citigroup
08-11-2022 - 07:55 am
صباحكم ورد وياسمين
اليوم رجعت من دبي دار الحي بصراحه للمره الثانية اسكن في هالفندق اكثر من رائع محترم نظيف ماعندهم خرابيط
فندق قلوريا في شارع الشيخ زايد في الميديا سيتي من حسنات الفندق :
عندهم في نفس الفندق ميني ماركت ولو تبي فيه محطه وسوبر ماركت بالشارع اللي قبالهم
الفندق جنبه محطة مترو يعني تنزل من غرفتك للمحطه
الغرف حقته خياليه كبيره واسعه طبعا انا للمره الثانيه اخذت ستديو صاله وغرفه ومطبخ ودورة مياه اعزكم الله
قريب من JBR وقريب من المرينا ووك
الرسبشن اربع وعشرين ساعه والصيانه كذلك
تنظيف الغرف وتغيير الاغراض يومي ( عكس اللي قالوه بعض الاعضاء انهم بخيلين في تغيير المناشف والصوابين )
قريب من ابن بطوطه وامارات مول
يمكن هذا اللي قدرت احصره
من عيوبهم :
عيب واحد واعتقد الفندق لازم يحلون هالمشكله مسبح الكبار والصغار مع بعض وهذا هو العيب الوحيد من وجهة نظري
لاني نزلت المسبح ( اتذكر ان المويه حقت المسبح لونه ازرق ) فجاه شفت الوان غريبه مسبح لونه اصفر
لا يجي احد ويقولي فلتر وخرابيط
الفلتر ينظف قراطيس ينظف غبار رمل اما يبي ينظف اللي يسوونه البزران استحاله
والبزران اذا طبو المسبح ما يطلعون الا مع اذان المغرب
يمكن هذا العيب الوحيد اللي لقيته في الفندق
الطاقم روعه الخدمه روعه
وشكرا
