بلا شك أم سيف هي الافضل والاقدر على مثل هالامور ولا يهونون الباقين
يالله يام سيف فزعتك الله يعطيك العافية

1. فيه مخطط لرحلتي و رد ام سيف على استفساراتي ..


2. http://paris-claridge.frasershospitality.com/


3. هذا رابطه

يسعد ايامك اختي ،، ان مثلك كنت محتارة بس لفيت في المنتدى و ماشالله معلومات الاخوان من اروع ما يكون سهلة و بالتفصيل ،، هذا برنامج متواضع و اكيد اصحاب الخبرة يفيدونك اكثر في التفاصيل ( نصيحة شوفي مواضيع الاخت ام سيف ، والتقارير الموجودة في المنتدى و فيه موضوع انا طرحته لام سيف هذا رابطه
https://artravelers.com/p/re/288006

فيه مخطط لرحلتي و رد ام سيف على استفساراتي ..

السفر انا دايما افضل الخطوط السعودية ، و الان عندهم الدرجة المخفضة حلوة بس اي تعديل تسويه على التاريخ ياخذوا عليك من 100 الى 250 ريال تقريبا . و السعر حسب تاريخ السفر و كل ما حجزتي بدري تلاقين سعر افضل ..
انا اخذت التذكرة ب 1600 في العيد يا بلاش ..
السكن اذا انتوا 5 ماشالله انصحك بشقة اوفر ، عندك الكلاريج في الشانز جنب الماريوت ، و هذا موقعهم

http://paris-claridge.frasershospitality.com/

و اذا ما ناسبك السعر ادخلي على https://www.booking.com و اختاري المدينة و التاريخ و حددي نوع البحث (فندق ، شقة ، الموقع ، التفاصيل ) و شوفي الي يناسبك ، او دوري في المنتدى عن تجارب الاعضاء ، فيه موضوع مثبت من الاخت بنت الصقور .. اسمه فنادق باريس بالصور ..

