بسم الله الرحمن الرحيم
كانت الفكرة تغير جو وكسر لروتين الحياة
وحبيت أجرب شي جديد
بدأت الفكرة بشاليه على الهاف مون
بس أجلتها نظراً لأن الجو بارد هاليومين
وانتهت بي المطاف في الخبر
طبعاً مريت أكثر من شقق مفروشة وفنادق
بس الغالبية ماارتحت يوم شفت الغرف
ياتكون ضيقة أو مستهلكة تحس الإثاث رايح فيها من كثر الإستخدام
من أفضل الشقق اللي مريتها كانت ميلان وشرفة الخليج
ميلان ممتازة بس ضيقة غرفة مع صالة ب 450 ريال
شرفة الخليج ب 550 ريال نفس الفكرة غرفة مع صالة
بس استخسرت فيها هالمبلغ وقلت لو أزود شوي بحصل فندق محترم
وهذا اللي حصل معاي
وأنتهى البحث بفندق جولدن توليب الخبر
على كورنيش الخبر من الجهة الخلفية مقابل الشرطة على نفس الشارع بس بالأخير
يبعد الفندق 500 متر عن الكورنيش
الفندق مكون من 7 طوابق
بس ميزته جديد ونظيف جداً جداً ( أفتتح 2006 على حسب موقعهم )
أربع نجوم ويتكون من 85 غرفة
بالنسبة للأسعار ماسألت عن كل الغرف
دورت على شي صغير لأننا شخصين ( أنا والمدام وينها )
عندهم غرفة واحدة بس مشكلتها مو مطلة على البحر
وكان سعرها ب 575 ريال بس بعد المفاوضات تقدر تاخذها ب 400 ريال
أما بالنسبة للغرفة اللي أخذتها كانت غرفة و صالة مفصولة بباب
وكان سعرها 690 ريال سعودي وبعد المفاوضات ب 575 ريال
مطلة على كورنيش الخبر
وهذي صورة للكورنيش من الصالة

وهذي صورة بعد للكورنيش من غرفة النوم

وبالعكس هذي صور للفندق من الكورنيش

أول ماتدخل الغرفة تدخل على الصالة
صور الصالة

شاشة بلازما 32 بوصة في الصالة

وبين الصالة والغرفة
حمام جهة اليمين
وهذي صور الحمام ( أكرمكم الله )

وعلى اليسار خزانة الملابس مع خزنة لحفظ الإشياء الثمينة
هذي صورة الخزانة

وهذي الخزنة

بعدها يجيك باب يفصل غرفة النوم
وهذي صورة لغرفة النوم من الصالة

وبالعكس صورت لكم الصالة من غرفة النوم

غرفة النوم جداً مريحة السرير ناعم وماتقدر تقاومه
مستعد أجيها كل يوم عشان السرير
هذي صور لغرفة النوم

بصفة عامة
واسعة الغرف وتفتح النفس
الجريدة يومياً تعلق على الباب (الإقتصادية )
أول يوم جابوا لنا سلة فواكه حلوة
الخدمة أكثر من رائعة
تجربة قابلة للتجديد ومارح يندم عليها أي شخص أبداً
وبالختام أعتذر عن رداءة الصور لأن الكاميرا كاميرة جوال
ولايفوتكم عندهم شاي مغربي على كيفكم

أتمنى يعجبكم التقرير ونلقاكم
بفندق جديد بإذن الله
وأنا مازلت بالفندق واللي عنده سؤال يتفضل
سي يو