بسم الله الرحمن الرحيم
إسقي كل البحر .. من طلك عذوبه ..
وانثري ضيك عليه ..
في المساء مر .. وشذى عطرك في ثوبه ..
وماسك الشمس بأيديه ..
وش عليه يلعب ف شعرك هبوبه
ويغسل أقدامك في مده
ويكتم أسرارك في جزره
ويلقى في رملك لخده لا تعب .. حضن ومخده
وكل ما جا الطاري في عرس وخطوبه ..
وقلنا مين هي العروس ..
قالوا : جده

• * * * * * * * * * * * * * * * * * * *

اعضاء ومشرفين وادارة العرب المسافرون
كل عام وانتم بخير ,,,,
حبيت ان اطرح تقرير عن مدينة جده او عروس البحر الاحمر !!
مدينة رائعه من جميع النواحي خاصة السياحيه
فشاركوني هذه المتعه
==========
سبب الرحله ==========
الرحله كانت مفاجئه الوالده قالت لازم اروح لمدينة جده عند اختها عشان تغير جو و تتسلى شوية و نوصل اخوي عشان
مسافر كمان .
وانا قلت خلاص والمشكله الواجهتني اني رجلي على دعسة البنزين ثقيله يعني الطبلون ما يطلع فوق 160 والوالده تخاف
عشان كذه ما في حل غير الخطوط
قلت خلاص نحجز بالطياره وما لقيت حجز الا نهاية الاسبوع
واخوي قال رحلتي بعد الفجر والوالدة قالت
راح نروح ب

قلتلها الرحله متعبه وكذا قال لا راح لازم نروح اليوم
وتابعوني .
الجزء الاول
قطعنا التذاكر وركبنا الباص المتعب .
اخذت صورة واحده من داخل الباص .
وانا كل الطريق قاعد اقول يا ريت لو مارحت بالنقل الجماعي
المشكله حقت النقل الجماعي انو بطيئ يوصل في 5 ساعات ممكن اكثر اما انا مايحتاج اقول اوصل جده في كم
وبعد 300 كيلو وممكن اكثر وقف النقل الجماعي في استراحة
والاهل قالوا يبغو ياكلو رز قلتلهم طيب .
وشفت امي جالسه ما تبغى تاكل سألتها ليش قالت الملح كثير حق الرز .
وانا واخوي بعد ما خلصنا الاكل قلنا الرز طعمه جيد بس ملحه ثقيل
واشوف الوالده واختي قاعدين يضحكوا علينا
وهاذي صور للاستراحه
وبعدها سواق الباص قاعد يعطي بوري احنا والركاب كأنه عسكري مرور
واخذت كم صوره للباص .
وركبا الباص وخوينا الي مسوب نفسه عسكري السواق حق الباص اشوفه قاعد يتكلم بالجوال حقه
وطبعا زي العاده انا نايم .
وفي النهاية وصلنا .
ويلا اخذت الجوال ودقيت على ولد خالتي وشوفوا كيف كانت المكالمه طبعا صحيتو من النوم الساعه كانت 4 الفجر .
احمد : السلام عليكم كيف حالك محمد فينك ذحين
محمد : عليكم السلام والله انا تحت عمارتكم انزلي بسرعه ( قاعد يمزح )
احمد : لا من جد فينك ؟؟؟؟
محمد : يابن الحلال انا نايم !!!!!!
ذحين الرجال صحي شوي
=====
محمد : احمد فينك ليه ما تجي جده تعيد علينا شكلي راح اجيك في المدينة واخذك معاي جده
احمد : طيب انا في النقل الجماعي تعال خذني
محمد : من جدك انت !! في النقل ............. انتظريني لين ما اصحى من النوم وبعدين اجيك
( هو حاقد عشان مره جاه عندنا وخليتو يقعد ساعتين في المطار وهو ما يعرف البيت )
قلتله الوالده واختي واخوي معاي عيب تخلينا !!
وبعدين هو سمع كلمة الوالده على طول ما اخذ عشرة دقائق
ورحنا وصلنا اخوي على المطار عشان الطياره بعد ساعة ونص راح تتحرك ساعة ونص
وهاذي صور الوالده اخذتها لكم عشان انا كنت نايم
وبعدين وصلنا المطار
والطياره اتأخرت زي ساعة واخوي خلص الاجرءات وركب
والجزء المتعب هذا خلص
وان شاء الله راح نسوي زي ما يقولوا ( الفله تلاقيها في جده انا ولد خالتي والشباب )