هذا رابطه

https://artravelers.com/p/re/61831
بالنسبة للاماكن الي تزورينها ، اول شي الوصول من المطار الى الفندق اوفرلك الباصات التابعه لاير فرانس (الخطوط الفرنسية ) تاخذينها من المطار ب 15 يورو الشخص ، من بوابة 34 و تاخذين المسار الاول الي يوقف اول محطة عند فندق ميرييان اتوال قرب الكونكورد لا فاييت ، و ثاني محطة عند قوس النصر ، و من هناك ممكن تاخذين تاكسي و تروحين مشي اذا ما عندك شنط كثيرة للفندق ، اما اذا ما تبين الحوسة ممكن تاخذين تاكسي من المطار الى الفندق مباشرة بس بيكون اغلى اكيد يمكن 50 يورو او حسب عدد الاشخاص ..
اول يوم خذوا لفة بالباص الاحمر ، من اي محطة باصات قريبة من الفندق ، و اجلسوا في الدور العلوي احلى و شوفوا معالم باريس و حددوا وين تبون تروحون ثاني يوم ، الباص مدته ساعتين و يوقف في كذا محطة ، شوفي هذا التقرير من ام سيف الله يحفظها يوضحلك مسارات الباص الاحمر :
هذا رابط الموضوع https://artravelers.com/p/re/276116
انصحك انك تخلين تنقلاتك بالباص ، و تراه سهل اذا فهمتي الخريطة الي يعطيك السواق بعد ما تشترين التذكرة منه ، بس اذا بتروحين ديزني استخدمي الرير Rer
بعد عودتكم من الرحلة بالباص الى الشانز ، اتعشوا في احد مطاعم الشانز ، مثل بيتزا بينو ، او اي مكان تحبونه ، و ارجعوا للفندق و استعدوا لليوم الثاني ..
اليوم الثاني روحوا بالباص الى برج ايفيل ، و اطلعوا البرج و اذا تحبون اتغدوا في المطعم الي فيه ، و بعد البرج خذوا قارب في نهر السين ، و اذا ما اتغديتو في البرج اتغدوا في القارب ، اسعاره بدون غداء او عشاء ب 11 يورو الشخص تقريبا ،، مع الغداء يمكن 95 يورو ،،
بعد النهر روحوا منطقة اللاديفانس ، من اي محطة ميترو او بالباص ، محطة الميترو الي عند اللاديفانس اسمها موجود في رابط استفساري من ام سيف الله يحفظها ..
هذه المنطقة جديدة و فيها تطور معماري رائع جدا ، و فيها مجمع Le Dome و مكان للمشي ، و الحلو فيها ان ما فيها سيارات ، التنقل فيها بالمشي ..
ثالث يوم روحوا بالباص الى متحف اللوفر ، و منه الى الجالاري لا فاييت و الرنتان ، مجمعين للتسوق ، تفاصيلهم في التقرير التالي للغالية ام سيف :
https://artravelers.com/p/re/268968
اذا ما تبون المتحف و ودكم بس المجمعات ممكن تروحونلها من الشانز بالميترو بالوصول الى محطة الاوبرا ، و بالباص ممكن بعد .
اليوم الرابع : انزلوا افطروا في الشانز ، خلوه مشي من الصبح في الشانز و محلاتها الى وقت الغداء ايضا في الشانز ، ومروا على محل ديزني اشتروا تذاكر الدخول من هناك عشان زحمة السرى في ديزني ، و ممكن في العصر تروحوا للحي اللاتيني ، و حي الرسامين ، مع ان ام سيف تقول ما فيه شي مايستاهل ، و منه لمتحف اورسي ، و كنيسة نوتردام ، ثم العودة الى الشانز للفندق .
اليوم الخامس ممكن تروحوا لديزني ، و منها اذا مداكم لافالي فيلاج ، هذا اوت لت فيه كل الماركات بس مخفضة ، موجوود تفاصيله في تقرير ام سيف ، و اذا ما مداكم تعالوله يوم ثاني و نفس اليوم ادخلوا المجمع الي جنب الاوت لت ، او عالم البحار Sea Life ، طبعا الوصول الى منطقة ديزني بال Rer A ، لانها مباشرة الى ديزني بدون توقف ، تاخذينه من الشانز ..
اليوم السادس ممكن تروحين لقصر فيرساي ، بالباص الاصفر الموجود في تقرير ام سيف بخصوص الباصات .. او بالميترو ، و فيه شركات سياحية كثير بس اهمها Paris vision تمدحها ام سيف .. يسوون رحلات لاهم الاماكن في باريس ، و ممكن ياخذونك من الفندق نفسه الى الاماكن السياحية و مع غداء او عشاء ، و يرجعونك مرة ثانية ،، عندهم رحلت مدتها 10 ساعات ، او 6 ساعات ، حسب الاماكن ..
انشالله اكون افدتك ، و اذا عندك اي استفسار انا حاضرة و الاخوان انشالله ما يقصروا ...
و رحلة سعيدة ..

care4u & sereemjio
يعطيكم الف الف عافيه ماقصرتوا تعبتكم معي ..
ردك وافي ماشاء الله ,,
:smile127:
بس حمستوني ل رد أم سيف

اشكر ثقتكم بي واتمنى اني اكون عند هالثقة
بس اختي متى تقريبا تبين السفر في اي شهر؟
طبعا في سبتمبر يعني بعد االعيد ارخص
الان بحدود 2400 ريال
في سبتمبر ممكن تحصلين 1500 ريال
تبين دمام باريس ولا رياض باريس
عشان اشوفلك تسعيرة افضل الخطوط واذا فيها توقف يكون اقل مدة توقف
كم حدود السكن في باريس 1000 ريال للغرفه
الشانز اهم شارع في باريس واغلب الرحلات تنطلق من الشانز هل تفضلين السكن فيه او عادي تروحين تسكنين بعيد
حاول تقولين لي شنو الي تحبينه او تفضلينه عشان نرتب لك افضل ترتيب
واسمحولي على الرود اذا جات متاخر انا بدت اجازة بناتي ومنشغله بترتيب السفر وعندنا ترتيب لفراح وخطوبات ومنشغله حدي
يعني تحملوني اذا رديت متاخر كم يوم