وعليكم السلام ورحمة الله وبركاته ..
هلا ااختي ريم الدوحه ونحن بخير عساك بخير يارب ..
لا اختي أغلب الأياام الأجواء باردة وممطرة وغيوم :rain:
وخذوا حذركم من مظلات وملابس ثقيلة ..
هذا الرابط راح يظهر لك الأجواء المتوقعة خلال شهر ابريل
http://uk.weather.com/weather/monthly-London-UKXX0085
وسفرة سعيدة إن شاء الله ..
تحياتي لك ..

مشكورة أختي
جزاج الله الجنه يارب
ألحين الأهل يبون فندق في الإدجور أو في الاكسفورد ..
حق 3 أشخاص ..
تنصحيني بأي فندق .. ؟
وإذا ماعليج أمر أبي رابط الفندق عشان أحجز .. يقولون أرخص إذا حجزت من النت ..
ي ع طيج العافيه

ريم الدوحه
وعليكم السلام ورحمة الله وبركاته ..
هلا وغلا بنت ديرتي ..
سامحيني على دخولي بالعرض ..
بالنسبه للجو مثل ماقالت خبيرتنا ميسون الجو برد ومطر وللأمانه أفضل جو حق لندن هو شهر 4 وشهر 11
ان شاءالله راح تنبسطون في الجو الممطر البارد ..
بالنسبه للفنادق ومن واقع تجارب معاهم ..دائماً السايت حق الفندق أيكون أغلى من مواقع النت ..
وأمس كنت أسوي مقارنه بين موقع بوكينق وموقع أكسبيدا ولقيت أن موقع أكس بيدا أرخص ب 100 دولار من بوكينق ..
وهذا موقع أكسبيدا
http://www.expedia.com/Default.asp
والموقع ثقه ..حتى موقع البوكينق ثقه ..ولكن أنصحج تاخذين فكره عن الأسعار عن طريق مواقع النت وبعدها أتروحين السفريات وتاخذين الحجز من هناك أفضل ..
والشور متروك لج طال عمرج ..
وأي خدمه احنا في الخدمه ..

موفقة الغالية
وان شاء الله اي نصيحة ابشري األي ومايردك الا الكيبورد

هلا بالغاليه والله بتنور لندن بوجودك ..
مثل ماقالو الاخوه ان الجو بارد ممطر ولازم كل الاحتياطات معك حتى وان بدا لك ان الجو مشمس دافي لازم تحطون الشمسيات والجاكيتات معكم ..
وبالنسبه للفنادق فعلا موقع اكسبيديا ممتاز جدا وانا اتعامل معه واسعاره ارخص من المواقع الاخرى
عندك فندق ثيستل وراديسون ادوارديون اشوفهم في شارع اكسفوورد الصراحه موقعه روعه ولكن ماعندي خلفيه عنهم من الداخل ..
عندك فندق الماريوت (بارك لين) في زاويه شارع اكسفوورد رائع الصراحه انا جربته مره ولكن يمكن يكون غالي على ميزانيتكم واذا ميزانيتكم عاليه خذووه نصيحتي..
واي مساعده اهل لندن في الخدمه حبيبتي

طيب ياحلوين في احد يعرف منكم
شقق مفروشه
تتراوح اسعارها من 600 الى 800 بالاسبوع بالاجو رود ا بالهايدبارك
مشكوره لكم

مشكور يالقطري ع الموقع ..
أنا سجلت فيه وعبيت البيانات .. اسم المنطقه وعدد الغرف وعدد الكبار والجك إن والجك أوت
ألحين طلعت لي الفنادق .. كل ما أختار فندق .. عشان أشوف الأسعار يقول لي No availability
كلمت الوالده , قالت لي خلاص .. جوفي لنا ع الأقل حق أول يومين وباقي الأيام يمكن نسكن في نفس الشقة إلي رحناها في صيف 2006 في الإدجور رود
وجيكت مره ثانيه حق يومين .. No availability
أنا شاكة الصراحه إن في شي غلط ..
عموماً ي ع طيك العافيه

بقول لكم شي (ك) ترى أنا موب رايحه معاهم
هالسفره حق أخوي .. و والوالده بروحهم .. ويمكن الوالد يروح معاهم ..
لأن أخوي مايقدر يسافر معانا في الصيف

qatar2007
هلا حبيبتي ..
والله الوالده خاطرها في ال Hilton Paddington
بس طلع لي No availability
والله جربت وايد فنادق كلهم No availability