1. تابعوني :_


2. تحميل الصور


3. تحميل الصور

بسم الله الرحمن الرحيم
اليوم بكمل تقريري الي بديته عن رحلتي الى بريطانيا, والحين بكتب لكم عن الجزء الخاص في البحيرات ,,,(بوينس تحديدا) ومقتطفات سريعة عن يورك

تابعوني :_

قمنا الصبح وسلمنا البيت وردولنا التأمين وعقبها انطلقنا الى البحيرات , كل ماقربنا كانت المناظر خياليه وهاليوم كان فيه امطار وايد , على فكره كان في زحمه وايد والسيد تقريبا واقف قبل مانشستر شوي والرحله خذت معانا حوالي 5 ساعات اخليكم مع الصور

تحميل الصور

تحميل الصور

واخيرا وصلنا بوينس فعلا ريف رائع جميل كان خاطري بس اوقف فالمزارع وامشي فيها واروح عند خرفان واشوفها عن قرب لان ماشاءالله عليهم ههه وكذلك الخيول والابقار والجبال واللون الاخضر الي تارس المكان شي ولا في الخيال روعه من جو من مطر من مناظر.
طبعا كنا حاجزين في دين هاوس لان كان ماخذ تصنيف عالي جدا , اتاري كل هالتنصيف من فئة كبار السن وهنا صار المقلب,, طبعا نحن حاجزين عن طريق شركة سياحيه هاي الشركه نتعامل وياها من سنين في الحجوزات سواء التذاكر او الفنادق الخ.
وتعرفون سيرتنا كانت في الموسم السياحي يعني كل الفنادق فل ويوم صلنا دين هاوس بصراحه كان المنظر من بره كئيب شوي ومافي حياه وصلنا جريب المغرب وقفنا ويوم نزلنا استقبلنا صاحب الفندق طبعا هو مو فندق اتوقع اسمه جيست هاوس يعني بيت وامسونه فندق كنت شاله بنتي وداخله بابتسامه عريضه وطلع هو في ويهي اول ماشافني بطل عينه وعلامات الاندهاش على وجهه والانزعاج , فوقفت مستغربه فقالي هذا الفندق مايستقبل اطفال هذا الفندق بس للكبار ,,, طبعا ان ا اهنيه شوي وبيوقف قلبي لان تعبنا من الدرب ونبغي نرتاح وبنفس الوقت الكل كان قاعد معصب ان ليش وديتهم البحيرات وانا على بالي مسويه خير فيهم لاني انا الي خططت للرحلة,,
ومومصدقين يوصلون ويرتاحون , فتقدم ريلي وقاله شو المشكله فعاد نفس الكلام فقاله بس طفله وحده معانا والباقين يعتبرون كبار , فقالنا اوكي لكن بدون ازعاج , طبعا كلنا اضايقنا وانا تاثرت وايد لاني انا الي حطيتهم فهالموقف واتعرفون جماعتنا مايحبون هاي النفسيات من البشر , ومن حسن حظنا اقصد العكس طبعا ,,, أن عطانا غرفه لنا جنبه بالظبط وغرفه فوقه بالظبط وبدت عاد القصص كل شوي يطلع الا سكروا التلفزيون ان نزل حد من فوق يطلعله وينازعهم اطلعوا فوق , اخر شي طلعله زوجي وقاله انا موب يالس عندك ببلاش وانتم ستضيفني عندك فحسن اسلوبك ولا انا بشتكي عليك طبعا بصوت عالي قاله دافع المبلغ كامل واتحمل تعطينا اية ملاحظات لان لنا الحريه نستخدم التلفزيون فاي وقت بما انه بالحد المعقول ومن بكره بنطلع من الفندق..
انا ليلتها مانمت واضايقت وحسيت انه الموقف كان بسبب اختياري لكن رديت قلت اي النوعيات متواجده في كل مكان , والمفروض مانخليها اتاثر علينا بكره الله بيسهلها وبنحصل فندق ثاني باذن الله افضل .
ودورنا فندق ثاني وكان قريب مره من البحيره ونظامه مثل الشاليهات علشان الاطفال لايزعجون حد.
وفعلا طلعنا وسرنا الفندق نفس فندق الي نزلت فيه اختنا درة الخير وحجزنا غرفتين فيه لانه غرفه كبيره وفيها عدة اسره .
وبدينا يوم جديد رائع وكان بصراحه ريوقهم روعه . حطينا اغراضنا ورحنا البحيره اخليكم مع الصور .
.