدوية خاصة خصوصا للي يعانون من أمراض معينه.

• ملاحظه هامه :
• ممكن إضافة أوحذف بعض أنواع الأطعمة حسب الرغبة.
• عدم الإكثار من الاطعمه وأخذ الكميه المناسبة لعدد الاسره ومدة الرحلة ( عشان مايزيد الوزن).
• مراعاة التغليف المناسب مثلا بعض الاطعمه وضعها في علب بلاستيك بدل قناني الزجاج، وأيضا لف كل أغطية العلب سواء بلاستيك أوزجاج باللزقه حتى لايتسرب منه.
• العلب التي ممكن تنكسر يجب وضعها في مكان آمن في الشنطه .
• يجب توزيع الأغراض على الشنط بحيث توضع بعض الاغراض في قاع الشنطه ثم تغطى ببلاستيك (مفرش نايلون الاكل )ثم توضع الملابس من فوق.
• أقترح وضع بعض الأغراض في الكرتونه وتغليفها في المطار بالبلاستيك مثل الأطعمه والأحذيه..الخ وذلك لتجنب حمل الكثير من الشنط .
• ضروري توزيع حاجاتكم الثقيله على الشنط لأن القانون الدولي يمنع زياده في الوزن أكثرمن 30 كيلوفي الشنطه الواحده.

أنتم لاحظتم إني وايد أكرر كلمة رخيصه وقديمه لأن بعض هذي الأغراض الافضل أن نتخلص منها قبل العوده علشان ونوفر مكان في الشنط وبعد نخفف الوزن .

• أخيرا أتمنى أن ينال موضوعي رضاكم وإذا عند أي حد منكم ملاحظه أو سؤال أو إضافه أنا حاضر.

:36_3_16: مع تحياتي ...هداوه