AUKQ8
26-10-2022 - 04:28 am
السلام عليكم ورحمت الله وبركاته
اخوي جاسم م
انا سجلت بهالمنتدى عشانك انت ابصراحه
اخوي انا رايح اكمل دراستي ابروسيا ان شاءالله
وكل ما اقول حق احد يقولي اهناك كله تجار اسلحه ومافيا وبوق وحراميه ونصب وخصوصا وانا رايح بروحي وما اعرف احد ثانيا لازم اخذ اللفلوس معاي كااش على حسب اللي سمعته ان المنطقه اللي رايحلها "بيلجرود" ما يشتغل فيها الماستر ولا الفيزا كارد ولا حتى الكي نت فماني عارف اتصرف الصراحه
وابي اعرف لما اسافر ان شاءالله اخذ معاي بالدولر ولا بالروبل ؟؟؟
وابي اعرف شي اخير جم تتوقع سعر الشقق هناك بالشهر ؟ وشنو تنصحني كأمان واحسن وكل شي ااجر بالسكن الجامعي ولا ابشقه ؟؟ انا بقعد 20 يوم
من 20-5 لي 10-6
والسكن الجامعي سعر الغرفه باليوم الواحد 30 دولار
ما ابي افتي لاني ما اعرف شي عن المدينه !! ولكني اتوقع رخيصه
ونصيحتي السكن بسكن الطلبه في البدايه على الاقل اول اسبوع وشوف نفسك راح يعجبك ولا لا , لان في السكن سيكون الحمام مشترك والمطبخ مشترك وهذا لا يعجب البعض لعدم تأقلمهم والبعض بالعكس يستانس بالتجربه الجديده !
مثل ما قلتلك افضل اسكن بسكن الطلبه ولو لاسبوع او كم يوم , وشوف وضعك , اذا ما جازلك بإمكانك الخروج لشقه بعد السؤال عنها (إسأل عن الشقه من شخص روسي سواء الطلبه الروس هناك او المدرسين او مسؤول سكن الطلبه) (ونصيحه اخرى : لا تطلب المساعده من الطلبه العرب هناك لانهم للأسف بلا ضمير).
والله يوفقك يالحبيب , ونصيحتي لو في مجال تدور على مدينه اخرى افضل من التي ذكرتها لانها غير معروفه وعلى الحدود مع اوكرانيا فمستواها المعيشي حسب ما اتوقع انه منخفض !!
والله اعلم
تحياتي