نشر في تايلاند

I need help

دنوونه

24-10-2022 - 10:07 pm

السلام عليكم ورحمة الله وبركاته. وبعد
شخباركم عساكم طيبين
بإذن الله ناويين نروح العزيزة تايلند
بس محتارين رحنا من قبل فوكيت و شانغماي و كرابي وقلنا نبي نغير هالمره
وين تقترحون أنا وزوجي وولدي الله يحفظه3 سنوات
انتظر اقتراحاتكم مدة السفرة 10 ايام اخر 5ايام بانكوك للتسوق

التعليقات (9)

Al Osaimi

25-10-2022 - 01:40 am

هوا هين hua hin
رايونغ rayong
كانشابوري kanchanaburi
3 مناطق ليست بعيده عن بانكوك
أو هات ياي hat yai في الجنوب ..ستشعرون بأنكم بماليزيا أو اندونيسيا وهي مدينه كبيره بها كل شي مثل بانكوك
وتابعي تقارير الاخوان عن هذه المناطق
وأي سؤال ستجدين من الاخوان مايسرك
وحتي تكرار المناطق نفسها التي زرتموها لايضر
فقط غيرو الفنادق ... فتايلند لاتمل ودائما تتجدد

ولد_البحرين

25-10-2022 - 02:41 am

ازيد على الاخ العصيمي ،،
عندكم : كوه ساموي
جزيرة حلوة وثاني اكبر الجزر بعد بوكيت ،،

دنوونه

25-10-2022 - 03:42 am

مشكورين إخواني العصيمي ولد البحرين بشوف التقاارير ان شاء الله فعلا التكرار لا يضر اذا ماقتعنت بالمناطق بكرر

دنوونه

25-10-2022 - 04:43 am

بس بتايا كلش ما تنصحوني؟؟؟؟

ولد_البحرين

25-10-2022 - 05:45 am

بتايا حلوة وفيها رحلات وبرامج ،،
لكن تشتهر انها شبابية و ببنات الليل خاصة بعد مغيب الشمس وما تصلح للعوائل ،،
تقدرون تروحون لها بس في حالة ان سبق وزرتوها حتى تكون عندكم خلفية اكبر عنها وتجنب بعض الشوارع وغيرها مساء ،،
بتايا انا اشوفها مميزة وحلوة وغير هذا اقتصادية وبما انا رحتها فاقدر اضبط امور العائلة اذا خذتهم معاي ،،

**شعاع الأمل**

25-10-2022 - 06:46 am

عزيزتي دنونة بما أنك رحتى كرابي فقوليلي هل تنصحيني بالذهاب أليها وشو فيها نشاطات مافي أحد من أعضاء المنتدى شفى قلبي بالجواب .
. ما حدا رد علي..وتستاهل هادي المنطقة كم يوم.. وكيف رحتى عليها..لأنه بفكر نروحها من بوكيت بالبحر ومن كرابي لبانكوك..
مع العلم سفرنا بعد أسبوعين وإلى الآن ما قررنا..

**شعاع الأمل**

25-10-2022 - 07:47 am

صح بس الأخ ولد البحرين ما قصر والله الله يجزاه خير.. ساعدني على قد ما يقدر لأنه هوه ما راحها..

دنوونه

25-10-2022 - 08:48 am

هلا اخوي ولد البحرين أنا بصراحه خاطري اروح بتايا لان فيها رحلات وبرامج اكثر من
كوسوموي بس انت انصحني وين الخطوط الحمراء عاد أكيد مانبي نرجع الفندق الساعه8
بس ابي أتأكد تصلح حق يهال لأني ابي أونس ولدي اكثر شي وورشح ماعليك امر اماكن
سياحيه عشان نقرر ونتوكل على الله
اخوي شعاع دقائق وبجاوبك

دنوونه

25-10-2022 - 09:49 am

هلا اخوي بصراحه أنا أعجبتني كرابي طبيعتها وايد حلوه بس لا تطول فيها 3او 4 ايام كافيه
بقولك الرحلات اللي عندهم البحيرة الكرستالية الينابيع الحاره اذا ماويا كم أطفال التجديف مغامره حلوه ورحلة الفيله في الغابات
والشلالات ورحلة الدبابات
وتقدر تروح جمس بوند وبي بي ايلند من كرابي تكون أرخص من فوكت
واذا عندك اي سؤال أنا حاضرة

تايلاند المسافرون العرب

I need help