أخي العزيز أحب أن أفيدك عن الفندق من حيث العيوب وهذا من وأقع مجرب في العام الماضي
الغرف تعتبر ضيقة جدًا ثانيان يعتبر الفندق بعيد قليلاً عن شانز وثالثًا وهي المصيبة ألتي حدثت لنا وهيا سرقتنا في الفندق من قبل العمالة ألتي تعمل في الفندق وبفضل الله ثم بفضل السفارة السعودية ألتي تعاملت مع الموضوع بجد تم أرجاع المسروق من بنقود مالية بقيمة المسروقة وكانت تقدر 1000يورو وهذا هو الحدث لنا في العام الماضي وأتمنى من الله أن لايحدث أي مكروة ألاخوان المسافرين

يا ساتر!!.. الحمدلله الي عدت على خير و ردوها السفارة.
طيب أخوي ما نلقى عندك البديل؟ الرحلة شهر عسل و الجلسة بحدود 5 إلى 7 أيام. المكان ما يهم مره ما دام الفترة طويلة انشالله عندنا فرصة نشوف كل شي. بس ودي بفندق فخم شوي.. و الغرفة ما تكون ضيقة مرة.. و ياليت فيه بلكونة.
أفضل ما شفت إلى الآن غير هالفندق هو فندق InterContinental Le Grand.. لكنه غالي شوي.. بحدود 1500 ريال في الليلة.
و جزاك الله خير أخوي على الرد...

الصراحه يا naser1400
شي غريب
انا سكنته العام الماضي وكان افضل فندق سكنته
والسنه هذي ايضاً حاجز فيه
على كل حال يمكن انت طحت في شخص حرامي وسرق غرفتك مع اني اعتقد بما انك قلت انه المسروقات تقدر ب 1000يورو فا اعتقد انه خاتم او ساعه ولا اعتقد انه بيسرق اشياء كثيره وبنكشف
وبهالحاله الأشياء الثمينه المفروض ما تحطها في الغرفه
وهذا لا يعفيهم من المسئولية
المهم العام كنت انا وزوجتي وابنتي ولم اشتكي ابد من اي سرقه
مع العلم اني اضع مجوهرات زوجتي وساعتي اذا لم تستعمل في الخزنه الخاصه بالغرفه
وكانت معي كاميرا فديو وكاميرا ديجتل وكنت كثي ما اتركها في الغرفه ولم تسرق
وايضاً زوجتي تشتري من الأسواق كل مايخطر على بالك
وكانت تتركها في اكياسها في الغرفه ولم نفقد اي شي
وايضاً العملات المعدنيه لم اكن احملها ابد وكنت اتركها في الغرفه ولم افقد منها شي
الصراحه الفندق من اجمل الفنادق في العالم
واغلب سكانه من الخليج واسيا
وفيه مجمع تجاري كبير جداً
انا كاتب موضوع عن رحلتي لباريس تقتد تدخل عليه هنا
https://artravelers.com/p/re/78932

Arsene Lupinالسلام عليكم ورحمة الله وبركاتة
أعتذر أخي الكريم عن الرد السريع مبدئيا والذي إظطرني إلية وقتي أولا ورسالتك ثانيا التي أجبرتني على الكتابة ولو لدقائق بالنسبة لكنكورد لافيت فندق رائع من حيث المناظر التي يمكنك مشاهدتها مثل برج إيفل وقوس النصر.....
ولاكن هناك عدد من الأمور يجب عليك مراعاتها :
1/الغرف صغيرة
2/الغرف بالطوابق العلوية أغلى بكثير :112: وهذا السبب في السعر الذي حصلت علية يعني من الدور30وطالع
3/البعد عن الشانز ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لان روحتك لوسط الشانز راح تكلفك خمسة يورو وعليك الحساب
أنصحك بفندق كاليفورنيا لأني سكنت في السابق بكنكوورد وهذا حاجز فية هذا الصيف ومريتة سابقا بوجود أحد الاصدقاء
أما المكاتب أحب أقولك مريت العطلات وإيلاف والطيار والصرح وأفضل الأسعار لقيتها بالصرح
إذا ودك أعطيك البكج ماعندي مانع وأي سؤال أنابالخدمة

الشاتو على كثر ماسمعت عنه حسيته افضل فنادق باريس

اخووي الفندق حليو .. بس مو زياادة بس فيية عيب واحد انة بعيد عن
الشانز .. وهو يقع عند دوار البرتو مايوو
ولكن مثل ماقالو لك الاخووان كوويس نوعا ما بس انة بعيد عن الشانز
يعني لازم تكسي او قطار ماينفع تروحلة برجليك لانة بعيد .. انا سكنت فية خمس ايام وطلعت
اما انا انصحك في عندك كلفورنيا ( عن تجربة )) .. ممتاز جدا . دقيقتين الا وانت فالشانز
والشاتو كمان ثلاث دقايق الا وانت فالشانز ... وسمعت عن روسشتير بس ماعرفة
يقوولوون ممتااز ومووقعة قريب بس مو متاكد ...
ملاحظة ... يوجد مقابل الكنكورد لافييت .. فندق الماريوت وخلف الماريوت مطعم اسمة المرجاان
لاتفوتة بصراحة روعة االاكل عندهم ..............

جزاكم الله خير اخواني والله استفدت كثير..
طيب ياليت تعطوني اسماء الفنادق الي تنصحون فيها بالانجليزي.. لأن بعضها يكون الاسم غريب و صعب اجيب السبيلينق.
فيه فندق ثاني جاي على بالي: Hotel du Louvre فيه أحد قد جربه؟
السعر غالي شوي حدود 1000 ريال في الليله.. بس ميزته على الشانز على طول! و أيضا الغرف شكها حلوه و أوسع شوي من كونكورد. و ميزه حلوه زود هي الانترنت مجاني.. مفيده لأن معي لابتوب.. أستفيد من النت اعرف وين اروح وين اجي.
و لاحظوا اخواني تراه شهر عسل و 6 ليالي انشالله.. يعني ابي شي حلو يفتح النفس.. لكن طبعا حدي 1000 ريال في الليله.