اعتقد بهذيك الفتره بيكون من الصعب الحصول على فنادق
بالاضافه الى ارتفاع اسعارها
وعن نفسي لو اموت ما رحت لها من حبي للكوره ----> طيب ليش تردين خ

فيه سببين تخلي الواحد يفكر قبل مايروح
السبب الاول
غلاء الاسعار من الممكن ان تكون الاسعار دبل مره او مرتين عن الصيف الماضي لان هذي البطوله ياتون اليها الناس من جميع انحاء العالم وفي نظر البعض انها افضل من كاس العالم فالاسيوين وخصوصا اليابانين والكورين يتجهون الى اوروبا لحضور مثل هذه المبارايات
السبب الثاني
الزحمه وكثرة الناس خصوصا في النمسا وسويسرا
فاذا رادت الذهاب الى مكان سياحي تجد العالم منكبه على هالمكان واذا بغيت تروح لمطعم تلقى العالم صافين سرى عليه واذا بغيت فندق يمكن ماتحصل الا بشق الانفس
يعني الموضوع فيه صعوبه شوي
تحياتي لك

شكراً اخوي على التوضيح
للي يبون المباريات واللي ما يبونها وهم الاهم لأنهم مساكين ما يدرون عن وقتها على الاساس هذا ممكن انهم يرتبون وقت سفرتهم

لوي فيتون
هلا اختى لوي فيتون
يسعدني انج اول من يرد علي خصوصا اني اليوم كنت اقرا موضوعج عن سويسرا بس ماكملته
معاج حق اللي ماله في الكوره مايهمه هالموضوع وايد
لكن تاكدي ان اللي يحبون الكوره هذي مناسبه حلوه ولهم وماعتقد زيادة الاسعار بتكون مشكله كبيره بنسبه لهم
اخذي راحتج اختى وفعلا ردج اسعدني ولي ر في موضوعج قريب ان شاء الله بعد قراءته والسموحه ع التاخير

الساهر
مرحبا اخوي الساهر منور يالغالي
اخوي اللي فهمته من كلامك انك مب متشجع للموضوع
لكن انا بعطيك حلول للمشكلتين اللي ذكرتهم
اولا طال عمرك المباريات بتكون في مناطق مختلفه في هالدولتين فمثلا
في مباراه راح تكون في سالزبورغ وفي مباراه بتكون في حنيف وانت طبعا اتعرف المسافه بين البلدتين
اللي اقصده ان الزحمه ع البطوله راح تكون متوزعه
فلنفرض انك تبي اتحضر مباراه وصادف انها في سالزبورغ وانت اتقول انها بتكون غاليه وانا اتفق معاك
شالييخليك تسكن في سالزبورغ تقدر تسكن في زلامسي وهي تبعد ساعه او في ميونخ وهي تبعد ساعتين وفي هالحاله تروح وترجع في نفس اليوم .
بهالطريقه انت حليت مشكله غلى الفنادق ومشكله الزحمه لان اقامتك في مدينه ثانيه ايضا سياحيه لبعد درجه.
هذي وجهة نظر اخوك وانا احترم رايك يالغالي
السموحه

البكور
مرحبا اخوي البكور
اشكرك اخوي ع الرد وانا اتفق معاك ان حتى اللي ماتهمهم البطوله لازم يعملون احسابهم بالبعد عن هالاماكن في هالتوقيت لتنجب الزحمه
تحياتي لك