بسم الله حبيت اكتب عن رحلتي الي امريكا ولااية اسمها صعب بس بختصره بوسطن. كانت الرحلة بتاريخ 22 يناير 2007 علي الخطوط البريطانيه بريتش كانت الرحلة من مطار الكويت الي مطار هيثرو ترانزيت اربع ساعات وبعده الي الولاية الي اسمه صعب بختصرة وبسميها ماشفت يوسف الطيارة كانتمريحه والخدمه:x1:طارت الطيارة من مطار الكويت الساعه 6 صباحا وصلت مطار هيثرو الساعه 12 بتوقيت الكويت .....قزرته بلمطار تمشي لي الساعه 4 وشوي انا بصراحه ماعرف انجليزي بس مقزرة مع الاشارات عرفت البوابه رحت اهناك وبيني بينكم كنت اتمني اشوف واحد شكله عربي عشان اسولف معاه (ويضطبني) لاوصلت مطار بوسطن ..وانا بس اطالع في العالم هذا شكلة عربي لا يمكن هذا وجذي وانا بهطريق مادري اني جايب العيد اتاريهم مراقبيني ماكو عربي راكب الطيارة غيري بعد .....المهم جاء دوري البوردنق هاك وفتش وخلص دشيت الممر ولاا ذااك الاسمر راسه يحوش السقف وفتش وقالي قو ودشيت الطيارة ولاا هذاك الحمر معاه جهاز مو مثل الي بره وفتش حتي داخل الجوتي عزكم الله دخله فيهدشيت وقعدت علي الكرسي ... طارت الطيارة كانت المسافه بين لندن وبوسطن 7 ساعان وانت فوق بحر وشوي الا هذيك الموظفة تناديني مادري شتقول فهمت منها انها تبيني اقوم قمت من مكاني ولحقته راحت صوب الدرجة الاولة واشرت علي الكرسي قالت اقعد اهني مادري شقالت قوود قلتها قود راحت قلت عجيب مالقو غيري يقعودوني علي الدرجه الاولة غيري والله زين بس العجيب مايعطوني من الي يعطون الركاب علي الدرجه الاوله اميزينهم علي :112:قلت بطقاق خلنا انريح ونسدح ماعلينا منهمكان في واحد بس يسولف قاعد جمبي بيني وبينه مثل الطاوله مالت الدرجه الاولة.. المهم كل شوي يلتفت علي جبت من اخره قلتله نو سبيك انجلش وسويت نفسي نايم وكل شوي قايم يطالع فيني ويجي واحد من وره يكلمه ويروح وكل شوي رايح جاي تذكرت الهاند باق ناسية وري قمت علي طول ياليتني ماقمت فز الرجال وهو واقف رحت وري واذا الرجال الي كل شوي رايح جاي شايل الشنطه بيده كنه يقولي جايبه لك فهمت السالفه الرجاجيل خايفين مني قلت للمظيفه عطيني بيرة انشيل الشك منهم شوي جابت البيرة وفكته وحطه قدامي طبعا ماشرب الي جمبي كنه استانس شوي ....المهم حطيت نفسي نايم ليين وصلت مطار بوسطن ...طبعا نزلت مع الاولين لهم وضع خاص جيت بنزل من الطياره كابتن الطيارة مادري شقول متعلق فيني كني ولد ديانا... وانا اقول اوكي اوكي صرت اسكت وطبيت مطار الركاب كلهم رايحين صوب كاونتر واحد وفي كاونترات فااضية ليش مايروحون له رحت صوب كاونتر فاضي هاك الجواز بربر الامريكي فهمت انه روح كاونتر هذاك شاف جوازي خليجي .. قالي اوكي بصم بصمت قالي كمان بصمت قالي نو كمان تعال وداني صوب غرفه تدقيق طبعا مطار بوسطن مافيه مترجمين مثل مطار نيويورك والله اني افهم شنو يقول بس ماعرفت ارد عليه الا بسؤال جم مواليد امك وابوك قالي خلاص قو جاء دور التفتيش عاد تفتيشهم عزكم الله جلاب بجلاب وسئلني وين ساكن جان اطلعله الورقه السحريه الي فيها تفاصيل حياتي وعنوان اخوي ورقم تلفونه ورقم بريده بعد...ضحك بوجهي قالي قو طلعت واول مره اشوف ثلج ينزل عبالي في الاول عيوني فيها رماد والله ..... ركبت تاكسي وعطيته الورقه وداني الي منطقه اسمها قوينسي تبعد عن بوسطن 15 كيلو منطقه هادية وحلوه وبعيده عن الزحمه مخرج ايكست 9وصلت شارع كويري دقيت من تلفون التاكسي علي اخوي مو مصدق اني وصلت بسرعه عباله بتعطل بلمطار وهم انا ماحبيت اطلعه بثلج وصلت المجمع السكني الروعه نادي صحي وامن 24 بس اجاره شوي يجوي 2800 دولار(يجوي=يحرق) بشهر بس كل شي عليهم ماي كهرب تلفون انترنت نادي صحي كل شي بس عندهم عيب واحد في المجمع حاطين نادي حق الجلاب عزكم الله .. دشيت شقة اخوي الا ربعه قاعدين من كل قطر عربي موجود حتي بدون من الكويت موجود بشقه سلامات ماسلامات شسويت شلون الكويت من هسوالف جزاه كل خير فلسطيني عنده محل لمه عرف اني وصلت حلف الا العشا يجيبة علي حسابه وتعشينا وراح كل واحد لشقته قعدت مع اخوي اسولف وبعدها راح ينام حاولت انام ماقدر التوقيت لعب فيني لعب اذا صار عندنا ليل صار في الكويت نهار قعدت سهران لين الصبح شفت شي غريب مع الدريشة ياجماعه بط والله بط يمشي بشارع مو مصدق في الكويت دحاريج ويالله اشوفه بط عاد يالله باجر اكمل عن الرحله الي كانت عشر ايام صارت ثلاث اشهر