انا جربتها العام من لانكاوي اللى كوالالمبور وما فيها فرق عن افخم طياره سوى عدم تقديم اية وجبات وبعدبن ترى المسافه اقل من ساعه وانت اولى بالفرق حتى لوكان 10 ريال

اخوي ممكن تقول لي اش اسم الموقع الي حجزت عن طريقة وهل هو مضمون وكيف اخذ التذاكر

على ما سمعت من مكاتب السياحة إن الماليزيه أفضل طياران ... أنا أنصحك إنك تاخذها .. وإذا جيت عند السعر فما تفرق 20 ولا 30 .. إشتر راحتك بمبلغ زهيد.
أما عن البطاقه الإئتمانية فالله يعينك ... والله إنها نقمة أكثر من إنها نعمه .. حاول بقدر المستطاع إنك تتخلص منها أول ما ترجع من السفر ... نصيحه.
تحياتي ، ، ،

عن طريق موقع http:// Asia.com وهو موقع مضمون وعند استكمال خطوات عملية الحجز يعطيك رفم مرجعي تقدمه لموظف الكونتر عند ذهابك للمطار يوم السفر

السلام عليكم ...
أخوي coolteen طيران آير آسيا ما عليه كلام وممتاز مقارنةً بسعره ....
ميزته سعره رخيص جداً ... ,واعتقد إنك فوت على نفسك هالميزة ... وشكلك حاجز متأخر شوي .... عشان كذا معطينك هالسعر ..
الطيران يستخدم نظام الطبقات .. نفس طريقة طيران العربية كل ما حجزت بدري كل ما كان السعر أرخص ...
عندهم التذكرة من كوالا لبينانق ذهاب ب 20 رينقت بس لو حاجز من بدري....
طيب إنت متأكد ما فيه أقل من كذا ؟؟ ... توني مجرب على الموقع حقهم لقيت رحلات الإسبوع القادم ب 50 رينقت ..

hani458
تصحيح :
http://www.airasia.com

كما قال اخي ابو ميسم ربما تحصل سعر اقل من كذا لأن الفرق اكبر بينها وبين الماليزيه من ناحية السعر. وطبعا للمعلوميه مافي تذاكر (الحجز برقم الجواز) ولافيه boarding pass(بطاقة صعود) ومبلغ التذكره لا تستطيع استرداده وممكن تعمل الحجز من مطار كولالمبور وممكن عن طريق مكاتب البريد المنتشره في ماليزيا(malaysia post), واذا تبغى رحله اقتصاديه وممتعه عليك باالباصات السوبر vip الفخمه مقعدها فخم وتتفرج على الطبيعه وبالوقت ترى ماتفرق كثير لو حسبت المسافه الىالمطار, بحدود 50 رينجت للفرد ومنه توفر حق مشوار المطار والمسافه تقريبا 4,5 ساعات.
واتمنى لك رحله سعيده.

انا حاجز منهم 5 تذاكر حق لنقاوى طلعت مع الضرايب وكل شى 375 رنقت وعليك الحساب طبعا حاجز من شهر 5 ورحلتى 16/7
طبعا ون وي بس

السلام عليكم
اخواني الاعزاء...
حجزت اول على الماليزيه...لاني قلت ان رحلتها كثيره..لو تفوتني وحده بدالها عشر...
وادخلت البيانات وكلش
يوم جيت اباشتري طلع لي خطا من عندهم بالسرفر
وقعدت يومين على هالمنوال..والمشكله اني سجلت عندهم واخذوا رقم الفيزا (يعني خزنوه)
بس طبعا ماسحبوا عليه شي لان الموقع حقهم عليه مشاكل
واتصلت على مكتبهم بجده وقلت اباخذها منكم بنفس السعر عيوا...قالوا بيبيعونني اياها ب180
واذا ابيها مخفضه..لازم اصبر على موقعهم الخايس وكل شوي احاول مرة اخرى...وخطر كذا لانه يمكن يكرر السحب على الفيزا...
لذلك قلت يابو تينه يمكنها خيره..وربي مايبيك تروح على الماليزيه...
لذلك قلت مابدهاش
مالك الا خط البلده اير اسيا..
وسويت حجز بأقل من خمس دقايق وكلش تمام الحمدلله
بالنسبه لسعر التذكره هي بالفعل زي ماتفضلت يااخوي ابو ميسم 49 ولكن اذا جزمت يضيف لك الضرائب وتطلع زي ماقلت لكم اول 74 رنجيت
وعطوني رقم حجز...يقولون اجيبه معي بس...
بس شكلي اباخذ لاب توبي كله واخلي الشاشه مشغله من الان المين سفرتي ان شاء الله...
واغز على الشاشه - علشان زيادة بالتاكيد
يعطيكم العافيه