1. هناك المناظر رهيبة


2. bird in action

LeeDs CaStLe
واحدة من اجمل قلاع انجلترا ،،، و على فكرة هي كأنها قصر و ليس قلعة ،،،
الموقع : كنت "جنوب شرق لندن"
Leeds Castle Maidstone Kent ME17 1PL
البعد عن لندن : 43 ميل
الطاووس يبي يشقح
مادري ليش تذكرت المدرسة
صارت سايبه
و هذي قلعتنا ،،، و لو تلاحظون فيه قبور
العادة يحوطون القبور ما يخلونهم جذي ،،،

هناك المناظر رهيبة

# بس على فكرة هذا اول موضوع لي ما اراعي فيه ترتيب الصور ،،،، انا العادة الصور اللي صورتها احطها اول شي ،،،، لكن هالمرة ما قدرت اسوي جذي للأسف ،،، و على فكرة اغلب الصور اللي راح احطها و خصوصا الصور اللي فيها انعكاسات بالماي فهي صور صورتها بنهاية يومي ،،،،
لان اول ما رحت الماي ماكان جذي و انا صورت وايد صور ،،، و بعدها بمدة عقب ما خلصت تصوير و كل شي الماء صار يعكس و جان اقوم و اعيد كل اللي صورته مرة ثانية !!!
و هناك طبعا فيه ورد و هذي جم صوره ،،،
و هذي النحلة ،،،، تمتص الرحيق >>> "شفيه حول فصحى"
و هذي احدى البوابات ،،،،
و هذي البوابة من الجهة الثانية ،،،
و من هالمكان ندخل على هالمكان
و هو عبارة عن مخزن الخمور ،،، اللي يعتقون الخمر فيه ،، على ما اظن
و ايضا هالقسم من القلعة يندخل ،،، و هذي صور من داخله
لو تلاحظون بس شلون الطوفة سميكة
و هذي مكتبة القلعة ،،،
و ترى هالقلعة من القلاع القليلة اللي تسمح بالتصوير داخل مبنى القلعة
و عقب ما خلصت من داخل القلعة "و كان صغير على فكرة" ،،، جان اطلع من المبنى
و عقب ما مشيت جان اوصل لجزء ثاني من الcastle grounds ،،،، في هالمكان فيه الgardens و الورود ،،،
عاد انا عدستي مو لهالنوع من التصوير علشان جذي الصور مو ضابطه عدل
و بعد ما مشيت وصلت لقسم الfalconry و الطيور ،،
الشي الحلو بالقلعة ان الطيور ماكانت فقط معروضة جذي ،، لأ !!
الله يسلمكم شوفوا هالصور
بهالصورة كان في احد الاطفال من الجمهور ،، الريّال طلب منه انه يمسك "الشي اللي صايده الصقر" و يركض فيه ،،،، و بالفعل اهو يركض و يجر معاه ،،، و قام الريال و هد الطير عليه
و عقبها يي دور البومة
الريال كان كل مرة يحط اكل بجهة و يخلي البومة تطير و تروح عند الناس علشان تاكل ،،،،
و الحين يي دورنا ،،،، شوفوا البومة شلون تخز
تشهد يا ولد
لاحظوا الناس شلون خافوا منها و وخروا
ابو عيون فتانة
مو حلوين ؟؟! لول

bird in action

هني طلب الريال من اليهال انهم يتطوعون و يصفون له طابور ،،،، طبعا اليهال بالبداية ماكانوا يعرفون اهو شيبي منهم و بعدها ما قال لهم فيه جم ياهل انحاشوا لكن في جم واحد عقب ما دروا جان يروحون ركض يصفون طابور مع اليهال ياليتني كنت اقدر اروح معاهم
جيكوا على اللي لابس برتقالي شصاير فيه :biggrin:
بعدها طلب منهم انهم يقعدون ،،،، و بعد هد عليهم البومة