roro1981
انا جربت السكن في لوقانو وزرت فقط كومو , اعتقد ان الاقامه بلوقانو انسب وترجع اولا واخيرا الى الهدف من الرحله
مثلا ان كانت تسوق واسترخاء فالسكن في كومو وزيارة لوقانو انسب لان خيارات مجمعات اوت لت في ايطاليا اكبر , وان كان استرخاء فقط فالاقامه في لوقانو انسب

انا هدفي الاساسي من هال3 ايام هو الراحة والاسترخاء مو تسوق ولا شي
ابي اعرف اي وحده منهم فيها جمال الطبيعه والمناظر اكثر
يعني اي وحده تستاهل اجلس 3 ايام واي وحده تستاهل مرور يوم كامل
لاني لما اشوف تقرير لوغانو وكومو تزيد الحيره احس ثنتينهم يسوون القعده بس ما ابي اتعب نفسي واحمل شنط على يوم او يومين
ابي اجلس في وحده منهم والثانية بطلع لها من ميلان يوم كامل
ايهم اشرح صدر من ناحية الهدوء والطبيعه وفي نفس الوقت الوناسه

الاقامه في لوقانو اشرح صدر

اكيد لوقانو اجمل والمناظر اكثر جاذبيه

اانا مريت بنفس الحيره لكن بالاخير اخترت كومو لعدة اسباب

• اسعار الفنادق المطله على البحيرة فرق كبير بين كومو ولوغانو والمسافه مو شي بين لوغانو وكومو
• الهدوء اكثر في كومو
• اعتبراها نقطه وسط لو نويت اروح لميلان
• التسوق

rakeeb
بالنسبه لي انا راح اكون قبلها في ميلان لمدة 4 ايام فقلت اطلع منها لكومو؟؟
ثاني شي انا حصلت في لوغانو فندق ب 790 ريال الليله مطل على البحيرة واللي اخترتهم في كومو اغلى؟؟
ما ادري بس انا قلت بما اني بكون في ميلان قبل اقدر اروح كومو فخليني على لوغانو ولا ايش رايك اخوي؟؟

roro1981
غريب انا دورت على فندق 4نجوم وفوق بلوجانو اسعاره اغلى من كومو ,,,,
انا بخطتي الاولى مقرر اجلس 4 ايام بميلان لكن نصائح الاعضاء قالو لي اسكن كومو ولا لوجانو احسن لك لان ميلان يوم يومين بالكثير حسب كلام الاعضاء ان ميلان مش ولا بد من ناحيه الامان والراحه عشان كذا قررت ابيت في كومو وميلان اروح لها عن طريق القطار وفيوم اروح لفنيسيا والرجوع بنفس اليوم عن طريق القطار.
طبعا وجهة نظر ممكن تكون غلط بس انا اقتنعت بالفكره وحجزت بكومو على البحيرة غرفه ديلوكس مطله ب680 ريال

rakeeb
lممكن اعرف اسم الفندق يمكن اسوي نفس الشي بس اجلس في لوغانو 3 ايام وكومو 4 ايام بدل ميلان؟؟
انا في البداية كنت مفكرة نفسك اني بجلس في كومو ولوغانو وبطلع ميلان يوم وارجع لاني ما ابي شي من ميلان حتى تسوق ما ابي بس اسمها اني شفت ميلان..بس بما انه الامان مو موجود خاصه انه احنا بنتين لحالنا فرايك اسكن كومو مثل ما انا كنت مخططه احسن؟؟

roro1981
اسم الفندق Hotel Barchetta Excelsior غرفه مطله على البحيره مع بلكونه
اختى انا ما ني خبير بميلان بس اتصفحت اغلب المواضيع عن ميلان والكل يتكلم على نفس النقطه قلت بنفسي بلا وجع راس خليك بلوغانو احسن بعدين عجبتني كومو وموقعها وسمعتها عالميه قلت خليك على كومو افضل.
اما تسكني في كومو ولوغانو اتوقع غلط وجه نظر طبعا لان الي بينهم فقط 30 او 25 كيلو اختاري وحده منهم .
انا قلت لك قبل اخترت كومو لان هدفي زيارة لوغانو وميلان وفينيسيا بحيث ما اغير الفندق لمدة 6 ايام .