شهر مبارك للجميع.. لم أتوقع يوم انني سوف انزل ضيفاً عليكم.. رغم اني من المتابعين لكل ماهو جديد في بوابتكم الكريمة.. وان شاء الله مااكون ضيف ثقيل..
يا أخوان انا قدر الله علي لظروف الفيزا وقصر المدة وتحول عيدي من امستردام الى المغرب وبسافر وحداني(سنقل) من الرياض الى كازابلانكا لأول مرة في يوم 22 اكتوبر_ليلة العيد_ والعودة في يوم 26 اكتوبر_ خمسة شوال_(4ايام فقط) على الخطوط الملكية المغربية وسعرها 2970 ريال.
وتم تأكيد حجز الفندق بحياة ريجنسي الليلة ب 2460 درهم مغربي لليلة الواحدة ( بدون افطار) من موقع الفندق الرسمي.
من هالمنطلق ابي تنصحوني لاني قريت وسمعت عن بعض المنغصات تحصل للسائح الخليجي تحديدا وتجاوبوني على بعض الاستفسارات الي تحضرني الان... وش اسوي .. وشلون اتصرف مع الي بالمطار .. وش نصايحكم لانسان اول مرة يروح المغرب من جميع النواحي ولحاله .. فلوسي وش اسوي فيها والا اعتمد على بطايق الفيزا .. عند المغادرة من المغرب سمعت تصير مشاكل بخصوص العملة الي شايلها؟؟.. هل حياة ريجنسي أمن...... هل فيه رجف بيبان مثل الي سمعناه حاصل بأقادير قبل سنتين وكما كتب عنه في صفحات المنتدى سابقا ؟؟ ..ومستوى فخامته للي سكنو فيه عن تجربة؟؟هل في الغرفة وايرلس نت؟؟ .. أكل مطعم الفندق.. وخصوصا الاكلات المغربية فيه؟؟ ابي سيارة تنقلني من المطار للفندق والعكس ؟؟.. هل سعر الغرفة غالي ؟؟ هل انا غالب أم مغلوب في السعر؟؟هل اطلب سيارة من الفندق نفسه ؟؟ والا التكاسي أمنه؟؟ هل فيه مكاتب تأجير سيارات ليموزين بسائق بالمطار؟؟ كم كيلو من مطار محمد الخامس الى قلب الدار البيضاء.. وشلون اصرف الدولارات وكم سعر الصرف؟؟ هل الصرافين بعيدين عن محيط الريجنسي(( لاني مااحب ابعد بعيد تجنباً للقروشة ))؟؟ هل الصرف من الفندق زين؟؟
وأخيرا وليس اخرا (( لاني كل مااتذكر شى بجي اسئلكم.. الله يعينكم تحملوني)): ابجيب دخاني معي هل الدرك بالمطار بيتبثرون علي وينشبولي؟؟ طلب الاكراميات وشلون اتعامل معاه؟؟
أي نصيحة لي ارجوكم لاتبخلون فيها علي
تحياتي للجميع.