ياهلا ومرحبا فيج اخت هلاليه , واتمنى لج طيبة الإقامة في بلدك الثاني دار بن ثاني .
الفنادق والشقق كثيرة في قطر وأنصحك بزيارة لموضوع المراقبة قطر عن أهم الفنادق والشقق في قطر :
https://artravelers.com
وللمطاعم موضوع خبيرنا The Watcher :
تقاريري عن مطاعم ومقاهي قطر https://artravelers.com
المولات , عندك ستي سنتر ومجمع اللاندمارك وأيضاً المول(بالقرب من المطار) ومجمع الرويال بلازا بشارع السد ومجمع حياة بلازا ومجمع فيلاجيو (أنصحك به لوجود مطاعم ومحلات كثيرة ومتنوعة) وطبعاً سوق واقف التحفة المعمارية (لايفوتكم) .
المنتزهات : توجد حديقة البدع وهي على أمتداد شارع الكورنيش وحديقة اسباير (خلف فيلاجيو)وهي تعتبر هايدبارك قطر .
وعن السينمات ماعندي اي فكرة (أكره السينما), بس هذا موقع السينما وممكن تشوفين جدولهم اليومي :
http://www.bccmovies.com/index.asp
فتح خط دولة قطر : 974+
وخريطة دولة قطر :
.: جهاز الاحصاء خارطة قطر :. http://www.qsa.gov.qa/Ar/QatarMap.htm
نتشرف بزيارتكم واي سؤال لايردك الا السانك وياهلا فيج مرة ثانية .

1. الف طلب مثل هطلب تدللو ياضيوف قطر واحنا لكم بلخدمه


2. بنسبة لشقه ممكن اتقولين لنا انتو كم عددكم او كم غرفه تبونها

*هلاليه*
يا هلا وغلا
واتنور الدوحه
وغالية والطلب شربات

الف طلب مثل هطلب تدللو ياضيوف قطر واحنا لكم بلخدمه

بنسبة لشقه ممكن اتقولين لنا انتو كم عددكم او كم غرفه تبونها

وفي شقق السراج وهي حلوة وتقريبا نفس السعر الي انتي طلبتيه وانا خصياَ شايفها بوم حجزت لصديق لي من الكويت حتى هو استانس عليها وحلوة ونظيفه وايد وماصار لها سنه مفتوح والاثاث حلو واسعارهم في متناول الجميع وفي واحد من الاعضاء سوا عنها تقرير
وهاي رابط الموضوع
https://artravelers.com/p/re/153828
وبنسبة للمولات فيه سيتي سنتر وهو مكون من 5 طوابق وفيه حلبة تزلج وفيه سينما وهي مكونه من 14 شاشه وعندهم مدينة ملاهي وفيه مطاعم وايد ومتنوعه ومحلاته وايد وفيه كارفور وان شاءالله يعجبكم
وعندج الاند مارك وهو مكون من طابق واحد ولاكنه كبير وفيه مدينة العاب وسينما فيها3 شاشات وتستحق الزيارة وفيه كوفياتمتنوعه وحلوة وتستحق الزيارة ومن غير كورنر المطاعم
وعندج مجمع المول وهو يعتبر اصغر من الاثنين الي قبل بس هو مجمع رايق وفيه سينما وحلو
وعندج مجمع فيلاجيو وهو طابق واحد ولاكنه مصمم على الطريقة الايطاليه وهو حلو ويستحق اكيد الزيارة وفيه كوفي شوبات ومطاعم حلوة وفيه ركن الماركات العالمية من غير المحلات الثانية الحلوة بس ماعرف اذا السينما الي فيه افتحت ولا لا اتمنى هشغل الاعضاء يفيدونا فيها لاني برا قطر ومادري
وعندج مجمع الحياة بلازا وهو على بعد خطوات من فيلاجيو وتقدرون اتزورونهم مع بعظ طبعا فيلاجيو احلى بس بعد هو مجمع رايق وحلوو وفي مدينة العاب اسمها جنغل زون ومادري بعد اذا السينما الي فيه افتحوها ولا لا اتمنى حد يفيدنا بهشغله
وعندج مجمع الرويال بلازا وهو يعتبر من اصغر المجمعات وفيه ركن للمطاعم وفيه سينما وتعتبر السينما اليفيه هي ارقى سينما بحكم انها اجدد شي ومرتبه وايد ولاكن عيبها بس 3 شاشات وانا اشوفها هي مع سينما غراند الي بسيتي سنتر هم افضل شي بنسبة لي
وعندج متحف الفن الاسلامي وهو يقع في نهاية الكورنيش ويستاهل الزيارة وهو توه فاتح جديد ويعتبر من ارقى المتاحف في العالم
وعندج الؤلؤة قطر وهي الجزيرة الاصطناعية ممكن اتروحون وتاخذون لكم لفه فيها
وعندج حبيب الشعب القطري وهو سوق واقف وهو يعتبر اقدم سوق بدوحه ولاكن هو سوق قديم على الطراز الحديث يعني كل شي حديث فيهبس بستايل قديم اتمنى فهمتي الفكره ويمتاز بكوفي شباته ومطاعمه ومن غير السوق الي فيه واكيدراح تستمتعون فيه
وعندكم حديقة سباير وهي ورا فيلاجيو تقدرون اتزورونها مع فيلاجيو والحياة بلازا وهي تعتبر ممشى بس حلوو
عندج القرية التراثية وهي بلكورنيش وهي قرية حلوة واتمنى الاعضاء يفيدونا اذا لحين مفتوحه ولا لا
وتقدرين تنزلون واتمشون في كورنيش الدوحه وتاخذون لكم لفة على القارب بس انتبهو ان يدبلون عليكم السعر
وبنسبة للمطاعم نسخت لج اختي رد من ردودي لشخص كان يستفسر عن المطاعم واتمنى تستفيدين منه

