السلام عليكم ورحمة الله وبركاته
الصور كثيرة اللي ماتطلع معه بعض الصور يضغط عليها بالزر الأيمن ويختار اظهار الصورة أو يحدث الصفحة ..
المكان : جزيرة لانكاوي في أقصى شمال ماليزيا .. على حدود تايلاند ..
الزمان : أول 5 أيام من سبتمبر 2007 ..
بعد الإستراحة ليلتين في قولدن هورسس في سيلانجور .. كانت الإنطلاقة إلى جزيرة لانكاوي عبر الخطوط الماليزية ..
مع العلم أنه يوجد لديهم شركتين للطيران الداخلي .. الماليزية .. و اير اسيا .. والأخيرة اقتصادية .. ويمتدحها من جربها .. ولو توفرت لي الفرصة مرة أخرى سأختار اير اسيا لرخصها مقارنة بالماليزية ..
كوالالمبور لانكاوي كوالالمبور .. على الخطوط الماليزية ب 600 ريال تقريبا للشخص الواحد ..
وعلى اير اسيا تتفاوت الاسعار حسب وقت الحجز .. يعني إذا حجزت مبكر تطلع رخيصة جدا تقريبا 200 ريال للشخص ..
الفروقات : الطيران الاقتصادي مافيه ترتيب للمسافرين .. يعني اللي يركب أول يختار المقعد اللي يعجبه .. ومافيه شرب وأكل إلا بفلوس كأي طيران اقتصادي آخر ..
الماليزية لكل راكب مقعد محدد .. ويعطونه عصير وفول سوداني :biggrin:
يعني رحت على الماليزية بفارق 400 ريال للشخص والميزة فول سوداني وعصير .. :/
وصلنا مطار لانكاوي .. مطار مرتب وجميل ومتواضع .. وللأسف ماصورت المطار ..
رحت لكاونتر التاكسي وأخذت سيارة إلى فندق برجايا لانكاوي .. ب 20 رنقت ..
الفندق كله عبارة عن أكواخ متفرقة ومرتبة بشكل متناسق على الجبل حتى اللوبي كوخ بالنص لحاله .. والفندق يصنف 4 نجوم ..
أخذت غرفة مطلة على البحر بقرابة 470 رنقت لليلة .. وهذي صورة الكوخ .. كبير مقسم إلى 4 غرف .. الغرفة اللي اخذتها بالدور الثاني ..
وهذي صور من شاطيء الفندق..
الجو ممطر وهذي صور للسيل ..
وفاتحين له مسار الى البحر ..
هنا الغرف اللي على البحر مباشرة
مسبح الفندق ..
عندي مجموعة أرقام لسواقين مسلمين ويتحدثون العربية .. اتفقت مع أحدهم يجيني بالفندق من الغد الساعة 9 الصباح ..
أول 3 ساعات ب 70 رنقت .. وكل ساعة اضافية ب 20 رنقت .. وهذا نظام كل السواقين الرسميين في لانكاوي ..
بعد الفجر .. الدنيا تمطر.. نزلنا للفطور .. بوفيه مفتوح مجاني مع الغرفة .. كان منوع أغلبه أكل آسيوي .. وفيه كرسون وجبن وبيض .. وبشكل عام مستواه جيد ..
وهذي اطلالة الطاولة اللي أفطرنا عليها ..
طلعنا مع سواقنا الملاوي محمود .. الساعة 9 تماما .. وفيه ميزة عند السواقين هناك .. على الموعد مايتأخر دقيقة .. وإذا حصل له ظرف قبل الموعد يدق عليك علشان يعلمك أنه بيتأخر 10 دقايق ! ..
لكن للاسف كثير من السواقين يشتكي من السعوديين والخليجيين خصوصا من ناحية المواعيد ..
طلبت من السواق ينسق لنا رحلة بحرية .. واتصل وحجز لنا قارب .. وموعدنا صار بعد ساعة ..
بالطريق مرينا على أشجار يستخرج منها المطاط ..
وهذا السواق يبي ( يقطف ) مطاط ..
وهذا المطاط بعد قطفه
مرينا أحد شلالات لانكاوي .. وحسب كلام السواق يعتبر من أفضل شلالات لانكاوي ويكفي عن زيارة بقية الشلالات .. وفعلا الشلال كبير ورايق .. وهذي صور له ..
هنا ملفين فيديو للشلال ..
http://www.thahoo.com/waleed/langkawi/shalal2.rm
وللتقرير بقية ..
الجزء الثاني : الرحلة البحرية – حديقة الفواكه ..