وقف
03-07-2022 - 03:43 am
السلام عليكم ورحمة الله وبركاته
احنا رايحين ان شاء الله مدة اسبوعين ان ربي سهل
وراح اسكن بالاقوراد رود بإذن الله
ومعاي مجموعة اسئلة محتاجة نصايحكم
1- البيق بص حابة اعرف وش الامكان اللي تستاهل ننزل فيها لأنها صعبة علي انزل بكل شي احنا مجموعة ماشاء الله ومعاي أطفال فأبغى اختصر عليهم الوقت والجهد وشي ثاني هل الافضل نحجز السبت والاحد والا بوسط الاسبوع ..!
2- بالنسبة للعفش هل فيه مشاكل لو اخذ معي بخاخ ديتول والأكل مثل التونة والكرافت والسريلاك والكورن فليكس والحليب البودرة والسائل لأن عيالي مستحيل يشربون نوع ثاني والا ممكن احصل منتجاتنا هناك مثل حليب صافيو والمراعي ..!
3- كيف راح يكون الجو على خلال هالشهر والشهر القادم ..!
4- مدة سفرتي اسبوعين ان شا ءالله هل تنصحون اشوف منطقة ثانية غير لندن ..!
5- هل تنصحوني اشتري تذاكر الباص والمتاحف من مكتب التأشيرات والا ما تفرق ..!
وشكرا ربي يسعدكم على طولة بالكم (=
1- من وجهه نظري .. النهر لازم تنزلون فيه و تاخذون رحله نهريه و تتمشون و تصورون عند البيق بين و البرج ..
لندن اي صراحه تطول و ممله ماكو شي فيها يعني بيملون اليهال .. شوفوها من برا بس الا اذا حابين تشوفون لندن من فوق و اول مره لكم بلندن
قصر باكنقهام اذا اول مره نزلو شوفو او خلوه بوقت تغيير الحرس عشان تصورون و تشوفونهم
الباقي اشياء عاديه ما تحتاج
2- عادي اخذي بس خليهم بالشنط الكبيره مو اللي باليد .. و كل شي موجود بلندن بس عاد المراعي مادري
3- الجو معتدل .. صيفي طبعا لكن جو لندن ماله امان متقلب خلو معاكم الجاكيتات طبعا لاي تقلب او بروده الليل
4- ممكن تروحين مانشستر ليله او ليلتين .. و تروحين رحلات برا لندن اللي تروحين الصبح و ترجعين بالليل مثلا الاوت لت .. برمنجهام .. باث .. برايتون .. بورتسموث .. ليدز ..
5- ما جربت شخصيا بس يقولون بالنت و مكاتب التاشيره فيها توفير بسيط
حياج الله و رحله موفقه