السلام عليكم ورحمة الله وبركاته
هلا وغلا أختي ..
الله أيحفظكم وايوفقكم في رحلتكم ..
بالنسبه للحجاب واللثمه فلا أتشيلين هم ..بداية هالشهر كنا في روما وميلانو والأهل بالعباه والنقاب بكل عز وفخر ..
أما مسألة المضايقات محد ضايقنا أبدا ..مجرد نظرات أستغراب من اللبس فقط لاغير ..فلاأتحاتين موضوع العباه واللثمه ..
أما مسألة وين اتروحون فأول ماتوصلون الفندق قولوا لهم عطونا الخارطه السياحيه حقة روما لأنها مطبوعه وجاهزه عند كل الفنادق ..
أما بالنسبه للسوق :8888: ..فعندج أهم الشوارع وكلها قريبه من بعض وهي كالتالي :
1- Via Borgognona
2- Via Frattina
3- Via dei Condotti
وهذي الشوارع كلها عند Spanish Steps أو المدرج الأسباني الي غنا عليه كاظم الساهر ..
وفيه مجمع أوت لت ( بضايع مخفضه ) يبعد عن روما 20 كيلو بس يعني حوالي 25 دقيقه بالسياره أسمه كاستلو رومانو ..مجمع حلو وفيه أشياء حلوه ..
وأي خدمه أحنا في الخدمه ..

الله يعطيك العافية أخوي القطري ريحتني الله يريحك مشكلتي أسمع من الناس وأصدق ههه
سمعت مره وحده تقول كانت بايطاليا الصيف اللي فات تقول تهجم علي واحد يبي يضربني يالله فكوني منه وجت سليمه الحمدلله !!!!

روما مدينه رائعه وغير مملئه وحيويه
بالنسبة للاماكن السياحية
1- الستي سنتر بشكل عام تجدين خريطه عند الفندق او مكتب الانفرومتشون وفيها كل المعلومات عن الستي سنتر
(سبنش استب- نافورة تريفي- ساحة نافورنا وناشونال و اكلوسيوم والبانثون )
2- حدايق تيفولي تبعد حدود 50 كيلو (تستحق الزيارة )
3- فلورنس تبعد البقطار ساعتين وثلث
4-بحيرة اسمها ربيي
ان كان زوجك عنده اجازه بالويك اند ممكن تاخذولكم ليتلين في هذه المناطق
1- بأمكانكم زيارة جزيرة كابري
2- فينيسيا 4 ساعات ونصف بالقطار
اي استفسار ثاني انا حاضر
تحياتي.........................

انا توني جايه من روما
وبخصوص الحجاب والعباه لاتحاتين
هم شعب طيب
وانا انصحج تروحين مع زوجج
وترى من 8-11 وقت بسيط اقضيه انتي فالنوم واذا رجع طلعو خ
انا احب اذا رجعت اشتري من عندهم معكرونه ملونة على اشكال غريبه لولدي الصغير يستانس عليها
وانصحج تروحين الاوت لت اللي قالو عنه الاخوان ( كاستيلو رومانو )
وشارع فيا كوندوتي طبعا حلو
وترى دواعيسهم كلها محلات امشي وتفرجي
فيه اماكن وساحات حلوة للزيارة اذا عندكم وقت و في اماكن تستحق الزيارة
وممكن تروحون مدن خارج روما قريبة من باب انكم تشوفون اماكن غير روم

عزيزتي بخصوص الحجاب تقريبآ انا الوحيدة بفلورانس كلها ألبس حجاب الرأس
ومع ذلك يعجبهم حجابي و كل ماسير مطعم أو محل
أول كلمة أسمعها
بيلا بيلا واللي يعرفوني مالتي بيلا
طبعآ أقدم لهم تحياتي بكل إحترام مع إبتسامة خفيفة فهي مفتاح القلوب .....
بغض النظر عن طريقة إستقبال البعض لي ( مايهمني )
المهم أن اترك لديهم بصماتي ..... التواضع والتسامح والعفة وإحترام الأديان السماوية
و بصدق كسبت إحترام وتقدير الجميع ....
والبعض يسألني ؟؟ أحيانا نصادف فتيات خليجيات بدون حجاب
شو السبب ؟؟؟
عزيزتي كوني سفيرة للأسلام الحقيقي وليس المزيف
كوني فراشة تطير في كل مكان وهي فخورة بلونها المميز
مع خالص تحياتي .....