شحالكم ؟ عساكم بخير
من زمان ماشفتوني هني صح
مشغوول شووي ومابقد احط تقرير زيارتنا لمانشستر فلذلك حبين اني انزل بداله رحله من رحلاتنا
الي كانت مع الكليه والي كانت لبلاك بول مدينه تقع شمال مانشستر وفيها ملاهي
بسم الله الرحمن الرحيم ...] الف يمين والف يسار واقوول اروح ولا ماروح
ماحد من الشباب الي يايين معي بيروحو غيري وكنت محتار بين شيئين الاول هو اني ايلس واسير ويا الشباب نادي مانشستر سيتي مب الملعب لا الملعب التدريبي وكان في احد الحدائق والشي الثاني هو
اكتشف مكان يديد ماجد سرته قبل ومب كل يوم بتي بريطانيا
والكفه الثانيه رجحتها ع الاولى بعد عناء
واخيراً قررت ولكن الساعه كم 40: 8 تقريباً والرحله الساعه 9 والمسافه طويله
حتى قررت اكنسلها لكم خلاص مادامني قررت لبست بسرعه وخلصت واطلع ركض قطعت المسافه الطويله فر ربع ساعه والحمدلله ركبت في اخر لحظه
انطلقنا ... من مانشستر لبلاك بول والطريق كان حلو مثل باقي الطرق الريفيه الي في بريطانيا
بس ماصورت الطريق عشان ماتستوي فينا يوم تشيستر يوم وصلت المدينه البطاريه بدت تفضي فحطيتها عبره المهم وصلنا تقريبا بعد ساعه ونص او ساعتين ماذكر بالضبط كم
واول ماوصلنا كان مطر بس خفيف وانا مب يايب المظله
وهذي صوره اول ماوصلنا ودخلنا على بوابه الملاهي
م طبعاً انا واحد مب مال العاب وملاهي ومادري شووه قلت خلني بتمشى مع الربع في المدينه
وبالفعل تمشينا ومادخلنا الملاهي
^
شوفو كيف مطر وان ماعندي الامبيرلا والله توهقت ذاك اليوم
المهم كنا نمشي يسار الملاهي فحولنا طريقنا لليمين عشان ندخل ونشوف المدينه لانه على اليسار
شارع فاضي على الشاطي وفيه كم محل
وهذا الحنطور
شويه ورود وزهور
وهذي بيوتهم
وهذي صوره للملاهي من بعيد
شوفو الشاطي كيف فاضي
منظر من الشاطىء
مشينا شوي وقفنا هني
دخلنا وشفنا المكان اعتقد في مقهى وكم كشك للبيع يبيعون شنط وهالسوالف
وطلعنا نمشي
وهذا حنطور ثاني بس هذا ركبنا عليه وصلنا لين التاور واعتقد المبلغ كان حوالي 15 الى 10 باوند
يمكن اقل بس مذكر السعر لكن في هالحدود والي ركب الحنطور يقدر يفيدنا بسعره الحقيقي
صوره من داخل الحنطور
هذي صورتي مع الحنطور ] نص وجه عادي ]
المهم وصلنا المنطقه الي فيها التاور
يتبع ... []