1. بالنسبة للحجز فيه عروض بالجزيرة وناس وسما


2. جمعتها لعددكم الأكل والتسالي بما يقارب 7200 ريال سعودي

أنا لا أستطيع الترتيب لك لكن سأوافيك بما لدي من معلومات من خلال تجربتي

بالنسبة للحجز فيه عروض بالجزيرة وناس وسما

وشف الخطزط التركية أما الخطوط السعودية تراك ببتوهق بياخذون عليك نصف تكلفة الرحلة لتركيا حجز تذاكر ولا تتوهق بعد مع المكاتب السياحية
بالنسبة للسكن أنت تبي فئة 4 نجوم فما فوق فما عندي خبر أما فئة 3 نجوم فأنا سكنت باسطانبول ببايزيد بفندق اسبورت نظيف ومرتب ومكيف وآآآآآآآآآآآمن مكانه للعائلة والريسبشين تبعه اسمه أحمد يتكلم العربية فطورهم وسط نظيف ومرتب بس مو فخامة ونغنغة سعرة الليلة 300 ريال وكاسرة عاد يمكن يرتفع بالصيف لوجود السياح طبعا تروح السليمانية والفاتح وبايزيد وأنتي تمشي على رجليك مو بعيدة مرة واللي موب قادر يمشيي الحريم يتعبون عندك الترام من أول يوم خذ معك المفتاح تبعه وخل تنقلاتكم عند التعب والمشقة على الترام أرخص وأسرع حنا أنا وزوجي كان أكثر تنقلاتنا مشي على الأقدام إلا نادرا أصلا كل شيئ في اسطانبول يشدك تشوفه ما تبي تركب بس عاد النسوان ممكن يتعبن
وفيه 4 نجوم فندق
buyuk keban
وترى هذا الفندق مرة روعة راسلهم على بريد http://www.hotelbuyukkeban.com
بالنسبة للميزانية لو قطعت تذاكر مخفضة من الشركات اللي ذكرت بيصير الحساب للتذاكر 5000 ريال سعودي معدل متوسط يحتمل يزيد قليلا أو ينقص
خل لكل وحد ألف ريال بدون علمه للمقاضي وإذا نزل السوق قل له عندك ألف ريال تقض بمها ولا تزيد عشان ياخذ اللي هو يبي بدون ما يطمع لأكثر ويرضى بما جاه خاصة الحريم عيونهن في كل ما يعرض أنا أعرف نفسي وبنات جنسي
الأكل كل يوم كلوا صنف مختلف بحيث تنوعون ولا تخسرون وبصراحة بالنسبة للأكل أنا أشوف الأسعار متقاربة بس ترى يجون جوعانيين من المشي ويطلبون بس بالأخير ما يأكلون وإذا جبت لهم المنيو تبع المطعم بين لهم الغالي والمتوسط المقبول ترى الفاتورة بعدين تقص الظهر

جمعتها لعددكم الأكل والتسالي بما يقارب 7200 ريال سعودي

وسائل التنقل المترو والباص والمترو أفضل ولا تعتب على التاكسي إلا لضرورة لأن أسعارهم نار ولا تتعامل باليورو ولا بالدولار بل بالليرة التركية والدلار عند الضرورة قالتأشيرة 20 دولار لكل شخص من المطار
أماكن الزيارة الطيران على Turk Hava Yollari أو على Sun Express هذي مرة رخيصة الشخص 130 ليرة تقدر من أول يوم تجحز فيها على طرابزون ومن طرابزون باص لأوزنجول وفي طرابزون وأزونجول ما يسر الناظرين للعائلة وطبعا بعيدة عن المنكر الفاحش باسطانبول وغيرها من المدن الكبيرة كأنطاليا مثلا
على تخميني تكفيك الميزانية إذا كان صرفكم متوسط
أنا وزوجي كانت ميزانيتنا 13000 ريال سعودي منها التذاكر ورجعت ب800 ريال سعودي
وجهة نظري وأتمنى أني أفدتك والإخوة خبراء تركيا في خدمتنا دائماً بهم بعد الله سرنا وفقكم الله

http://www.hotelbuyukkeban.com/آسفة فندق buyukkeban فئة 3 نجوم بس تعطيع 4نجوم
هذا رابط موقعهم عالنت