هلا اخوي
انا شفت لك نفس السوأل ببوابة ايطاليا وجاوبت على استفسارك وخطة السير
وراح انسخ لك الرابط هنا لعل الاخوان يزيدو او ينقصو فية اواي اقتراح لهم
https://artravelers.com/p/re/451334

هلا اخوي ابو طلال ما قصر
بس ما دام النيه للسفره 6 أشهر شهر 6 رائع جدا للسفر
ابو طلال قال 5 ايام وأعتقد شامله ديزني لاند
باريس ما تحتاج سياره نهائيا حسب ما أشوف
حدد أيام وصولك والجدول سهل نرتبه لك وبما انك راح تتسوق بميلانو وراح يكون مرورك باسواق الشانز لزياره فقط ليش ما تقلل باريس الي 4 أيام وش رأيك ابو طلال او يوم يكون لبلجيكا من باريس تطلع وترجع بنفس اليوم
ابو طلال الف شكر لك

يامال العافيه يابو طلال ماقصرت حبيبنا .. الله يجزاك خير
اخوي فيصل أشكرك على التجاوب اخوي .. بالنسبه لوقت السفر ف حتى الآن لم يتحدد الوقت بشكل نهائي او قريب من النهائي حتى .. لكن أقرب شي بصراحة شهر 6 في المنتصف كذا .. لكن خوفي من ارتفاع الاسعار بسبب الصيفيه ولا ايش رايك؟ انا باذن الله راح احجز من بدري حيل ان الله قدرني لكن اقصد اسعار المعيشه هناك والتذاكر وخلافه ..
برضو سؤال لك ولا يهون ابو طلال ولا يهونون الباقين بالنسبه لحجوزات الفنادق متى برايكم اهتم فيها .. قبل السفريه بشهر ينفع ولا كثير ولا قليل؟ احتمال كبير اسكن في مناطق ريفيه سواء في زيلاميسي او انترلاكن وخلافهما ومادري هل أسكن أصلا في المدن الرئيسيه زي جنيف ولا لا ..
بالنسبه لفرنسا علشان أكون صريح ع الآخر معكم انا خوفي كله بالنسبه للحجاب والنقاب .. وش وضعهم بالضبط هناك الحين وش رسوا عليه؟؟؟ لان المدام تقول ماوالله اشيل النقاب ههه .. اصلا مهوب لازم فرنسا ههه ..
بالنسبه للتكلفه كم بشكل تقريبي بحت بتكون؟؟ لأني ماحطيت شي في بالي لكني عارف انها مب أقل من العشرين الف ريال ..

هلا خوي
سو حجز مسترد وتقدر تلغيه ولا يأخذون شيء
النقاب سوف يتم البت في ابريل من عام 2011 اذا المرأه رافضه انت سو حجز مبدئي طبقوا قرارهم هم الغي الفنادق
قصدك 20 الف لجميع الرحله مع تذاكر وكل شيء ولا ايش

هلا مشرفنا فيصل
السيارة انا اقصد انة يستاجرها لما يكون طالع من باريس يعني اخر يوم لة يستلمها ويسافر
بالنسبة للمبلغ العشرين الف اعتقد يقصد بة اخونا سليمان السكن والاكل ومصاريف السيارة
لاعدمناك اخوي فيصل

هلا وغلا ابو طلال
اشوفك بعد حاط يا سليمان مبلغ 30 الف بمووضع آخر اثبت يا رجال علي مبلغ
المهم اذا خططت لها من الحين راح يكفيك باذن الله
مسأله خوفك من النقاب خل محطه وصولك غير باريس اذا حتي لا تتعرض للمضايقه اذا تم تطبيق النظام
او وضع خطه بديله ان تكون البدايه من باريس واذا طبق تكون من غيرها والتكت تأخذ اللي عليها عروض راح تنزل قريب او نزلت واللي مسموح فيها تغير التاريخ مقابل مبلغ يسيير اعتقد 200 ريال
وربي يوفقك
من ترك شيئا لله عوضه الله خيرا منه

اخوي فيصل الله يعطيك العافيه ..
فرنسا شكله بتنلغي على كذا .. كانهم طبقوا قرارهم فحنا سحبنا عليهم وكانهم ماطبقوه فممكن نسير على باريس وانسي وشامونيه .. آخر مدينتين على حدود سويسرا حسب معلوماتي هل تتوقعون يكون فيه تساهل هناك بالنسبه لقرار زي هذا؟
لاني قريت عنهن وودي ازورهن اكثر من باريس صراحة ..
ابو طلال الله يعافيك على المتابعة لاعدمناك ..
فكرة الاجار بعد زيارة فرنسا مره حلوه خصوصا ان داخل باريس ماراح احتاج السياره كثير باعتقادي .. هذا ان ما طبقوا قرارهم ..
اخوي فيصل يامال العافيه .. زي ماتفضل اخونا ابو طلال بالنسبه للمبلغ .. انا اتوقع تكون الميزانية بحدود الثلاثين مع تذاكر السفر وكل شي .. تتوقع تكون كافيه برضو للتسوق؟
ما فهمت بالضبط اي تكت تقصد ؟
فرنسا لو بخطط قبل يطبقون القرار فانا بخليها قبل نهاية الرحله لاني ابي اخلي محطة الوصول والمغادره من دوله وحده احتمال سويسرا .. لذلك لو طبقوه فانا زاد عندي كم يوم ممكن اقضيها في جنيف مثلا .. او زيورخ اور اني ريكومنديشن ..

• عافاكما ربي جميها وجعل مساهمتكما في ميزان حسناتكما ..

هلا اخوي
كان قصدي هل هي شامله التذاكر ام لا لان فيه الحين عروض لا تفوتك
زين ما سويت بخصوص فرنسا احجز زي ما قلت لك حجز مسترد
وتقدر تطلع بالقطار لباريس والطريق رائع جدا وتستمتع فيه
0الف اذا ضبطت حجوزات للفنادق والسياره من الحين باذن الله تكون كافيه والتسوق لابد منه بس خل شيء احتياط بطاقه الظروف ما تضمنها
والله يوفقك

ماشاء الله سريع سريع اخوي فيصل الله لايضرك ههه
عروض تقصد على الطيران الدولي بالخطوط السعوديه؟ ولا ايش بالضبط؟
ثانكس