هلا اخوي
فندق ممتاز ومشهور لغير العرب ونظيف ومرتب 4 نجوم يقع في قلب ووسط شاطئ البانوج كل الخدمات موجوده
شخصيا لاانصح فيه اذا كان السكن للعوائل
هوليد ان وجريس لاند وباتنوج مريلان وبروساي مناسبين جدا في شاطئ الباتنوج

انصحك نصيحة اخويه بفندق بان لاماي بيتش بشاطي البوتنق بيتش وخوش فندق علي كيف علي الشاطئ علي طول اما بالنسبو فندق بوتنق بيتش ما اعرف عنه اي شي .

بيق بن صادق !
انا سكنت 5 ايام في فندق لاماي بيتش وكان بالفعل رائع وسعرة ب 200 ريال سعودي تقريبا لليوم الواحد وانا كنت فيه في ديسمبر يعني هاي سيزون والان شكلة اقل من 150 ريال
والفندق راقي وموظفيه ودودين وقريب من كل شي
لكن علشان يكون في علمك !! هو امام شاطيء الباتونق ومنطقة الباتونق كلها تعتبر من وجهة نظري انسب للشباب لانها قريبة من الهيصه والبيصه
لكن تبغى نصيحتي روح لهافندق واسكن فيه كم يوم وبعدين حول لفندق ثاني وثالث ورابع
لان احلى مافي السفر التغيير والامور هناك تساهيل وبشكل كبير
رحلة موفقه !!

ياحبيلها بوكت والله جنة ياناس والله جنه !!!!
اشتقتلها وانا مالي شهرين راجع !!

احنا كنا ساكنين فيه الصيف اللي فات ويع الغرفه لقينا فيها بريعصي وكانت مغبره والغرف مرطبه كنا انخلي الكرت بالغرفه علشان التكييف مايسكر لانه حر ورطوبه
بس كموقع عجيب حده

GrlA
كنت على وشك اني احجز فيه الآن 20 يوم ب 1400 بات تقريبا لليوم الواحد ( عرض طبعا )
من خلال الانترنت
لكن بعد ما قريت كلامك غيرت رايي
شكرا لك يا اختاه

عزيزي
في سنة 2006 كنت أول مرة اسكن الفندق المذكور وان شاء الله تكون آخر مره قولي ليش:
الفندق في الليل وبالاخص الغرفه كآبه ماتتصورها وكنت ساكن في غرفه ونوع الارضيه باركيه خشب وفعلاً على ماذكروا الاخوان الرطوبه ولي تخلي ريحة الخشب شاله الدنيا واذا كنت مسافر سفرة عائليه ما انصحك فيه .
تحياتي