KikA.Q8
26-02-2022 - 05:01 pm
السلام عليكم
بصراحه انا استفدت من وايد تقارير ومواضيع وتشوقت وبخاطري سويسرا
والكل هني ما يقصر وكلكم فيكم الخير والبركه
بس انا عندي حاله استثنائيه
ابي اقتراحكم حق جدول بس اسكن في منطقة وحده استقر فيها ومنها اتنقل لكل مكان
لان معاي والدي والدتي وانا واختي واهلي ما يقدرون عالتنقل وكل يوم شيل جناط وحط اغراض
صارلنا سنتين نروح كابرون اسبوعين ومنها رحلات وتمشي وجو حلو وبعدها اسبوع ميونخ
مع العلم معانا سياره وعادي طريج ساعتين او 3 ساعات
تقريبا السفره 3 اسابيع او اكثر راحه واستجمام وناوينها بعد عيدالفطر يعني بداية شهر 9 بأذن الله اذا الله كتبلنا عمر
اشرايكم وين المكان المناسب لنا؟؟؟
ولو بقول الاماكن الي بخاطري ما اخلص
انا مفكره تكون السفره بين سويسرا وفرنسا
بس عادي اذا عندكم اي اقتراح مناسب حتى لو دول ثانيه اهم شي تكون بس غير النمسا لانه خلاص نبي شي جديد
لان المسافات في سويسرا بين المدن بعيده وصعب تمشون كل يوم 250 كلم ذهاب ومثلها عوده
عكس المسافات في النمسا قريبه جدا بين المدن
ولازم تنتبهون اختي اذا كنتوا منقبات ابعدوا عن الريف الفرنسي القرب من جنيف