• ________________________

وبنسبة للمطاعم عندك في مطاعم غالية وفي مطاعم نص نص وفي الرخيصه
مادري انت شنو طلبك فيهم
بس بنسبة للمطاعم الراقيه عندك مطعم المرجان بلكورنيش وهو على البحر وقعدته حلوة وايد وهو مطعم لبناني وفيه شيشة
وبذكرلك اسم اكثر من مطعم لبناني كلهم حلوين ويقدمون الشيشة اذا انت مدخن وهم
ليالي & الساحه & اوتار & الصياد وهو بنادي الدبلوماسي & البندر في سوق واقف
وكل الي ذكرتهم يقدمون الشيشة اذا كان هاي طليك بلمطاعم
وعندك مطاعم هندية مثل ( بخارة & رويال تندوري & اشاز في فيلاجيو وكلهم مطاعم حلوة وراقيه
وبنسبه للمطاعم الامريكيا فيه حلوة واسعارها مناسبه مثل ( ابل بيز & شيليز & فرايديز & بينج & فيدركير & امريكان غيرل)
ومثل ماذكرت لك ان اسعارهم مناسبه مثل الي عندكم اكيد
واذا انت اتحب البوفيهات فعندك بوفية فندق فريج شرق وبوفيه فندق الفورسيزنت وعندك مطعم حباري في فندق الشيراتون
واكيد في مطاعم فاست فود مثل (ماكدونالد & برجر كنغ & طازج & كودو & هارديز & كنتاكي & ماري براون & شرمبي & تيك اوي )

• ____________________________

اتمنى تستفيدين من ردي
وعلى فكرة الافلام بسينمات اتكون اغلبها امريكيا بس مترجمه واتكون متنوعه يعني اتحصلين افلام مرعبه او اكشن او رومنسي او كوميدي وبعد فيه افلام مصرية وهندية بس الاغلبية للافلام الامريكيا
وفتحت خط قطر هي 00794 يعني الي بيتصلكم وانتو عندكم كرت قطري لازم يحط فتحت الخط 00974 وبعدها الرقم المكون من 7 ارقام
واتمنى اني ساعاتج ولو بلقليل واي استفسار مايردج الا الكيبورد
وانحنا تحت خدمة زوار قطر
تحياتي

الشباب ماقصروا
وحياج الله بديرتج الثانية اختي هلاليه

حلو ومدلع
ربي يسلم قلبك اخوي
هذا اللي نعرفه عن اهل قطر انهم راعين واجب واهل فزعات

بالنسبة للمجمعات : ستي سنتر ، فيلاجيو ( مجمع رائع ) ، اللاند مارك ، المول وهو بجانب المطار تقريباً وفيه سينما ، رويال بلازا ، سنتر بوينت ، الحياة بلازا .. ( أغلب المجمعات بتحصلين فيها سينما )
المطاعم : شبستان - الساحة - المجلس - تيك أوي - شاطر عباس ...........
الشقق : الملكية ( هاي الي أعرفه )
الحدائق : حديقة اسباير ( روعه ) ، حديقة اللقطة ، حديقة البدع ، حديقة دحل الحمام ...
فتح الخط : 0097
( هذي صورة للمجمع الستي سنتر ) ..

( هذي صورة للمجمع فيلاجيو )..

ان شاء الله اتعيشين أحلى أوقاتج في بلادنا وبلادج الثانية ..
تقبلي معلوماتي الي أعرفها =)

وبعد فيه سيلين ، الكورنيش ، سوق واقف ، المتحف الإسلامي ( منظر البحر راائع أمام المتحف )
تقبلي مروري =)

بيض الله وجيهكم جميع وماقصرتو

ولهwalhanان
مرحبا اخوي ولهان
وماسوينا الا الواجب وكلنا عرب وفي خدمة زوار قطر
اختي هلالية
وجايبلج رابط لموضوع احد الاعضاء فيه صور عن المجمعات التجارية وبعد عن الشقق الي ذكرتها وراح تستفيدين من تقريره
رابط الموضوع
https://artravelers.com/p/re/229606
واي استفسار مايردكم الا الكيبورد
تحياتي لكم