السلام عليكم
الله يعطيكم الصحه والعافية كلكم بناء على طلبكم ورغبتكم انتو تامرون وحنا نطامر طال عمركم
هذا موضوع ماقدار اقول عنه تقرير لان ماكان لنا برنامج او خطة كنا نتمشى عشوائي بس
لان شباب معاي مايحبون يلتزمون بشيء معين
بس راح اذكر لكم وين مكان الصورة وشنو الحدث
بسم الله ابداء
هذا كراسي في نافورة عند فندق "فريزر" بالادفانس صورتها و أنا رايح للامترو

هذي لوحة عند قوس النصر بداية الشانزلزية تعرفك ان هذا شارع الشنزلزية مدري ليش صورتها بس حبيتها

هذا طبعن "قوس النصر" وعلى طاري تره في ناس مايعرفون انه تقطع تكت وتركب فوق فكرتي الجاية اصور من فوق اذا فضيت
طبعن يالله صباح خير ههه بتسلون ليش اقول جي بتيكم السالفة
الله يسلمك هني قايمين من صبح بنروح حق دزني لاند كانت اساعه 9 صباح
والاخت هذي متفرغه تعزف على الكمان من صبح في نفق المترو الرير الاحمر اترزق الله
وعجبني شكلها وهي تعزف قلت نعطيها صوره
هذي الصورة كانت تحدي وفكره في بالي والحمدالله أضبطة اول شيء شوفو الصوره وبقولكم شقصتها
اكيد الكل مافهم شسالفة هذا تمثال داخل فترينا في احد محلات الشانزلزية صورتها بطريقة يعكس الشارع المقبلها
ومع تغير الاون بينت كانهم بشارع
هذي احد محلات بشارع الشنزلزية حبيت بما انه المباني تاريخية فحبيت ادمج بصورة الحاضر وحبقه من الماضي
مشكله التفلسف ههه
هذي الصورة اول ماطلعت من محطة المترو شارديقول اول مره اشوف بحياتي قوس النصرر واسرني حجمة
وقعدت أفكر شلون بنوه ههه

هنا كنا ندور صالون شعر حق رفيجي كان يبي يقص شعره ههه ادري فاضي ماعنده سالفة
ههه طبعن انا قصيت شعري ممعاه وشريت مساكات وشامبو مادري شنو المهم قطيت 200 يور وطلعت
هنا كنت بالقطار حق دزني لاند وعجبني المنظر من مكاني وقلت يبيلة صورة

هنا بعد ماخلصنا جولتنا بالقطار عجبني منظر الصناديق وهي قديما كانت تستعمل للسفر
وتخزين الملابس

طبعا المعروف عن مباني باريس كل مبنه فوقه تماثيل وهني كنت قاعد بالكوفي شوب وعجبني منظر التماثيل فوق احد المباني فصورته
طبعن ذبحني للون الذهبي للتمثل وكأنه مصنوع من ذهب ماتتصورون شكثر شايني ويلمع ومنظره بطبيعه يأسر
هنا في متحف اللوفر بساحة كلها تماثيل على شرف القصر الاخ هذا عجبني وقفته ومدري احسه كان رسام او شاعر
طبعا همي منطقة الادفانس باريس الحديثه احنا ساكنين هني وحبينا نستكشف المكان وعجبتني النوافير مع تمثال
وهني نفس الشيء بالادفانس طبعن كل ماتمشون تشفون عمل فني راع يزينون فيه المكان واشكال هندسية وهذا ان دل يدل على حبهم للفن والابداع

وفي نهاية موضوعي تعمدت اختم بهصورة ووقت ماكنت التقط هذي الصورة كنت اردد هذي القصيده في قلبي
تشرب قَهَرْ :والقوت بَحْلَوْقَهَا ذِلّ
ورغم الفقر تلبس عباة الوقارا
ومع كُلْ طَلْعَةْ شَمْس،تِنْدَاسْ:تِنْذَلّ
والدين وصّى لاَ ضَرَرْ: لاَ ضِراراَ
بس الثمن خُزْي :وفضيحه:وعارا
ونَخَافْ ثوب الْطُهرْ في يوم يُبْتَلّ
الفقر كافر :والمصايب كبارا
تِتِلّنِا يُمْني الْفَقُرْ للخطا تَلّ
بالنفس كسر وبالعيون انكسارا
لو تصفع العابد يدين الفقر ضَلّ
وصارت له قبور الخطايا مزارا
ياشاعري سَوْلَفْت لك :جُزْء مِنْ كُلّ
عن فَقُرْ عَذْرا :كَمْ وَرَاهَا عَذَارا
ناَظِرْ عيوني مَابَهَا مَاطْر ٍ هَلّ
جفّت سَحَايِبْهَا بليل السهارا
وتبقى قضية فَقْرَنَا مَا لَهَا حَلّ
يَا شَاعِري مَا تْت قُلوب الغيارا
ورَاحَتْ وانَا اقْول الْفَقُرْ شَخْص مُنْحَلّ
أبغى أَدَارِيْهَا وهِيْ مَا تُدَارَا
أ
خاف اصَرّح ثُمْ عَلى راسي اتْهِلّ
سُحْب المصائب من يمين ويسارا
بَسْكِتْ وَبَبْلَعْهَا مِثِلْ كَاتِمْ الْغِلّ
وأقول ياربي تعين الفقارا
منقوله قريتها باحد المنتديات من زمان
" أدري يمكن بعضكم تاثر لكن نقول الحمدالله الذي عافانا مما بتلاها"
هذول مجموع من نساء من صربيا ماخذيني الشحاته عمل لهم
ولي دوم يزور باريس يشوفهم بشارع الشنزلزية من سنين وهم هناك وعلى هالحال
يسجدون بهطريقه لعدة ساعات من اجل 1 يورو واحد ولا اثنين
وللاسف أنهم نسو ان السجود لغير الله مذلة
وانهم يطلبون الرزق من المروزق والله الرزاق بسماء فوق
هذا الي حبيت اوصله .
أتمنى عجبكم موضوعي وصور واتمنى كل شخص لمه يعلق
يقولي عن الصورة الي اعجبته واوعدكم مو قريب لاني كسول
ههه باقرب فرصه انزل لكم باقي الصور
تقبلو تحياتي اخوكم fahad