اقصر طريقه بالقطار ..
وتقريبا في 5الى 6محطات في المدينه ..
وهذه سايت المحطه في المدينه
http://www.nationalrail.co.uk/

qatri
شكرا اخوي
بس انا بطلع من UK (Farnborough (Main) Train Station) للندن وين ؟؟؟
انا اريد هذي المناطق
1- London Eye
2- Harrods
3-Primark shop في شارع اكسفورد
4- حديقه الهايد بارك
كيف اوصل لها من Farnborough (Main) ؟؟
يعني :-
1- عشان توصلين ل london eye خذي محطه Farnborough (Main المتجه إلى محطه ..... ومده الرحله تقريبا .....دقيقه ....والوقت ( انا اريد بعد الساعه 5 المساء )........والرجعه اوصل Farnborough قبل 9 بشوي او 9
وشكرا جزيلا .....لو قدرت تساعدني بتكون عن جد ساعدتني
شوكرا مقدما

أختي بالقطار اسهل وارخص ولكن لابد انج اتعرفين المحطات وتبديل القطار وعقبها استخدام الاندر اقراوند بداخل لندن لذهاب الى الاماكن التي تريدينها ..
اما لو نفترض انج بتستخدمين محطة UK (Farnborough (Main) Train Station فايكون نزولج الى محطة National Rail اعتقد الخط دايركت فانتي اخذي الخريطه وشوفي هل هي دايركت او لا ..واسم المحطة (National Rail)وهي بساحة لندن اي بظبط وعقبها ..من محطةWaterloo الى محطةBond Streetو تروحين للاماكن اللي كتبتي عنها وهي كالاتي-:
Harrods -Primark shop -الهايد بارك كلها في مكان واحد قريبه جدا من بعض .. محل Primark تقريبا في بداية اكسفورد مقابل نيكست في ماربل ارش ..
ومابينه وبين الهايد بارك الا خمس دقايق مشي ..
Harrods طريقه للوصول لها من محطة Bond Street وعقبها تبدلين القطار الى لون الازرقفي محة Green Park وبعدها الوصول الى الهدف اللي هي محطةKnightsbridge وتنزلين منها الى هارودز ..
وفي رجعه ترجعين لمحطة National Rail وعقبها ذهاب الىFarnborough Main
وياليت تتأكدين بنفسج بالخرائط القطارات والاندر اقراوند .. حتى تتضح عندج صوره وخط سير الرحله ويمكن قلت شي غلط ..
اما الوقت اشوفه صعب شوي اربع ساعات .. لندن اي بروحها ساعتين واذا ماكانت زحمه بعد ..
فانصيحه خلي لندن اي اخر الرحله .. يعني انتي اول شي بتنزلين في لندن اي وشوفي الوضع اهناك اذا حسيتي ماعندج وقت روحي الاماكن اللي انتي تبينها وفي الرجعه انتي اصلا بترجعين لندن اي عشان القطار الخارجي واحسبيها هل ينفع تركبين لعبه او لا ..
واذا احد من الاخوة يقدم اقتراح او عنده طريقه اسهل يتفضل ..
وتحياتي لج ورحله موفقه ان شاء الله ..

البرستيج كله
هلالا اخوي مشكور كفيت ووفيت بس انا عندي 3 ايام , وكل يوم 4 ساعات ,,,
شيكت عل لندن آي تغلق عل الساعه 9 المغرب
بس هالمحلالات متى تسكر ؟؟؟

هارودز يسكر على ساعه 8 ..مو متأكد بظبط ..
اما بريمارك اتوقع الين ساعه 9 أو 10
الهايدبارك على مغيب الشمس ..

ملاحظه فقط ..
بريمارك حزات يسكر على ساعه 8 ويخلون زباين اللي فيه داخل ويمنعون اللي بيدخل .. لان اللي داخله يبون ساعتين الين مايخلصون .. وهو عليه اقبال غير طبيعي وسبب اسعاره الخياليه ..

اخوي
شيكت عل القطارات ,, تقريبا تاخذ نفس الوقت للتاكسي .. ماشي فرق وايد في الوقت .... تقريبا من ساعه لساعه وربع
لذلك اعتقد اني بستعمل التاكسي اضمن واريح ..بدل سالفه تبديل القطارات..بس......اعتقد السعر بيكون الدبل عادي مب مشكله ..... بس في النهايه الوقت بيكون نفسه .....
شو رايك ؟؟!!!

الوقت ماعتقد بيكون نفس شي ..
هو اذا طريق فاضي بتخذينه بساعه بسياره والمسافه قلت لها لج فوق .. بس لاتنسين الزحمه فاحطيه في بالج ..
وطبعا سياره افضل بواجد .. وخاصه اذا كنتي ماتعرفين للاندر جراوند والقطارات الخارجيه..
بس سؤال كم شخص انتم ؟

البرستيج كله
نحن شخصين فقط ... وبصراحه سالفه الاندر قراوند صعبه شوي علينا......
ما فهمت عليك لما تقول السياره افضل بوايد ,,, وبعدين تقول زحمه .........
شوف بخبرك انا كيف نظمتها .....وانت خبرني رايك وعطيني كومينتس من خبرتك الشخصيه :-
بما ان معاي 3 ايام وكل يوم من الساعه 5 لحد الساعه 9
اليوم الاول --- نطلع من farnborough عل حدود الساعه 5 لصوب لندن
بحجز تذاكر عن طريق النت لFast Track وبنركبها من الساعه 7 لحد 7 ونص.....ونتمشى ....وبعدين نرجع farnborough
وبحسب المسافه ....في السيره وفي الرده
اليوم الثاني ------ نطلع من farnborough عل حدود الساعه 5 لصوب لندن
نروح اسواق ال primark تغلق الساعه 8 ومن ثم حديقه ال hyde Park ونرجع ل farnborough
اليوم الثالث----- نطلع من farnborough عل حدود الساعه 5 لصوب لندن
حجز تذاكر ال river Cruise عن طريق النت , والساعه 6و45 يتحرك الكروز يعني نلحق..وتستغرق الرحله مده 40 دقيقه .. يعني نخلص الساعه 7 ونص ...وبعدين نرجعfarnborough
شورايك .. احتاج تعليقك ....وشكرا لك جزيلالا